Edhekiɛl 8:17 - JAM DE NHIALIC 2011

¹⁷ Go ë Bɛ̈nydït lɛ̈k ɛn an, “Mɛnh ë raan, cï ee kënë tïŋ? Kek kɔc ke Jeruthalem kë, akënkï piɔ̈ɔ̈th kuɛth në luɔi de karɛckɛn kë kedhie, ka cï keek tïŋ ee tënë, ku në luɔi de akuöörkuöör cïk thiäi në piny nɔm ëbɛ̈n. Ei, abïk dhil bɛ̈n, ku bïk bɛ̈n looi ee tënë Luaŋdït, ku tɔkï yɛn göth aläl. Tïŋ lɛ̈ɛ̈tdɛn ye kek a läät në kuɛɛr ke dhääl, ku yek kewuum kum ë këër!

Edhekiɛl 8:17 ပူးပေါင်းရင်းမြစ်များ

Cäk 6:11

Ku piny nɔm ëbɛ̈n, acï riääk në Nhialic nyin. Piny acï nɔm thiäŋ kekë ruëëny ku akuöörkuöör.

Cäk 6:13

Go Nhialic lɛ̈k Nowa an, “Acä tak nɔn bän kɔc ke piny nɔm riɔ̈ɔ̈k kedhie, në luɔi cï kek piny riɔ̈ɔ̈k nɔm në karɛckɛn yek looi ëbɛ̈n. Ku piny nɔm abä riɔ̈ɔ̈k abïï ciën kë bï bɛ tɔ̈u thïn.

2 Mel 21:16

Manatha acï kɔc juëc cïn kë cïk wööc nɔ̈k në Jeruthalem thok biic, ale guööt ë wut thar ciëën, mɛt rɔt kekë kë cï yen kɔc ke Juda lɛɛr ë karɛciic abïk karɛc looi në Bɛ̈nydït nyin.

2 Mel 24:4

ku në biäk de rim de kɔc cï ke nɔ̈k ëbɛ̈n ke cïn kë cïk wööc. Bɛ̈nydït acïï Manatha bï pɔ̈l në biäk de ee kënë.

Jeremia 19:4

Yɛn lɔ ee kënë looi në biäk cï kɔc Yɛn pɔ̈l, ku acïk eetënë dhiöök në luɔi ye kek yiëth kɔ̈k nyuöp wal, yiëth kuckï keek, ku kuc kuarken ayï meliik ke Juda acïn kë ŋickï ë biäkden. Acïk ee tënë riɔ̈ɔ̈k në riɛm de kɔc cïn kë cïk wööc,

Jeremia 20:8

Të ee yɛn jam yɛn ee dhiau ë röldït ku kiɛɛu an, “Akuöörkuöör! Riääk!” Bɛ̈nydït yɛn ye dɔl guöp, ku biɔn yɛn guöp në biäk yan jamdu lueel.

Jeremia 44:3

në biäk cïï ë kɔcken karɛc looi, ku acïk Yɛn tɔ göth. Ayek yiëth kɔ̈k nyuöp wal ŋïr, ku yek yiëth kɔ̈k luööi, yiëth kënkï ke kɔn luööi, ayï week, ayï kuarkun akënkï ke kɔn luööi.

Jeremia 6:7

Cït man ye yith pïïu piɛth ke muk, yen aye Jeruthalem kërɛɛcde muk apiɛth. Yɛn akuöörkuöör ku riääk piŋ ë pänydït yic, jɔk ku tëtöök ee kek ya tïŋ ëbɛ̈n.

Dhiëëu 1:5

Kɔc de ater në Dhiɔn acïk tiam, ka amukkï në riɛlden. Acïï Bɛ̈nydït tɔ nuan në biäk de karɛckɛn juëc kedhie. Mïthke acï keek peec ku jɔtë keek wei.

Edhekiɛl 11:6

Wek cï kɔc juëc näk në ee pänydïïtë yic eenë ka kuɛɛr acïk yiic thiäŋ në gup ke kɔc cï thou.

Edhekiɛl 16:26

We cï dhööm thiääk ë week, kɔc ke Rip, tɔ tɔ̈c në week, ku wek cïï ë baldun tɔ göth në yɛn.

