Edhekiɛl 7:26 - JAM DE NHIALIC 2011

²⁶ Riäŋë abï bɛ̈n ë riäŋë cök, ku thook luel karɛc abïk aa bɛ̈n. Wek bï nyuuth kɔɔr tëde tiët bï we lɛ̈k ka cï tïŋ. Bäny ke kake Nhialic abïk nïïm ciën kë bï kek kɔc wɛ̈ɛ̈t, ku röördït abïk nïïm ciën ka jiëëm kek kɔc.

Edhekiɛl 7:26 ပူးပေါင်းရင်းမြစ်များ

Diɛt 74:9

Kït ke kakuɔn ɣeriic kedhie acïk liu, Acïn tït cï döŋ, ku acïn raan ŋic yen bïï kaam cït ŋö lɛɛr yen ee kënë.

Yith 47:11

Riääk abï lööny ë yïguöp, ku acïn yanhduön tök bï ee riäŋë tɔ kääc. Riääk abï yï lɔ̈ny ëthiäu, riäŋ kën yïn kɔn nyuöth ë caŋɣɔn!

Jeremia 18:18

Go kɔc jɔ lueel an, “Loiku këdäŋ në biäk de Jeremia! Wok bï nïïm aa dɛ bäny de kake Nhialic bï wook aa wɛ̈ɛ̈t, kɔc pel nïïm bï wook aa wɛ̈ɛ̈t, ku tït bï wook aa lɛ̈k jam de Nhialic. Lok ciëku thok, ke wo bï kɔ̈ɔ̈c në pïŋ piŋ wok ka ye lueel.”

Jeremia 21:2

“Luɔpë Bɛ̈nydït në biäkda, në biäk luiyë wo tɔŋ ë Nebukadnedhar melik de Babilon kekë remdɛn ë tɔŋ, tɛkdäŋ bï Bɛ̈nydït këdïït de gäi looi ë biäkda ku tɔ Nebukadnedhar tɔ puk rɔt.”

Jeremia 37:17

Na wën ke melik Dhedekia tuc ya raan, ku jɔ yɛn luɔp yatök ɣön ë bääny an, “De jam cï bɛ̈n tëde Bɛ̈nydït?” Aguɔ bɛ̈ɛ̈r ku luɛɛl an, “Ade jam, ku yïn bïï gäm melik de Babilonia.”

Jeremia 4:20

Riäŋë ee bɛ̈n në riäŋë cök, piny ëbɛ̈n acï döŋ ke cï riääk. Ago pɛɛnykuɔ riɔ̈ɔ̈k ëthiäu aya, ku retë lupɔɔ ke awëërken nyïïn, ku temë keek.

Dhiëëu 2:9

Athïïnke acïk lɔ piny ë tiɔpic, waike acï ke dhuööŋ abïk lɔ thorthor. Melikde ku adhuëëŋke anukï ë juööriic. Löŋ acïï be ë wɛ̈ɛ̈t, ku tït acïn nyuuth ee bɛ̈n tëde keek tëde Bɛ̈nydït.

Edhekiɛl 11:2

Go Bɛ̈nydït lɛ̈k ɛn an, “Mɛnh ë raan, kɔckë ayek kiɛɛr rac looi, ku ayek kɔc ke pänydït lɛ̈k wël rac.

Edhekiɛl 12:22

“Mɛnh ë raan, eeŋö ye kɔc ke Yithriɛl kääŋë nyɔkic: ‘Akööl ayek tëëk, ku kë cï caar acie aa yic’?

Edhekiɛl 14:1

Ku röördït kɔ̈k ke Yithriɛl acïk a bɛ̈n luɔp në biäk de këde Bɛ̈nydït piɔ̈u.

