Edhekiɛl 7:10 - JAM DE NHIALIC 2011

¹⁰ Akööl ke riääk abïkï tëde Yithriɛl. Akuöörkuöör alɔ ke dït. Lɛc acï lɔ nhial.

Edhekiɛl 7:10 ပူးပေါင်းရင်းမြစ်များ

Diɛt 89:32

ka abä keek dui në biäk de karɛcken, abä keek tɔ nuan në biäk de ka cïk wööc.

Kɛ̈ŋ 14:3

Jam de pial ë piɔ̈u ee wun dui, ku raan pel nɔm aye wëlke kony.

Kɛ̈ŋ 16:18

Lɛc aye riääk kuany cök.

Yith 10:5

Go Bɛ̈nydït lueel an, “Athiriya! Yɛn cï Athiriya tɔ ee thieny bän kɔc göth ë yɛn luöi këtuc.

Yith 21:12

Guɔ bɛ̈ɛ̈r an, “Piny abï ruu ku abï wakɔ̈u abï bɛ bɛ̈n. Na kɔɔr bä bɛ lop, bä ciëën bä bɛ̈n lop.”

Yith 28:1

Amawoou në ciɛɛŋ de Yithriɛl! Dhuëëŋde athök cï göl de gaak nu ë bänykɛn cï wiɛɛt ë mɔ̈u nïïm. Bänykɛn de gup lɛc acïk röt tɔ piɛth në aŋiëër, ku adhɔtkï piny ke ke thou në mɔ̈u.

Edhekiɛl 12:23

Ënɔɔnë lɔ lɛ̈kë keek, kë luɛɛl yɛn Bɛ̈nydït Awärjäŋ në biäk de ee kënë. Yɛn bï ee kääŋë tɔ kääc. Acïï bï bɛ nyɔk ë luɛl në Yithriɛl. lɛ̈kë keek ee kënë në nyinde yic: Akööl acïk bɛ̈n, ku kë cï caar acï aa yic!

Edhekiɛl 19:14

Guöp de tim ë mac dɔm, go mac kërke ku mïthke nyop. Kërke acïkï bï bɛ riɛl, ka acïkï duëër bɛ ya thieec ke bääny. Kënë ee din de dhiën ë piɔ̈u, aaye ket ku nyöökë yic në kët.

Edhekiɛl 21:10

Acï theer thok ke bï näk, acï gɔɔk ke bï aa lɔ biliny cï wilëdeŋ. Aduëër ciën miɛtëpiɔ̈u ëtɛ̈ɛ̈n, në biäk cïï kɔckï jäny ku këtuuc bï luöi keek rɛɛc.

Edhekiɛl 21:13

Yɛn them kɔckï, ku na lek jaai bïk kepiɔ̈ɔ̈th puk, kek ee kakë kedhie abïk röt luöi keek.

Edhekiɛl 30:3

Kööl acï thiɔ̈k, kööl bïï Bɛ̈nydït këde piɔ̈nde looi, Kööl de luät ku nuan de juöör.

Edhekiɛl 7:12

Akööl acïk bɛ̈n. Akööl acïk thiɔ̈k, akööl bïï ɣɛɛc ku ɣööc de käŋ ciën naamden, në biäk bïï agönh ë Nhialic lööny ë kɔc yiëth kedhie athöŋ.

Edhekiɛl 7:6

Abï nu ë ɣään yiic ëbɛ̈n. Thökde kï. Wek cï thök.

Edhekiɛl 7:9

Yïn cä bï kɔn pɔ̈l ku cä yïn nyuth kokdepiɔ̈u. Yïn bä luöi këtuc në biäk de karɛckuön cï looi, ago jɔ ŋic nɔn ee Yɛn Bɛ̈nydït, ku ee Yɛn ee raan ee kɔc luöi këtuc.”

Danyel 4:37

“Ku ënɔɔnë, yɛn Nebukadnedhar, yɛn piɔny, ku riëëu, ku gäm Melik de paannhial dhuëëŋ. Këriëëc ye looi ëbɛ̈n ee yic ku adöt, ku aduëër raan ëbɛ̈n, raan ee rɔt leec kuɔɔr piny.

Jowɛl 1:15

Ee kööl rɛɛc cït ŋö! Në baŋ cï kööl ë Bