Edhekiɛl 7:15 - JAM DE NHIALIC 2011

¹⁵ Ade tɔŋ në kuɛɛr yiic, ku juäi ku cɔk në ɣööt yiic. Raan ee lɔ biic ëbɛ̈n abï thou në tɔŋic, ku raan tɔ̈u në pänydït yic ëbɛ̈n, abï thou në juäi ku cɔk.

Edhekiɛl 7:15 ပူးပေါင်းရင်းမြစ်များ

Jeremia 14:18

Të wën lan roor, guɔ gup ke kɔc cï nɔ̈k tɔŋ tïŋ, wën bä yɛn wutic, guɔ kɔc nɛ̈k cɔk tïŋ. Tït ku bäny ke kake Nhialic aloikï luɔiden, ku akuckï kë loikï.”

Dhiëëu 1:20

“Bɛ̈nydït, tïŋ tɔ̈ɔ̈kdï, tïŋ arɛɛm de yɛn piɔ̈u! Piɔ̈ndï acï dhuɔɔŋ kekë jiɛthëpiɔ̈u në biäk de karɛckï. Ade kɔc näk kɔc ë kuɛɛriic, ayï biökiic aya thuɔɔu anu thïn.

Dhiëëu 4:9

Kɔc cï thou ë tɔŋic aŋuänkï, në kɔc ë thou ciëën, kɔc ë thou ë määth ë cɔk ke cïn kuïn tɔ keek pïïr.

Edhekiɛl 12:16

Yɛn bï kɔc lik tɔ pïïr në tɔŋic, ku cɔk, ku jɔɔk, yen abïï kek e jɔ ŋic në juöör yiic ëtɛ̈ɛ̈n, abïk jɔ ŋic nɔn rɛɛc ë ka wään yek looi, ku abïk a ŋic nɔn ee Yɛn Bɛ̈nydït.”

Edhekiɛl 5:12

Biäk töŋ de diäk ë kɔckun abï thou në jɔk ku cɔk ë pänydïtic, ku thou biäk däŋ de diäk në abätäu biic në pänydït thok, ku biäk töŋ de diäk ciëën abä thiäi piny në ɣään ke yom kedhie, ku cuɔp keek në abätäu.

Edhekiɛl 6:11

Acïï Bɛ̈nydït Awärjäŋ lueel an, “Pamkï wecin! Yuöpkï Wecök! Dhiaukï në jiɛthëpiɔ̈u në biäk de kërɛɛc cï baai de Yithriɛl looi. Abïk lɔ thou në tɔŋ, ku cɔk, ku jɔk.

Edhekiɛl 6:12

Kɔc meckë abïï juäi ke dɔm ku thoukï, ku kɔc thiɔ̈kë abïï ke nɔ̈k në tɔŋ, ku kɔc bï döŋ ke ke pïïr abïï cɔk ke nɔ̈k. Abïk riɛl de agönh de Bɛ̈nydït yök në kegup.