Edhekiɛl 7:11 - JAM DE NHIALIC 2011

¹¹ Akuöörkuöör luɔi de karɛc bɛ̈ɛ̈i. Acïn këdɛn bï döŋ, acïn kajuëckɛn bï nu, ayï kakɛn ke dhuëëŋ, ku diɛk abïk liu.

Edhekiɛl 7:11 ပူးပေါင်းရင်းမြစ်များ

Diɛt 125:3

Në biäk cïï kɔc rac bï aa bäny ke piny de kɔc piɛthpiɔ̈ɔ̈th, na le rɔt looi, kɔc piɛthpiɔ̈ɔ̈th abïk karɛc aa looi.

Diɛt 73:8

Ayek kɔc kɔ̈k dɔl gup, ku yek karɛc lueel, Keek adekï gup lɛc, ku yek kiɛɛr bï kek kɔc kɔ̈k yɔŋ looi.

Diɛt 78:64

Ku bänykɛn ke kake Nhialic acïk thou në akuöörkuöör, ku diëërkɛn abɛɛr acï keek pɛ̈n dhiëëu.

Yith 14:29

Kɔc ke Pilithiin, thieny ɣɔn ee we dui ë dhuɔɔŋ, ku acïn kë duëër we tɔ mit piɔ̈ɔ̈th. Të thou ë kërac tök ke däŋ wär en ë rac ee rɔt lɔ̈ɔ̈k jɔt tëde. Tuɔŋ de kërac ee ŋuäl ee päär nhial kuem.

Yith 5:7

Baai de Yithriɛl ee dom de tiim de Bɛ̈nydït de rɛm, kɔc ke Juda ee kek ee tiim cï piith ee Ye miëët piɔ̈u. Aake ŋɛ̈ɛ̈th nɔn duëër kek yic aa looi, ke ke päl yic ku yek kɔc nɔ̈k. Aa ŋɛ̈ɛ̈th bï piathëpiɔ̈u yök tëde keek, ku kɔc yɔŋkï keek adhiëëukï yic.

Yith 9:4

Në biäk cï yïn jonh cï ke duut dhuööŋ kɔ̈ɔ̈th ku thieec ɣɔn ye ke dui kët. Yïn ë juöör tiaam ɣɔn ee kɔcku yɔŋ ku rumkï keek, cït man wään tiɛɛm Yïn rem de tɔŋ de Midian.

Jeremia 22:18

Ago Bɛ̈nydït lueel në biäk de Jeɣoyakim wën de Jothia, melik de Juda an, “Acïn raan bï dhiau ë thonde yic, ku cïn raan bï ye lueel an, ‘Mɛ̈thädï! Eeŋö rɛɛc yen aya!’ Acïn raan bï ye dhiëëu ku cïn raan dhiau an, ‘Bɛ̈nydï! Melikdï!’

Jeremia 25:33

Në ee köölë, gup ke kɔc cï Bɛ̈nydït ke nɔ̈k, abïk dhɔt piny ke ke cï wɛɛr gɔl aguk baŋë lee aguk däŋë. Acïn raan bï ke dhiëëu, ku acïï keek bïï jɔt, lek ke tɔ̈ɔ̈u. Abïk dhɔt piny cï tiɔɔm awäi cï kut nɔm.

Jeremia 6:7

Cït man ye yith pïïu piɛth ke muk, yen aye Jeruthalem kërɛɛcde muk apiɛth. Yɛn akuöörkuöör ku riääk piŋ ë pänydït yic, jɔk ku tëtöök ee kek ya tïŋ ëbɛ̈n.

Jeremia 7:34

Piny abï aa jɔ̈ɔ̈r. Ku Yɛn bï awuɔɔu de miɛtëpiɔ̈u, ku diɛt piɛth ke dhuëëŋ de monythiëk ku nyan thiak, abä keek tɔ kääc në pɛ̈ɛ̈nydït ke Juda ku kuɛɛr ke Jeruthalem yiic.

Edhekiɛl 45:9

Acïï Bɛ̈nydït Awärjäŋ lueel an, “Wek cï awɛ̈ɛ̈c looi në kaam bääric, wek bäny ke Yithriɛl! Pälkï akuöörkuöör ku yaaŋ de kɔc! Luɔikï yic, ku piathëpiɔ̈u. Wek cïï kɔckï bï bɛ nyɔk ë cuɔp wek keek wei pinyden. Yɛn Bɛ̈nydït Awärjäŋ, ee Yɛn lɛ̈k week ee kënë.

