Edhekiɛl 7:20 - JAM DE NHIALIC 2011

²⁰ Wään aake ye röt kɔn lɛɛc në guëtken, ku acïk ke bɛ̈n looi kek yiëth racken bɛ̈n looi. Yeka cïï Bɛ̈nydït kajuëcken tɔ riääk.

Edhekiɛl 7:20 ပူးပေါင်းရင်းမြစ်များ

2 Mel 21:4

Ku yïk yïïk ke yiëth ë Luaŋdïtic të ɣɔn cïï Bɛ̈nydït lueel nɔn bïï ë Yen aa lam thïn.

2 Mel 21:7

Ku tɛ̈ɛ̈u kïn de yanh tik cɔl Acera ë Luaŋdïtic të ɣɔn cï Bɛ̈nydït thɔ̈n Debid kekë wëndɛn Tholomon an: “Në Jeruthalemic eenë, ë Luaŋdïtic, ee yen cä lɔc në dhiëën ke Yithriɛl yiic ëbɛ̈n, ke ee të bïï ë Yɛn aa lam aɣet athɛɛr.

2 Lëk 2:9

ke ke bï tiim juëc bɛ̈n ɣääric. Në biäk kaar ɛn bä Luaŋdït yïk, abï dhil dït arëët ku piɛth.

2 Lëk 36:14

Ku däŋ aya, bäny ke kɔc ke Juda, ku bäny ke kake Nhialic, ku kɔc acïk ciɛɛŋ de luɔi de kërac ke juöör thiääk ë keek dɔm yic, gokï yiëth lam, ku jɔkï Luaŋdït tɔ nhiany, të wään cïï Bɛ̈nydït guöpde tɔ ɣeric.

Edhr 3:12

Ku bäny juëc ke kake Nhialic ku Lebai ku röördït ke dhiëën nïïm, röördït ɣɔn cï luaŋdït tueŋë kɔn tïŋ, acïk pïïu bɛ̈n lööny ku dhiaukï në röldït wën cïï kek ɣön ë Bɛ̈nydïïtë tïŋ ke cï keeric, cakaa nɔn lee kɔc juëc ke ke moc kiɛɛu ë röldït në miɛtëpiɔ̈u.

Diɛt 48:2

Dhiɔn kuur de Nhialic, athöny ku aläk, atɔ̈u të lɔ rut, Pänydït de melik dït ee miɛtëpiɔ̈u yiɛ̈n pinynɔm ëbɛ̈n.

Diɛt 50:2

Nhialic ee riau në Dhiɔn, läk de pänydït ee dikëdik.

Yith 30:22

Wek bï yiëthkuön ke ateek ku yiëth ke adhääp cuat wei, cït man aa cool ke we kïïu an, “Lakkï ya në wolɔ̈m!”

Yith 64:11

Ku ɣöndan ɣeric läk, të wään ye kuarkuɔ yï piɔɔny thïn, acï riɔ̈ɔ̈k në mac. Ɣään piɛthkuɔ kedhie acï ke riɔ̈ɔ̈k.

Jeremia 7:14

Ku kë cä luöi Cilo, abä luöi ɣöndiën ë Bɛ̈nydït, ɣön yak ŋɔ̈ɔ̈th. Yen të wään bä gäm kuarkun ku gäm week, Yɛn bï kë wääc cä luöi Cilo looi.

Jeremia 7:30

“Kɔc ke Juda acïk kërac looi. Acïk yanhdɛn maan tääu në ɣöndiën ë Bɛ̈nydït, ku acïk dhiöök.

Dhiëëu 1:10

Kɔc ke ater acïk wëuke peec kedhie. Acï keek tïŋ ke ke lɔ tëɣeric guöp, të cïï Bɛ̈nydït pɛ̈n juöör cie Judai, ke ke cïï bï aa lɔ në akutnɔmdu yic.

Dhiëëu 2:1

Bɛ̈nydït acï nyan de Dhiɔn kum ë mɔ̈ɔ̈th në agönhde. Läkdɛn de paannhial acï puk ke ee riääk. Në kööl de agönhde acï Luaŋdït pɔ̈l aya.