Edhekiɛl 21:7

Të thiëëc kek yïn an eeŋö teer yïn, ke lɛ̈kë keek nɔn yen biäk de thook ee bɛ̈n. Të lee yen bɛ̈n, piɔ̈ɔ̈thken abïk thiäŋ në riɔ̈ɔ̈c, cinken abïk röt nöök, ku jöötden abï riääk, ku abïï ke lath miɔl. Akööl acïk bɛ̈n, anu eenë.” Bɛ̈nydït Awärjäŋ yen aa jam.

Edhekiɛl 22:26

Bäny ke kake Nhialic adhoŋkï lööŋke kɔ̈ɔ̈th, ku acïk ciën riëëu de kaɣer yiic. Acïkï käŋ ee bɛ pɔ̈ɔ̈c yiic në kaam de kaɣer yiic ku ka cïï yiic ɣer. Acïkï kɔc ee bɛ wɛ̈ɛ̈t bï kɔc kapiɛth ku karɛc ŋic, ku ayek kööl de Thabath tɔ cïn naamde. Ku në biäk de ee kënë kɔc ke Yithriɛl acïkï Yɛn ee riëëu.

Edhekiɛl 33:31

Ka kɔckï ayek kenïïm kut ke ke kɔɔr bïk kë bä lueel piŋ, ku acïkï kë cï lɛ̈k keek bïk looi ee looi. Wël ke nhiëër në kethook, ku ayek ŋoot ke ke cath në kuɛɛrkɛn ke dït de piɔ̈u yiic.

Edhekiɛl 8:1

Në kööl ë dhïc, në pɛɛi de dhetem në ruöön de dhetem, të wään cï ë wo peec, röördït ke dhiën ë Juda aake rɛ̈ɛ̈r në yɛn ë tök baaidï. Na wën ke riɛl de Bɛ̈nydït ë bɔ̈ në yaguöp ëthiäu.

Lebai 26:18

“Ku në ee kakë cök kedhie na lak ŋoot ke we cïï jamdï piŋ. Wek bä kuum në baŋ de karɛckun raan dhorou ku nɔm.

Lebai 26:21

“Ku na lak ŋoot ke we loi ater në yɛn, ku cäkï jamdï piŋ. Yɛn bï nuɛɛnkun ŋuak nyïïn raan dhorou ku nɔm. Cït man ë kë röŋ kekë karɛckun.

Lebai 26:24

Ëtɛ̈ɛ̈n, Yɛn bï ater luöi week, ka wek bä luöi këtuc thok raan dhorou awär kë tueŋ ë biäk ë karɛckun.

Lebai 26:28

ëtɛ̈ɛ̈n në agönhdï, Yɛn bï ater luöi week, ku bɛ we luöi këtuc thok aläl raandhorou awär këtueŋ ë biäk de karɛckun.

Maika 3:6

Në biäk de ee kënë, akööl abïkï, akööl bï yiic ciën nyuuth, ku mɔ̈ɔ̈th cïnic cäär. Aköl de tït abï lɔ piny, ku akölden abï rɔt puk aye mɔ̈ɔ̈th.

Malakai 2:7

Ku bäny ke kake Nhialic kek arɔ̈ŋ bïk kɔc aa wɛ̈ɛ̈t në yith ke Nhialic. Ku kɔc aröŋkï bïk lɔ piŋ në wëët de wël ke Nhialic tëde keek, në luɔi ye kek tuny de Bɛ̈nydït de rɛm.

Malakai 2:9

Yen acän week tɔ biɔɔn ë kɔc gup kedhie, ku ta keek dhäl wegup. Në biäk kɛ̈n wek kuɛɛrkï kuany yiic ëgɔk, ku në luɔi ya wek lööŋkï kuɛ̈ɛ̈ny yiic në wëëtdun yic.

Nyöŋ 32:23

“Abä keek yiɛ̈n riääk cïn pëk, ku mɔ̈ɔ̈c keek në weet ke dhaŋdï kedhie.

1 Tham 3:1

Ku Thamwɛl aa luui Bɛ̈nydït ke rɛ̈ɛ̈r kekë Eli, ku në aa köölkë yiic jam ë Bɛ̈nydït aa dak të de kɔc.