Edhekiɛl 8:3 - JAM DE NHIALIC 2011

³ Go kë cït cin riɛny tueŋ, ku dɔm ɛn në nhïm ke yanɔm. Ku në ee nyuuthë yic, wëi ke Nhialic acïk a bɛ̈n gap nhial në yomic ku leerkï yɛn Jeruthalem. Leer ɛn kueer ee tëëk në kal thok biäk thïn de Luaŋdït, të lɔ rut, të tɔ̈u ë yanh ee Nhialic tɔ göth.

Edhekiɛl 8:3 ပူးပေါင်းရင်းမြစ်များ

1 Mel 18:12

Ku na ja jäl ku jɔ Wëi ke Bɛ̈nydït yï guɔ lɔ̈ɔ̈k gap të cïï ŋic? Ku ja lɔ lɛ̈k Aɣap luɔi nu yïn eenë, ku cïï yï bï bɛ̈n yök, abï ya nɔ̈k.

2 Mel 16:14

Ku yïïŋ de maläŋ cï gäm Bɛ̈nydït aa tɔ̈u në kaam de yïïŋ cï piac looi kekë Luaŋdït, go Aɣadh yïïŋ de maläŋ tääu biäk të lɔ rut de yïïŋ cï piac looiyë.

2 Mel 2:16

Gokï lɛ̈k en an, “Tïŋ, lïïmku adekï nïïm röör ril kathiërdhïc, yïn läŋ tɔ wo lɔ lok bɛ̈nydu kɔɔr. Tɛk däŋ cïï Wëi ke Bɛ̈nydït en gap nhial ku lek cuat ë kuur däŋ nɔm, ku nɔn ee wakic.” Go Elica bɛ̈ɛ̈r an, “Du keek tooc.”

2 Mel 21:7

Ku tɛ̈ɛ̈u kïn de yanh tik cɔl Acera ë Luaŋdïtic të ɣɔn cï Bɛ̈nydït thɔ̈n Debid kekë wëndɛn Tholomon an: “Në Jeruthalemic eenë, ë Luaŋdïtic, ee yen cä lɔc në dhiëën ke Yithriɛl yiic ëbɛ̈n, ke ee të bïï ë Yɛn aa lam aɣet athɛɛr.

Diɛt 78:58

Acïk yen tɔ gɔ̈th, në biäk de ɣäänkɛn ye kek yiëth lam thïn, ku yiëthken acïk en tɔ diu piɔ̈u.

Bɛ̈n 20:4

“Du rɔt lui yanh thöŋ guöp kekë kë nu nhial, ku nɔn ee yen kë nu ë tiɔp nɔm, ku nɔn ee yen kë nu në pïïuwiic në tiɔp thar piny.

Bɛ̈n 20:5

Du yïnɔm kɔn guöt piny në yath nɔm, ku du läŋ. Yɛn aye Bɛ̈nydït Nhialicdun, ku Yɛn ee mantil. Kɔc man ɛn aya ke luöi këtuc, ayï mïthken agut cï rem ye rɛm diäk, ayï ŋuan, rɛm man Ɛn.

Bɛ̈n 34:14

“Duökï de yanh däŋ lamkï pei, në luɔi Ye Bɛ̈nydït Nhialic mantil.

Jeremia 32:34

Arëk acïk yiëthkɛn rac tääu ë Luaŋdït yic, ɣön ë yïk ke bï ë Yɛn aa lam thïn, ku acïk dhiöök.

Jeremia 7:30

“Kɔc ke Juda acïk kërac looi. Acïk yanhdɛn maan tääu në ɣöndiën ë Bɛ̈nydït, ku acïk dhiöök.

Edhekiɛl 1:1

Në kööl de dhïc, në pɛɛi de ŋuan, në ruöön ye run ke pɛ̈c thiëër ku diäk, yɛn Edhekiɛl wën de Budhi, bɛ̈ny de kake Nhialic, yɛn aa rɛ̈ɛ̈r wo kɔc ke Judai cï peec në Kiir de Cebar thok piny de Babilon. Go paan nhial rɔt liep ku tiëŋ nyuuth de Nhialic.

Edhekiɛl 10:3

Ku cerubiim akɛ̈ɛ̈ckï në Luaŋdït biäk të lɔ wöuwic, të wën le yen thïn, go luät kal biäk thïn thiɔ̈ɔ̈ŋ.

Edhekiɛl 11:1

Go Wëidït ke Bɛ̈nydït a jɔt leerkï yɛn në Luaŋdït thoŋ wel rɔt aköl amiäk. Në kal thok ëtɛ̈ɛ̈n yɛn cï kɔc kathiërrou ku dhïc tïŋ adekï yiic Jaadhania wën de Adhur ku Pelatia wën ë Benaya, bäny ke kɔc.

Edhekiɛl 11:24

Në nyuuthic, yɛn cï wëi ke Nhialic acïk a jat nhial, ku pukkï yanɔm ciëën tëde kɔc cï peec në Babilon. Go nyuuth wën cï tïŋ guɔ jäl,

Edhekiɛl 2:9

Guɔ ciin tïŋ ke ɣökë yɛn, ku amuk biöŋ cï gɔ̈ɔ̈ric.

Edhekiɛl 3:12

Go Wëi ya lɛɛr nhial ku piɛŋ röl dït ke jam në ya kɔ̈u ciëën aye lueel an, “Pianykï dhuëëŋ de Bɛ̈nydït paannhial!

Edhekiɛl 3:14

Go wëi yɛn gɔpic ku leerkï yɛn të däŋ. Riɛl de Bɛ̈nydït yen aciɛɛth ɛn, guɔ piɔ̈u diu ku gɔ̈th.

