Edhekiɛl 9:1 - JAM DE NHIALIC 2011

¹ Na wën, guɔ röl de Bɛ̈nydït piŋ ke jam an, “Bäkkï tënë, wek kɔc lɔ pänydït luöi këtuc. Bɛ̈ɛ̈ikï tɔɔŋkun ë week ë tök.”

Edhekiɛl 9:1 ပူးပေါင်းရင်းမြစ်များ

2 Mel 10:24

Ëtɛ̈ɛ̈n go Jeɣu ku Jonadap lɔ luɛɛk ku gɛmkï miɔ̈c näk, ku miɔ̈c ye nyop ëbɛ̈n. Ku acï kɔc kathiërbɛ̈t tɔ kääc biic në luaŋ de Baal kɔ̈u, ku yöök keek an, “Näkkï kɔckë kedhie, ku raan lɔ raan tök tɔ bän, ka abï thou në nyinde yic!”

1 Lëk 21:15

Go Nhialic tunynhial tooc bï Jeruthalem lɔ riɔ̈ɔ̈k, go yenɔm waar ku yɔ̈ɔ̈k tunynhial an, “Kääcë! Kënë ë loi!” Ku tunynhial ë Bɛ̈nydït aa kääc tëthiääk ke yiɛɛu de Arauna raan ë Jebuth.

Bɛ̈n 12:23

Ku të le Bɛ̈nydït Rip caathic ke näk kɔc ke Rip, abï riɛm tïŋ ɣöt thok baŋë ku baŋë, ku baŋ nhial, ka cïï tuunynhial ë thuɔɔu bï bɛ tɔ lɔ ɣöndun le we nɔ̈k.

Yith 6:8

Ëtɛ̈ɛ̈n acä piŋ ke lueel Bɛ̈nydït an, “Eeŋa duɛ̈ɛ̈r tooc? Eeŋa bï aa tunyda?” Aguɔ bɛ̈ɛ̈r an, “Yɛn bï lɔ! Toc ɛn!”

Jeremia 4:6

Nyuɔthkï kueer lɔ Dhiɔn! Kuɔnykï röt wei! Duökï gääu! Bɛ̈nydït abïï riääk, riäŋdïït bɔ̈ në biäk të lɔ rut.

Edhekiɛl 43:3

Yen ë nyuuthë acït kë wään bä kɔn tïŋ, wään bïï Nhialic Jeruthalem bɛ̈n riɔ̈ɔ̈k, ku cït kë wään tiëŋ në kiir de Cebar yɔu. Na wën ke ya cuɛt rɔt piny ke ya gut yanɔm piny.

Nyuuth 14:7

ku lueel ë röl dït, an, “Riëëukï Nhialic, ku lɛckï nɔm: thaar bï en löŋ guiir kï, cï bɛ̈në: jakï Raan lam Raan ë cak nhial ku ciɛk piny ku wɛ̈ɛ̈r ku awɛɛŋ ke piëëu!”