Edhekiɛl 18:12

Ee kɔc kuanynyïïn math, ku rum ku nööm ka cï ë kɔc gäm yen bï ke tɔ̈ɔ̈u. Ee lɔ në yïk ke kɔc ke yiëth nïïm, ku lɛm yiëth rackë,

Edhekiɛl 23:25

Në biäk rac ɛn piɔ̈u wo week, abä keek tɔ ceŋ week në agönhden. Abïk week tɛm wuum ku weyïth, ku näkkï wɛ̈ɛ̈tkun ku duetkun. Ɣɛɛ, abïk wɛ̈ɛ̈tkun ku duetkun jɔt ku lek keek nyop ke ke pïïr.

Edhekiɛl 28:16

Yïn aa lui ke yï ɣöc ku ye käŋ ɣaac, ku kënë acï yïn thɛl në akuöörkuöör yic ku kërac. Guɔ yïn cuɔp wei bä kuurdiën ë Nhialic nyääŋ piny, go tunynhial ee yïn gël yïn cuat wei në kur ke mac lɔ̈m.

Edhekiɛl 45:9

Acïï Bɛ̈nydït Awärjäŋ lueel an, “Wek cï awɛ̈ɛ̈c looi në kaam bääric, wek bäny ke Yithriɛl! Pälkï akuöörkuöör ku yaaŋ de kɔc! Luɔikï yic, ku piathëpiɔ̈u. Wek cïï kɔckï bï bɛ nyɔk ë cuɔp wek keek wei pinyden. Yɛn Bɛ̈nydït Awärjäŋ, ee Yɛn lɛ̈k week ee kënë.

Edhekiɛl 7:11

Akuöörkuöör luɔi de karɛc bɛ̈ɛ̈i. Acïn këdɛn bï döŋ, acïn kajuëckɛn bï nu, ayï kakɛn ke dhuëëŋ, ku diɛk abïk liu.

Edhekiɛl 7:23

“Këriëëc ëbɛ̈n acï anuɔɔn, piny acï thiäŋ ke kɔc ee kɔc nɔ̈k, ku pɛ̈ɛ̈nydït acïk yiic thiäŋ në akuöörkuöör.

Edhekiɛl 8:6

Go Bɛ̈nydït lɛ̈k ɛn an, “Mɛnh ë raan, cï kë loi rɔt tïŋ? Tïŋ karɛc looi ë baai de Yithriɛl keek ee tënë, aceeckï yɛn të mec aläl kekë tëdiën ɣeric. Yïn bï kajuëc ke ayäär wär ee kakë tïŋ.”

Edhekiɛl 9:9

Go ë Nhialic bɛ̈ɛ̈r an, “Baai de Yithriɛl ku Juda acïk awɛ̈ɛ̈c juëc looi. Ayek kɔc nɔ̈k piny ë piny yic ëbɛ̈n, ku acïk Jeruthalem thiɔ̈ɔ̈ŋ yic në luɔi rac. Ayek lueel an, Yɛn Bɛ̈nydït, Yɛn cï pinyden nyääŋ piny, ku nɔn cän keek ee tïŋ.

Amoth 3:10

Aye Bɛ̈nydït lueel an, “Kek ee kɔckë akuckï luɔi de këpiɛth. Acïk ɣöötdïtken thiɔ̈ɔ̈ŋ në kak ë peckï në riɛl tëde kɔc.

Amoth 6:3

Wek ee bɛ̈n de akööl ke riääk tɔ mec, ku yak thöny de akuöörkuöör jɔ cuöt tëthiɔ̈k.

Maika 2:2

Na cïk piɔ̈ɔ̈th dɛ duum, ke rumkï keek, na kɔɔrkï ɣööt, ke nömkï keek. Acïn baai ayï raan bïï ë kake poth.

Maika 6:12

Kɔckɛn kueth ayek kɔc kuur, ku kɔcken ayek lueth töör, acïn yicdɛn yek lueel.

Dhep 1:9

Yɛn bï kɔc ee ciɛɛŋ lei kuɛny cök luöi këtuc ëbɛ̈n, ku ayek kual ku näkkï kɔc në biäk bï kek ɣön ë bɛ̈nyden thiɔ̈ɔ̈ŋ në kak ë rumkï në riɛl.