Edhekiɛl 7:19 - JAM DE NHIALIC 2011

¹⁹ Abïk Adhɛ̈pken ku atekken cuat wei në kuɛɛr yiic, cï ka rɛɛc, në biäk cïï atekken ku adhɛ̈pken, keek bï kony të le Bɛ̈nydït agönh de wäl piny. Acïn kë bïk looi në yen bïï ke kueth në ka kɔɔrkï, ku nɔn thiëëŋ kek keyiic. Adhääp ku ateek acï keek lɛɛr awɛ̈ɛ̈c yiic.

Edhekiɛl 7:19 ပူးပေါင်းရင်းမြစ်များ

2 Mel 7:15

Gokï ke kuany cök abïk ɣet në wɛ̈ɛ̈r de Jordan kɔ̈u, gokï kueer yökic ëbɛ̈n ke cï yic thiäŋ ke lupɔɔ, ku wëu ke ɣöötiic cï kɔc ke Thiriya cuat wei të wën riŋ kek ke ke bɛɛn röt wei. Go tuuc röt lɔ pɔ̈k ciëën ku lëkkï melik.

Kɛ̈ŋ 10:2

Kuɛth yök në kuɛɛr rac acïn kony, ee piathëpiɔ̈u yen ee raan kony wëi.

Kɛ̈ŋ 11:4

Kuɛth acïn kony në kööl ë agɔ̈th, ee piathëpiɔ̈u yen ee raan kony wëi në thuɔɔu.

Wɛ̈ɛ̈t 5:10

Raan ee wëu nhiaar acie kuɛth në keek, ku nhiëër ë kajuëc, acïn kë ye yök thïn. Kënë aya ee ɣɔ̈ric.

Yith 2:20

Të le köölë bɛ̈n, abïk yiëthkɛn ë cïk thɔ̈ɔ̈th në adhääp ku ateek ɣɔn yek lam cuɛ̈t luɔny ku ŋaplaŋathɔ̈ɔ̈t.

Yith 30:22

Wek bï yiëthkuön ke ateek ku yiëth ke adhääp cuat wei, cït man aa cool ke we kïïu an, “Lakkï ya në wolɔ̈m!”

Yith 55:2

Eeŋö aa wek wëu riɔ̈ɔ̈r në ka cïï week bï kueth? Eeŋö aa wek ariöpdun thöl ku yak ŋoot ke we nɛ̈k cɔk? Piɛŋkï kë luɛɛl, ku luɔikï cït man luɛɛl Ɛn en, ku yïn bï piɔ̈u miɛt we këcam mit wär kacaam ëbɛ̈n.

Dhiëëu 4:1

Adhääp acïï be lɔ riauriau, adhäm awai acï rɔt waar, kur ɣeriic ke Luaŋdït acï ke wɛɛr piny ë kuɛɛr yiic ëbɛ̈n.

Edhekiɛl 13:5

Acïkï ɣään wën cï riääk në päny kɔ̈u ee tiit, ku cïkï päny cï riääk cak yïk aya, ka baai de Yithriɛl acïï ke bï gël të le ë tɔŋ bɛ̈n në kööl de bɛ̈n ë Bɛ̈nydït.

Edhekiɛl 14:7

“Të cï raan töŋ de baai de Yithriɛl ku nɔn yen alen rɛ̈ɛ̈r piny de Yithriɛl, të cï yen rɔt yal wei në tëde yɛn ku lɛm yiëth, ku le be tiët lɔ luɔp, yɛn Bɛ̈nydït Awärjäŋ, yɛn bï lopde bɛ̈ɛ̈r!

Edhekiɛl 30:3

Kööl acï thiɔ̈k, kööl bïï Bɛ̈nydït këde piɔ̈nde looi, Kööl de luät ku nuan de juöör.

Edhekiɛl 44:12

Ku në biäk cïï kek läm de yiëthic luöi baai de Yithriɛl, ku në ee kueerë acïk kɔc lɛɛr në awäc yic, Yɛn cï kuëëŋ, Yɛn Bɛ̈nydït Awärjäŋ, në luɔi bïï ë keek dhil luöi këtuc.

Dhep 1:18

Në ee kööl bï Bɛ̈nydït rac de tuöc agönhde nyuɔɔthë, acakaa ateek kekë adhäm de mɛnh ë raan ëbɛ̈n acïkï ke bï kony, në luɔi bï Bɛ̈nydït piny riɔ̈ɔ̈k nɔm ëbɛ̈n kekë kɔc ëthiäu.

Dhep 1:3

Yɛn bï kɔc ku läi ku diɛt ayï rec riɔ̈ɔ̈k ëbɛ̈n. Ku riääk kërɛɛc ee kɔc tɔ wiëëk. Yɛn bï mɛnh ë raan riɔ̈ɔ̈r nyin në pinynɔm taitai. Yen kë cïï Bɛ̈nydït lueel ka.

Math 16:26

Të ciɛmë raan piny nɔm ëbɛ̈n, ku mɛ̈ɛ̈r wëike, ke piathde akou? Bï raan ŋö gam wɛɛr en wëike?

Romai 11:9

Go Debid lueel an, “Tɔ pamdɛn ë cäm ee wïn ëdɛ̈p, ku ye kë bï keek aa dɔm, Ayï kë bï keek tɔ kɔ̈th, ayï këdɛn tuc bïk yök!