Edhekiɛl 7:18 - JAM DE NHIALIC 2011

¹⁸ Keek abïk lupɔɔ ke cuɔl tääu në kekɔ̈ɔ̈th ku abï ke lath ëbɛ̈n. Abïï ke muut nïïm, ku abïk gup yäär kedhie.

Edhekiɛl 7:18 ပူးပေါင်းရင်းမြစ်များ

Cäk 15:12

Na wën, alɔ akɔ̈l piny, ke Abram ë ruɛ̈i nïïn. Ku bïï mɔ̈ɔ̈th dïït lɔcɔ̈t, go Abram riɔ̈ɔ̈c aläl.

Jop 21:6

Të jan a nɔm tak në kë dïït cï rɔt luöi yɛnë, yɛn ee riɔ̈ɔ̈c lath guöp ëbɛ̈n.

Diɛt 35:26

Yäär ke gup ku tɔ ke nuan, në luɔi ë cï kek piɔ̈ɔ̈th miɛt në kërɛɛc cï ya yök. Yäär keek abïk gup riɔ̈ɔ̈c, në luɔi ye kek ye lueel an, wärkï yɛn në piath.

Yith 3:24

Luɔi duëër en aa miök tum ke go aa ŋuäc yen ŋörkï, ku luɔi duëër en aa thiönh läk ke go aa wïïn kek cieŋkï, ku luɔi duëër en aa nhïm läk cï ŋiëc nai yen nu në kenïïm ke go aa baar enɔm, ku luɔi duëër en aa lupɔɔ läk kek cieŋkï ke go ye anuɛɛr, ku puk läkden rɔt ke ye ayäär!

Jeremia 3:25

Wok duëër tɔ̈c piny në ayäär, ku jɔ ayärda wo kuöm piny. Wook në kuarkuɔ wok cï awɛ̈ɛ̈c looi në ciɛɛŋ, luiku ke Bɛ̈nydït Nhialicda, wok kën kë ye lɛ̈k wook kɔn riëëu.”

Jeremia 48:37

Keek kedhie acïk kenïïm muut, ku temkï nhïm de kek thook. Ku acïk kecin ŋuɔt kedhie, ku raan ëbɛ̈n aceŋ lupɔ de cual.

Jeremia 6:25

Wok cï riɔ̈ɔ̈c në lɔ wut këc ayï cäth ë kuɛɛr yiic, në biäk cïï kɔc ke aterda abätäu nööm ku dɔm riɔ̈ɔ̈c wook.”

Jeremia 6:26

Aye Bɛ̈nydït lueel an, “Tääukï lupɔɔ ke cual ku daalkï röt në ŋethic. Dhiaukï në jiɛthëpiɔ̈u cït man ee raan wëndɛn tök dhiëëu, në biäk bïï raan riäk week we mak ëthiäu.

Edhekiɛl 27:31

Acïk kenïïm muut në këdu ku tɛ̈ɛ̈ukï lupɔɔ ke cual në kekɔ̈ɔ̈th. Acïk piɔ̈ɔ̈th jiɛth arëët të dhiɛɛu kek.

Jowɛl 1:13

Dhiaukï, wek bäny ke kake Nhialic, ku jiɛthkï piɔ̈ɔ̈th, wek bäny ee luui në yïk kɔ̈u. Niɛnkï ke we kïïu, wek kɔc ee Nhialicdï luööi. Në luɔi cïï miɔ̈c ë rap, ku miɔ̈c ye dek tɛɛm wei ɣön ë Nhialicdun.

Amoth 8:10

Aköölkuön ke dhuëëŋ abä ke puk abïk ya akööl ke dhiëëu, ku pɔ̈k aköölkuön ke diɛt ke miɛtëpiɔ̈u, ke ke ye akööl ke diɛt ke jiɛthëpiɔ̈u ke tuaar. Wek bä tɔ mut wenïïm, ku ciɛŋkï lupɔɔ ke cual, ka wek bï ciët wun meth kekë man meth dhiëëu wëndɛn tök. Ku yen ee köölë abï thök ke kec.