Edhekiɛl 8:16 - JAM DE NHIALIC 2011

¹⁶ Go yɛn lɛɛr ë kal de Luaŋdït yic thïn. Të thiääk ke tëɣeric, në kaam de yïk kekë kueer, të de yic röör kathiërrou ku dhïc. Acïk kekɔ̈ɔ̈th wel tëɣeric, ku acïk kenïïm guöt piny të lɔ aköl amiäk, ke ke lam akɔ̈l bɔ̈ thok.

Edhekiɛl 8:16 ပူးပေါင်းရင်းမြစ်များ

1 Mel 8:29

Liep Yïnyin ku ye Luaŋë woi wakɔ̈u ku aköl, yen të ɣɔn cï lueel an, bï rinku tɔ̈u ëtɛ̈ɛ̈n, luɔi duëër Yïn lɔ̈ŋ aa piŋ, lɔ̈ŋ bï raanduön ee Yï luööi aa lɔ̈ŋ ee tënë.

2 Mel 16:14

Ku yïïŋ de maläŋ cï gäm Bɛ̈nydït aa tɔ̈u në kaam de yïïŋ cï piac looi kekë Luaŋdït, go Aɣadh yïïŋ de maläŋ tääu biäk të lɔ rut de yïïŋ cï piac looiyë.

2 Mel 21:5

Ku yïk yïïk ye ke kuɛl lam thïn në për kaarou ke Luaŋdïtic.

2 Mel 23:11

Ku nyiɛɛi jöŋgöör ɣɔn cïï meliik ke Juda gäm yanhdɛn cɔl akɔ̈l, ɣɔn tɔ̈u ë Luaŋdït thok të le kɔc luɛɛk, të thiääk ke ɣön ë Nathan Melek bɛ̈ny tueŋ de rem de tɔŋ, ku nyop abëël ke jöŋgöör ɣɔn ye kɔc akɔ̈l lam.

2 Mel 23:5

Ku cop guc ke yiëth ɣɔn cïï melik ke Juda ke kuany, bïk yiëth aa nyuöp wal ŋïr në ɣään thöny në wuöt ke Juda yiic, ku Jeruthalem kɔ̈u ciëën. Ku nyiɛɛi guc ee Baal nyuöp wal ŋïr aya, ku guc ke akɔ̈l, ku guc ke pɛɛi ku guc ke kuɛl nhial ëbɛ̈n.

2 Lëk 29:6

Kuarkuɔ aake cïn adöt tëde Bɛ̈nydït Nhialicda ku loikï kë cï ye tɔ diu piɔ̈u. Acïk Bɛ̈nydït nyääŋ piny ku welkï ke kɔ̈ɔ̈th tëdɛn cëŋ en thïn.

2 Lëk 7:7

Ago Tholomon pëëric cil guiir gam, ku guiir biäk tueŋ de Luaŋdït, ku jɔ miɔ̈c ye nyop ëbɛ̈n gam ëtɛ̈ɛ̈n, ku miɔ̈c ë rap, ku kɔɔl ke miɔ̈c de mät. Aa loi ee kënë në biäk cïï yïïŋ de maläŋ cï looiyë ee miɔ̈ckë duëër jɔt kedhie.

Jeremia 2:27

Wek bï yɔ̈ɔ̈r gup, wek kɔc ee ye lueel nɔn ye tim wuur ku ye kuur moor. Kënë abï rɔt looi në biäk cïï wek röt yal wei tëde Yɛn në nyin duëër wek röt dɔ̈k Ɛn, ku na tɔ̈ukï në riääkic, wek ee Ya bɛ̈n kɔɔr bä we kony.

Jeremia 32:33

Acïk kekɔ̈ɔ̈th wël Yɛn, cakaa nɔn yan ŋoot ke ke wɛ̈ɛ̈t, acïkï kɔ̈ɔ̈r bïk wɛ̈ɛ̈t ku ŋickï käŋ.

Jeremia 44:17

Ku wo bï këriëëc ëbɛ̈n looi, kë cuk lueel an buk looi. Wok bï wal ŋïr nyuöp tiiŋ melik de paannhial, ku abuk wäl nɔm mɔ̈u, cït man ɣɔn ye wok ye looi në kuarkuɔ, ku meliikuɔ ku bänykuɔ ë wuöt ke Juda yiic ku kuɛɛr ke Jeruthalem yiic. Wok cï nïïm dɛ kacaam juëc, ku kuethku, ku aa cïn nuan ë nu.

Jeremia 7:18

Mïth ayek tiim lɔ määt yiic, ku loi röör mac, ku jɔ diäär awac nuaai, bï kek kuïn cï pam luöi yanh tiiŋ cɔl Tiiŋ melik Nhial. Ayek miɔ̈c ye poor në mɔ̈u gäm yiëth kɔ̈k aya, në biäk bïï kek Ɛn yiëk buɔ̈t.

Jeremia 8:2

Ku abïï keek thieth në akɔ̈l nɔm kekë pɛɛi ku në rem de paannhial nɔm ëbɛ̈n, kɔc cï keek nhiaar ku luuikï keek, ku kuanykï keek cök, kɔc cïk gam ku lamkï, acïï keek bïï määtiic ku cïï keek tɔ̈ɔ̈u, abïk ciët wär ke ɣɔ̈k piny.

