Edhekiɛl 8:5 - JAM DE NHIALIC 2011

⁵ Go ë Bɛ̈nydït lɛ̈k ɛn an, “Mɛnh ë raan, tïŋ biäk të lɔ rut.” Guɔ ee tɛ̈n tïŋ, aguɔ yanh ee Nhialic tɔ göth tïŋ, ë yïk lɔ̈ɔ̈m në kueer ee lɔ në kal thok.

Edhekiɛl 8:5 ပူးပေါင်းရင်းမြစ်များ

Diɛt 48:2

Dhiɔn kuur de Nhialic, athöny ku aläk, atɔ̈u të lɔ rut, Pänydït de melik dït ee miɛtëpiɔ̈u yiɛ̈n pinynɔm ëbɛ̈n.

Diɛt 78:58

Acïk yen tɔ gɔ̈th, në biäk de ɣäänkɛn ye kek yiëth lam thïn, ku yiëthken acïk en tɔ diu piɔ̈u.

Jeremia 3:2

Tïŋ kur nïïm nhial. De të kën yïn tɔ̈c thïn we röör cï tiiŋ akɔɔrröör? Yïn ee röörkuön nhiaar tiit në kuɛɛr këc. Cït man ye cuɛ̈ɛ̈r kɔc bïï rum tiit në jɔ̈ɔ̈ric. Yïn cï piny dhiöök në kɔ̈ɔ̈rduön ë röör.

Jeremia 32:34

Arëk acïk yiëthkɛn rac tääu ë Luaŋdït yic, ɣön ë yïk ke bï ë Yɛn aa lam thïn, ku acïk dhiöök.

Jeremia 7:30

“Kɔc ke Juda acïk kërac looi. Acïk yanhdɛn maan tääu në ɣöndiën ë Bɛ̈nydït, ku acïk dhiöök.

Edhekiɛl 5:11

“Ka ënɔɔnë, ke ya ye Nhialic pïïr, kënë ee jam de Bɛ̈nydït Awärjäŋ në biäk cä wek tëdiën ɣeric dhiöök në kërac yak looi ëbɛ̈n, kanhiany cäk looi, we bä ke nɔ̈k ke cïn kokëpiɔ̈u.

Edhekiɛl 8:3

Go kë cït cin riɛny tueŋ, ku dɔm ɛn në nhïm ke yanɔm. Ku në ee nyuuthë yic, wëi ke Nhialic acïk a bɛ̈n gap nhial në yomic ku leerkï yɛn Jeruthalem. Leer ɛn kueer ee tëëk në kal thok biäk thïn de Luaŋdït, të lɔ rut, të tɔ̈u ë yanh ee Nhialic tɔ göth.