Edhekiɛl 37:1

Guɔ riɛl de täu ë Bɛ̈nydït yök në yaguöp, go Wëi ke Bɛ̈nydït ya jɔt ku lee yɛn tääu piny ë wakic të cï thiäŋ ke yom ke kɔc.

Edhekiɛl 40:2

Në nyuuth yic Nhialic acï ya jɔt leer ɛn piny de Yithriɛl ku tɛ̈ɛ̈u a piny në kuur bäär nɔm. Guɔ ɣööt juëc tïŋ në yanɔm tueŋ ke ke cït pänydït cï yïk

Edhekiɛl 43:5

Go Wëi ya gap nhial, ku leer yɛn në kal yic thïn, të wën ë tiëŋ yɛn dhuëëŋ de Bɛ̈nydït ke cï Luaŋdït thiɔ̈ɔ̈ŋ.

Edhekiɛl 43:8

Meliik ayek thook ke ɣöötken ku göl ke ɣöötken yiɛ̈k në ɣöndï kɔ̈u ku gɔ̈ɔ̈ldï kɔ̈u, ago jɔ aa päny yetök yen nu në kaamda. Acïk rinkiën ɣeriic yɔ̈ɔ̈r në karɛckɛn yek looi ëbɛ̈n, aguɔ keek riɔ̈ɔ̈k në agönhdï.

Edhekiɛl 5:11

“Ka ënɔɔnë, ke ya ye Nhialic pïïr, kënë ee jam de Bɛ̈nydït Awärjäŋ në biäk cä wek tëdiën ɣeric dhiöök në kërac yak looi ëbɛ̈n, kanhiany cäk looi, we bä ke nɔ̈k ke cïn kokëpiɔ̈u.

Edhekiɛl 7:20

Wään aake ye röt kɔn lɛɛc në guëtken, ku acïk ke bɛ̈n looi kek yiëth racken bɛ̈n looi. Yeka cïï Bɛ̈nydït kajuëcken tɔ riääk.

Edhekiɛl 8:5

Go ë Bɛ̈nydït lɛ̈k ɛn an, “Mɛnh ë raan, tïŋ biäk të lɔ rut.” Guɔ ee tɛ̈n tïŋ, aguɔ yanh ee Nhialic tɔ göth tïŋ, ë yïk lɔ̈ɔ̈m në kueer ee lɔ në kal thok.

Edhekiɛl 9:2

Ënɔɔnë thiinë, go kɔc kadhetem bɛ̈n të lɔ rut në kal thoŋ biic de Luaŋdït, ŋɛk amuk tɔɔŋke. Ku raan tök ë keyiic aceŋ lupɔ de linɔn ku amuk këde gäär në yeciin. Gokï bɛ̈n kedhie ku kɛ̈ɛ̈ckï në yïïŋ de maläŋ kɔ̈u.

Danyel 10:10

Ago ciin rɔt ɣɔ̈ɔ̈k, ku dɔm ɛn ku jɔt ya nhial në yacök ku riɛny yacin, ku yɛn aa ŋoot ke ya lɛthë.

Danyel 10:18

Ago yɛn bɛ nyɔk ë döm, guɔ rɔt yök ke ya ril.

Danyel 5:5

Ee tëthiinë go ciin ë raan tïc ku jɔ gäär guɔ gɔl në päny de ɣön ë melik cï piiny kɔ̈u, të wën riɛɛu ë mɛ̈c ke alath aläl. Ku melik acï ciin tïŋ të wën gɛ̈ɛ̈r en.

Luɔi 8:39

Na wën, aa cïk bɛ̈n bei ë pïïu yiic, ke Wëi ke Bɛ̈nydït ke ke gɔp Pilip wei, ku akënë mony cï roc bɛ tïŋ, go kueerde dɔmic ku mit piɔ̈u.

Nyöŋ 32:16

Ku lämdɛn ë yiëth acï Bɛ̈nydït dɔ̈m tiɛl, ku kërɛɛc cïk looi acï yen tɔ göth.

Nyöŋ 32:21

Keek në yiëthken acïk ɛn tɔ göth, ku tiɛl kakɛn cɔl ke yiëth, kek yiëth cie Nhialic yith. Ka yɛn bï kë cɔl jur tuöc keek, bï ke tɔ göth. Abä keek tɔ dɔm tiɛl në jur dhɔ̈n.

Nyöŋ 4:24

në biäk cït ë Bɛ̈nydït Nhialicdun lɔ̈k de mac, acïï kë tɛɛr ke Yen ee pɔ̈l.

Nyöŋ 5:9

Duökï wenïïm ee guöt piny në yiëth nïïm, ku duökï keek lam, në luöi Yan Bɛ̈nydït Nhialicdun, Yɛn cïï raan tɛɛr ke Yɛn duëër pɔ̈l. Yɛn ee kɔc man yɛn luöi këtuc, agut cï mïth ke mïthken në rɛm ye kek diäk, ayï rɛm ye kek ŋuan.

Nyöŋ 6:15

Të la wek yiëth kɔ̈k lɔ lam agönh de Bɛ̈nydït abï bɛ̈n ë wegup cït man ë mac bïï week bɛ̈n riɔ̈ɔ̈r taitai. Në biäk cïï Bɛ̈nydït Nhialicdun raan rɛ̈ɛ̈r kekë week yanh däŋ nhiaar.

Jocua 24:19

Ago Jocua lɛ̈k keek an, “Wek cïï Bɛ̈nydït bï lëu në luui, në luɔi Yen Nhialic ɣeric, ku ee mantil. Na lak wööc piɔ̈u, acïï we bï päl awäc.