Edhekiɛl 7:4 - JAM DE NHIALIC 2011

⁴ Yïn cä bï kɔn pɔ̈l ku cä yïn nyuth kokdepiɔ̈u. Yïn bä luöi këtuc në biäk de karɛckuön cï looi, ago jɔ ŋic nɔn ee Yɛn Bɛ̈nydït.”

Edhekiɛl 7:4 ပူးပေါင်းရင်းမြစ်များ

Jeremia 13:14

Ku ëtɛ̈ɛ̈n abä keek jɔ dhuööŋ cï guöl, ŋɛk në ŋɛk kɔ̈u, röördït ku dhuök akït. Acïn kokëpiɔ̈u, ku cïn dhiënëpiɔ̈u, ku cïn pïïu ke nyin bï A tɔ päl luɔi näk Yɛn keek.”

Jeremia 16:18

Abä keek tɔ cut raan rou ë biäk de kërɛɛcden ku awɛ̈ɛ̈cken, ë biäk cï kek pinydï dhiöök në yiëthkɛn cïn yiic wëi cï gup cï thou, ku thiäŋkï ë yiëthkɛn Alueth.”

Jeremia 25:14

Yïn bï kɔc ke Babilonia cuöl kë cïk looi, ku juöör juëc, ku meliik juëc abïk keek tɔ ee lïïm.’ ”

Edhekiɛl 11:21

Ku yɛn bï kɔc ee kanhiany, ke yiëth rac lam luöi këtuc. Abä ke luöi këtuc në biäk de kë cïk looi.” Bɛ̈nydït Awärjäŋ yen aa jam.

Edhekiɛl 12:20

Pɛ̈ɛ̈nydït cï yiic thiäŋ ë kɔc ë nɔɔnë abïï ke riɔ̈ɔ̈k, ku pinyden abï döŋ ke ye jɔ̈ɔ̈r. Ëtɛ̈ɛ̈n abïk jɔ ŋic nɔn ee yɛn Bɛ̈nydït.”

Edhekiɛl 16:43

Yïn cï nɔm määr wään mɔ̈k yɛn yïn, ɣɔn koor yïn, ku yïn cï ya tɔ göth në biäk de kakuön cï looi kedhie. Yeka ta yɛn yïn col keek kedhie. Eeŋö yïn kake bal mat në karɛc kɔ̈k cï looi?” Bɛ̈nydït Awärjäŋ yen aa jam.

Edhekiɛl 22:31

Ka yɛn bï agönhdï tɔ lööny në ke kɔ̈ɔ̈th, ku abä ke riɔ̈ɔ̈k cï mac në biäk de ka cïk looi.” Bɛ̈nydït Awärjäŋ yen aa jam.

Edhekiɛl 23:31

Yïn cï cök ke nyankui kuany yiic, ka yïn bä gäm abïny töŋ de këtuuc wään kan gäm nyankui bä dek.”

Edhekiɛl 23:49

Ku wek duet ke raan tök waarou, wek bä luöi këtuc në biäk de karɛc yak looi ku awänyduön de läm de yiëth. Ëtɛ̈ɛ̈n abäk jɔ ŋic nɔn ee yɛn Bɛ̈nydït Awärjäŋ.”

Edhekiɛl 24:14

Acä lueel, Yɛn Bɛ̈nydït Awärjäŋ. Akööl acïk bɛ̈n kööl bän lui. Yɛn cïï awänydu bï tɔ piɔl yic, ku cä piɔ̈u kok wo yïn, ku cä yïn päl. Yïn bï dhil luöi këtuc në biäk de kë cï looi.” Bɛ̈nydït Awärjäŋ yen aa jam.

Edhekiɛl 33:29

Na lɔ kɔc luöi këtuc në biäk de awɛ̈ɛ̈cken, ku ta piny päl, ëtɛ̈ɛ̈n abïk jɔ ŋic nɔn ee Yɛn Bɛ̈nydït.”

Edhekiɛl 5:11

“Ka ënɔɔnë, ke ya ye Nhialic pïïr, kënë ee jam de Bɛ̈nydït Awärjäŋ në biäk cä wek tëdiën ɣeric dhiöök në kërac yak looi ëbɛ̈n, kanhiany cäk looi, we bä ke nɔ̈k ke cïn kokëpiɔ̈u.