Edhekiɛl 5:11

“Ka ënɔɔnë, ke ya ye Nhialic pïïr, kënë ee jam de Bɛ̈nydït Awärjäŋ në biäk cä wek tëdiën ɣeric dhiöök në kërac yak looi ëbɛ̈n, kanhiany cäk looi, we bä ke nɔ̈k ke cïn kokëpiɔ̈u.

Edhekiɛl 5:4

Na ëlë ke yï be kalik kɔ̈k bɛ̈ɛ̈i bei, cuat ë ke mɛɛc, ku tɔ ke dɛ̈p ëbɛ̈n. Në dëpden yic mac abï guɔ thiäi baai de Yithriɛl ëbɛ̈n.”

Edhekiɛl 6:11

Acïï Bɛ̈nydït Awärjäŋ lueel an, “Pamkï wecin! Yuöpkï Wecök! Dhiaukï në jiɛthëpiɔ̈u në biäk de kërɛɛc cï baai de Yithriɛl looi. Abïk lɔ thou në tɔŋ, ku cɔk, ku jɔk.

Edhekiɛl 7:16

Kɔc abïk röt kual ë kur nïïm cït guk cï riɔ̈ɔ̈c ë wakic. Keek kedhie abïk dhiau në biäk de awɛ̈ɛ̈cken.

Edhekiɛl 7:2

“Mɛnh ë raan lueel yen kë luɛɛl kï Yɛn Bɛ̈nydït Awärjäŋ, alɛ̈k kɔc ke Yithriɛl: yen thiök de piny ëbɛ̈n kï!

Edhekiɛl 7:23

“Këriëëc ëbɛ̈n acï anuɔɔn, piny acï thiäŋ ke kɔc ee kɔc nɔ̈k, ku pɛ̈ɛ̈nydït acïk yiic thiäŋ në akuöörkuöör.

Edhekiɛl 8:17

Go ë Bɛ̈nydït lɛ̈k ɛn an, “Mɛnh ë raan, cï ee kënë tïŋ? Kek kɔc ke Jeruthalem kë, akënkï piɔ̈ɔ̈th kuɛth në luɔi de karɛckɛn kë kedhie, ka cï keek tïŋ ee tënë, ku në luɔi de akuöörkuöör cïk thiäi në piny nɔm ëbɛ̈n. Ei, abïk dhil bɛ̈n, ku bïk bɛ̈n looi ee tënë Luaŋdït, ku tɔkï yɛn göth aläl. Tïŋ lɛ̈ɛ̈tdɛn ye kek a läät në kuɛɛr ke dhääl, ku yek kewuum kum ë këër!

Amoth 3:10

Aye Bɛ̈nydït lueel an, “Kek ee kɔckë akuckï luɔi de këpiɛth. Acïk ɣöötdïtken thiɔ̈ɔ̈ŋ në kak ë peckï në riɛl tëde kɔc.

Amoth 6:3

Wek ee bɛ̈n de akööl ke riääk tɔ mec, ku yak thöny de akuöörkuöör jɔ cuöt tëthiɔ̈k.

Maika 2:2

Na cïk piɔ̈ɔ̈th dɛ duum, ke rumkï keek, na kɔɔrkï ɣööt, ke nömkï keek. Acïn baai ayï raan bïï ë kake poth.

Maika 3:3

Wek ë kɔckï yɔŋ, cït man ye yiëëp rïŋ dhuɔc kekë yom ëtök, rïïŋ bï cäp në töny.

Maika 6:12

Kɔckɛn kueth ayek kɔc kuur, ku kɔcken ayek lueth töör, acïn yicdɛn yek lueel.

Dhep 1:18

Në ee kööl bï Bɛ̈nydït rac de tuöc agönhde nyuɔɔthë, acakaa ateek kekë adhäm de mɛnh ë raan ëbɛ̈n acïkï ke bï kony, në luɔi bï Bɛ̈nydït piny riɔ̈ɔ̈k nɔm ëbɛ̈n kekë kɔc ëthiäu.

Jakop 2:13

Raan ee käŋ looi ë giɛɛŋ, ke löŋde abï guiir ë giɛɛŋ, ku acïn kokdepiɔ̈u bï yök, ku kokdepiɔ̈u ee rɔt leec ë kööl ë guiëërëlöŋ.