Edhekiɛl 10:3

Ku cerubiim akɛ̈ɛ̈ckï në Luaŋdït biäk të lɔ wöuwic, të wën le yen thïn, go luät kal biäk thïn thiɔ̈ɔ̈ŋ.

Edhekiɛl 11:1

Go Wëidït ke Bɛ̈nydït a jɔt leerkï yɛn në Luaŋdït thoŋ wel rɔt aköl amiäk. Në kal thok ëtɛ̈ɛ̈n yɛn cï kɔc kathiërrou ku dhïc tïŋ adekï yiic Jaadhania wën de Adhur ku Pelatia wën ë Benaya, bäny ke kɔc.

Edhekiɛl 23:35

Ënɔɔnë kë lueel ë Bɛ̈nydït Awärjäŋ kï: “Në biäk cïï yïn nɔm määr në yɛn ku wɛ̈lë yïkɔ̈u yɛn, yïn bï nuan në ŋɔ̈ɔ̈ŋdu kekë kɔ̈ɔ̈rduön ë röör.”

Edhekiɛl 23:39

Kööl man yen nɛ̈k kek wɛ̈ɛ̈tkï ke ke ye miɔ̈c näk gëmë yiëthken, acïk bɛ̈n tëdiën ɣeric ku dhiökï!

Edhekiɛl 40:28

Go raan a tɛ̈ɛ̈k në thoŋ të lɔ wöuwic leer ɛn ë kal yic thïn. Go kal thok them, ke le yök ke kït ke thëm de kal thok në päny kɔ̈u biäk biic.

Edhekiɛl 40:6

Ëtɛ̈ɛ̈n go lɔ në kal thoŋ wel rɔ të lɔ aköl amiäk. Go lɔ nhial në kuc ke cäth, na wën ke jɔ kal thok lɔ them nhial, go thuthde yök ke ye mitïïr kadiäk.

Edhekiɛl 43:5

Go Wëi ya gap nhial, ku leer yɛn në kal yic thïn, të wën ë tiëŋ yɛn dhuëëŋ de Bɛ̈nydït ke cï Luaŋdït thiɔ̈ɔ̈ŋ.

Edhekiɛl 43:8

Meliik ayek thook ke ɣöötken ku göl ke ɣöötken yiɛ̈k në ɣöndï kɔ̈u ku gɔ̈ɔ̈ldï kɔ̈u, ago jɔ aa päny yetök yen nu në kaamda. Acïk rinkiën ɣeriic yɔ̈ɔ̈r në karɛckɛn yek looi ëbɛ̈n, aguɔ keek riɔ̈ɔ̈k në agönhdï.

Edhekiɛl 45:19

Bɛ̈ny de kake Nhialic abï riɛm thiin de miɔ̈c de kërac nööm, ku tɛ̈ɛ̈u në nïn de Luaŋdït nɔm, në aguuk ke yïk kaŋuan, në nïn de Luaŋdït nɔm, ku në kueer lɔ në kal de Luaŋdït yic biäk thïn.

Edhekiɛl 46:1

Acïï Bɛ̈nydït Awärjäŋ lueel an, “Kueer nu në biäk lɔ aköl amiäk abï tɔ̈u ke guöör thok në akööl ke luɔi yiic kadhetem, ku abï aa liep në kööl ë Thabath, ku në kööl ë dhuëëŋ de Wil ë Pɛɛi.

Edhekiɛl 7:23

“Këriëëc ëbɛ̈n acï anuɔɔn, piny acï thiäŋ ke kɔc ee kɔc nɔ̈k, ku pɛ̈ɛ̈nydït acïk yiic thiäŋ në akuöörkuöör.

Edhekiɛl 8:15

Go ya thiëëc an, “Mɛnh ë raan, cï ee kënë tïŋ? Yïn bï karɛc wär ee kakë tïŋ.”

Jowɛl 2:17

Ku takï bäny ke kake Nhialic läŋ, bäny ee Bɛ̈nydït luööi në kaam de yïk kekë Luaŋdït. Ë ke dhiau ku lɛ̈ŋkï: an, “Kok piɔ̈u we kɔcku, Bɛ̈nydït. Du kɔc ke nɔmdu tɔ biɔn gup, du ke bï tɔ ye kääŋ yup në juööriic. Acïï rɔ̈ŋ bï kɔc aa lop an, “Nu Nhialicdu ë nou?”

Nyöŋ 17:3

në läm lɛm en yiëth kɔ̈k ku ye keek luööi, ku lɛm aköl kekë pɛɛi ku nɔn ee kuɛl, ka wuöc në lööŋ ke Bɛ̈nydït.

Nyöŋ 4:19

Ku të cä wek nhial lieec ku tiëŋkï akɔ̈l kekë pɛɛi ku kuɛl, ku ka nu nhial kedhie, duökï röt bï tɔ them, aguɔkï keek lam. Acïï Bɛ̈nydït Nhialicdun keek gäm juöör kɔ̈k ë pinynɔm bïk keek aa lam.