Edhekiɛl 7:16 - JAM DE NHIALIC 2011

¹⁶ Kɔc abïk röt kual ë kur nïïm cït guk cï riɔ̈ɔ̈c ë wakic. Keek kedhie abïk dhiau në biäk de awɛ̈ɛ̈cken.

Edhekiɛl 7:16 ပူးပေါင်းရင်းမြစ်များ

Edhr 9:15

Yïn Bɛ̈nydït, Nhialic de Yithriɛl, Yïn adöt në kë cï lueel! Ku ënɔɔnë wokï, wok kɔc likkuön cï tɔ dɔ̈ŋ ke ke pïr, wok gam awɛ̈ɛ̈ckuɔ në Yïnɔm, wok cïn nïïm yic duëërë wo bɛ̈ɛ̈i në Yïlɔ̈ɔ̈m.”

Diɛt 55:2

Ye lɔ̈ŋdï piŋ, ku pɔ̈kë nɔm ɛn, yɛn cï nuan në diɛɛr an diɛɛr.

Yith 1:9

Të ë Bɛ̈nydït de rɛm ë kën kɔc kɔ̈k pɔ̈l apïr, adï cï Jeruthalem riɔ̈ɔ̈k taitai, cït man ë Thɔdom ke Gomoora.

Yith 37:31

Kɔc nu ë Juda bï döŋ apïïr abïk thäär lɔ piny cït man ë tim cï meike ɣet ë tiɔpic ku lokkï ë mïth juëc.

Yith 38:14

Yɛn ë röl kuur ku acïï be ë piŋ, ka yɛn aa dhiau cït guuk. Yɛn ë nyin ŋoot në luɔi wɔi yɛn paannhial. Bɛ̈nydït acï a luäk në nuanë yic ëbɛ̈n.

Yith 59:11

Wok cï riɔ̈ɔ̈c ku diɛɛrku arëët. Wok kɔɔr Nhialic bïï wo kony në yaaŋic ku awɛ̈ɛ̈cë, ku acïn kë loi rɔt.

Yith 59:12

“Bɛ̈nydït awɛ̈ɛ̈ckuɔn cuk wäc yïn ajuëckï. Awɛ̈ɛ̈ckuɔ ayek wo gaany. Aŋicku keek apiɛth kedhie.

Jeremia 3:21

Awuɔɔu aye piŋ në kur nïïm, ee kɔc ke Yithriɛl kek adhiau ke ke gööny, në biäk cï kek rëër në luɔi de karɛciic, ku cïk nïïm määr në Bɛ̈nydït Nhialicden.

Jeremia 31:9

Kɔckï abïk kenïïm puk ke ke dhiau, ku lɛ̈ŋkï të bɛ̈ɛ̈i Yɛn keek ciëën. Abä keek wat të de nyïïn ke pïïu, abä ke tɛ̈ɛ̈k ë kueer lipic cïï ke bï tɔ kɔ̈th. Yɛn cït wun kɔc ke Yithriɛl, ku Eparaim ee wën kɛ̈idï.”

Jeremia 44:14

Acïn raan töŋ de Juda cï döŋ cï lɔ Rip bïï lɔ ceŋ ëtɛ̈ɛ̈n bï ban ku nɔn bïï pïïr. Acïn raan töŋ bï rɔt pɔ̈k Juda ë keyiic, të kɔɔrkï bïk bɛ lɔ ceŋ thïn. Acïn raan töŋ bï rɔt puk, ee kɔc liaakäŋ cï kat tei.”

Jeremia 44:28

Ku kɔc liaakäŋ ë weyiic abïk poth ë thuɔɔu thok, ku abïk bɛ̈n ciëën ë Rip lekkï Juda. Ku abïï kɔc pïïr jɔ ŋic ee jam de ŋa yen cïï aa yic, ee këdï ku ee këden.

Jeremia 9:19

Piɛŋkï röl ë dhiëëu ë Dhiɔn an, Wok cï riääk! “Wok cï jɔ riääk taitai! Wok bï pinyda dhil nyääŋ piny, ɣöötkuɔ acï keek thuöör piny.”

Edhekiɛl 14:22

Na de raan lɔ pïïr ku kony mïthke, ke woi keek gup të le kek bɛ̈n tëde yïn. Woi keek ee rac cït ŋö tɔ̈u ke keek, ku jɔ gam nɔn yen yic yen luöi yɛn kɔc ke Jeruthalem këtuc,

Edhekiɛl 34:6

Ka thökkï ayek tai në kur nïïm ku kur kor thöny nïïm. Acï keek thiäi në piny yic ëbɛ̈n ku acïn raan ee keek kɔɔr ku bïï keek lɔ bɛ̈ɛ̈i.

Edhekiɛl 36:31

Wek bï karɛc ë ya looi aa tak, ku awɛ̈ɛ̈c cäk looi ë röt wapäc, ku wek bï gup riɔ̈ɔ̈c në biäk de awɛ̈ɛ̈ckun ku karɛckun.

Naɣum 2:7

Tiiŋ melik acï yɔ̈ɔ̈r ka cï jɔt ke duööt, ka duet lïïmke akïmkï cït guuk, ku yek kepiɔ̈ɔ̈th biɔ̈ɔ̈k, në jiɛthëpiɔ̈u.

Dhep 1:14

Kööl bï Bɛ̈nydït löŋ de kɔc guiir ë thiɔ̈k arëët, ka ë ɣëët, yen ee köölë abï kɔc gäm gök de dhiënëpiɔ̈u, ku ayï jööt man ril ke tɔŋ abïk dhiau arëët në ciën aŋäth de kuny yökkï.