Dhiëëu 2:7

Bɛ̈nydït acï yïïŋde rɛɛc ku nyiëëŋ tëdɛn ɣeric piny. Acï kɔc ke ater tɔ jiëp pɛ̈ɛ̈nyke piny. Acïk kiɛɛu de tiëm moc të wään ye wok lam thïn në miɛtëpiɔ̈u.

Edhekiɛl 11:18

Të le kek kenïïm lɔ puk, abï këriëëc nhiany ëbɛ̈n pɔ̈l, ayï yiëth rackɛn wään cïk yök.

Edhekiɛl 16:16

Yïn ee lupɔɔkuön kɔ̈k looi ke ke ye ka ye tëduön de läm jäm, ku cï man ë akɔɔrröör yïn ee rɔt gäm raan ëbɛ̈n.

Edhekiɛl 16:19

Yïn cä gäm kuïn piɛth, ku miök de olip, ku miök de kiëc, ku acï ke lɔ gam ke ke ye miɔ̈c, ago yiëth piɔ̈ɔ̈th miɛt në yïn.” Kënë lueel Bɛ̈nydït Awärjäŋ kï.

Edhekiɛl 23:38

Ku acie yen ee kënë ëbɛ̈n yen ë loikï yetök. Acïk tëdiën ɣeric dhiöök ku dhoŋkï kööl ë Thabath kɔ̈u, kööl wään cä lɔc.

Edhekiɛl 24:21

“Bä we yiɛ̈n ee jamë, wek baai de Yithriɛl: wek ee röt leec në riɛl de tëɣeric. Anhiaarkï bäk aa woi ku yak lɔ kɛ̈ny, ku abïï Bɛ̈nydït riɔ̈ɔ̈k. Ku wɛ̈ɛ̈t dhuök ke bɛ̈ikun kɔc cï döŋ Jeruthalem abïï ke nɔ̈k në tɔŋic.

Edhekiɛl 5:11

“Ka ënɔɔnë, ke ya ye Nhialic pïïr, kënë ee jam de Bɛ̈nydït Awärjäŋ në biäk cä wek tëdiën ɣeric dhiöök në kërac yak looi ëbɛ̈n, kanhiany cäk looi, we bä ke nɔ̈k ke cïn kokëpiɔ̈u.

Edhekiɛl 7:22

Yɛn cïï bï lɔ në kaken yiic, të cï kek ɣöndiën ë Bɛ̈nydït riɔ̈ɔ̈k, ku të cï cuɛ̈ɛ̈r lɔ thïn ku riäkkï keek.

Edhekiɛl 9:7

Go Bɛ̈nydït lɛ̈k keek an, “Takï Luaŋdït nhiany! Thiäŋkï kalde yic në gup ke kɔc cï thou. Lakkï ë luɔi yic! Gokï luɔi ë näŋ de kɔc gɔl në pänydïtic!”

Ɣagai 2:3

an, ‘Eeŋa në weyiic, raan ŋoot ke ŋic läk wään kɔn ë Luaŋdït läk wään tueŋ? Ku ënɔɔnë, tɔ̈u adï? Cäkï ee tïŋ cït ke cïn këdäŋ?

Bäny 8:24

Ku lueel an, “Yɛn de nɔm töŋ liɛp, raan ëbɛ̈n ë weyiic aduëër ɛn gäm joth në kakɛn wään cï peec yiic.” (Kɔc ke Midian acïtkï juöör kɔ̈k rɛ̈ɛ̈r ë jɔ̈ɔ̈ric ëbɛ̈n, aa ke ye ceŋ në joth ke adhääp.)

Bäny 8:27

Go Gidiɔn yath cuëëc në adhääp, ku tɛ̈ɛ̈u piny ë Opera wunden. Kɔc ke Yithriɛl kedhie acïk bɛ̈n wäc në luɔi ye kek en lam ëtɛ̈ɛ̈n. Ku kënë aaye wïn ë dɛ̈p tëde Gidiɔn kekë baaide.