Edhekiɛl 6:14

Ɣɛɛ, Yɛn bï yaciin riny ku riääk pinyden. Abä tɔ ee jɔ̈ɔ̈r gɔl në wöuwic leer piny de Ribila në biäk të lɔ rut, acïn të bä pɔ̈l në ɣään ceŋ ë kɔc ke Yithriɛl. Ago ë raan ëbɛ̈n ŋic nɔn Yan Bɛ̈nydït.”

Edhekiɛl 6:7

Kɔc abï keek nɔ̈k në piny yic ëbɛ̈n, ku kɔc bïï döŋ ke ke pïïr, abïk jɔ ŋic nɔn Yan Bɛ̈nydït.

Edhekiɛl 7:27

Melik abï dhiau, ku wën melik abï nɔm ciën aŋäth, ku kɔc abïï ke lath në riɔ̈ɔ̈c. Wek bä luöi këtuc në biäk de ka cäk keek looi kedhie, ku guiɛɛr löŋdun në kueer wään ya wek lööŋ ke kɔc kɔ̈k guiir. Kënë abï we nyuöth nɔn ee Yɛn Bɛ̈nydït.”

Edhekiɛl 7:3

“Yithriɛl, thök acï bɛ̈n. Yïn bï agönhdï yök në yïguöp, në biäk luöi Ɛn yïn këtuc në biäk de kë cï looi. Yïn bä gäm ariöp de karɛckuön cï looi.

Edhekiɛl 7:9

Yïn cä bï kɔn pɔ̈l ku cä yïn nyuth kokdepiɔ̈u. Yïn bä luöi këtuc në biäk de karɛckuön cï looi, ago jɔ ŋic nɔn ee Yɛn Bɛ̈nydït, ku ee Yɛn ee raan ee kɔc luöi këtuc.”

Edhekiɛl 8:18

Abïk riɛl de agönhdï yök ëbɛ̈n. Acä keek bï pɔ̈l, ku cä piɔ̈u bï kok wo keek. Abïk a lɔ̈ŋ aläl në awuɔɔu dït, ku yɛn cïï lɔ̈ŋden bï piŋ.”

Edhekiɛl 9:10

Ku Yɛn cïï piɔ̈u bï kok wo keek, abä keek luöi ka wään cïk keek kɔn luöi kɔc kɔ̈k.”

Ɣodh 12:2

Ku Bɛ̈nydït ade gääk wël nɔm kɔc ke Juda. Ku abï baai de Jakop luöi këtuuc rɔ̈ŋ kekë karɛckɛn yek looi.

Ɣodh 9:7

Akööl ke këtuc abïkï, akööl ke kuɛ̈n acïk thiɔ̈k. Takï ŋic ë Yithriɛl yen ee kënë. Në luɔi cï awɛ̈ɛ̈ckun juëc arëët, ku cï wëlkun kenyïïn ŋuak aläl. Wek ee tiët tɔ ye dhɔ̈n, ku takï raan thiäŋ ke wëi tɔ ye raan cï miɔ̈l.

Amoth 7:8

Na wën, ke lop ɛn an, “Amoth, eeŋö cï tïŋ? Guɔ puk nɔm an, “Ee awin ë yïk. Go lueel an, “Tïŋ ë awin ë yïkë, athɛm ɛn Yithriɛl kɔckï, acïk ciët päny cï awin ë yïk tɛɛm wei, Yɛn cïï A nɔm bï bɛ waar në luɔi bän keek luöi këtuc.

Dhek 11:6

(Acï Bɛ̈nydït lueel an, “Yɛn cïï piɔ̈u bï kɔn bɛ kok wokë kɔc de piny. Raan ëbɛ̈n në keyiic abä gäm kɔc rëër kek, ku bänyken. Ku piny abï bänykë ye yɔŋ nɔm, ku acä keek bï luäk bei në kecin.)

Ɣeberuu 10:30

Cït man ŋic wok Bɛ̈nydït raan ë luel en an, “Guur ee këdï, abä cool nɔm,” ku ŋicku Bɛ̈nydït raan ë luel en ayadäŋ an, “Bɛ̈nydït abï löŋ de kɔcke guiir.”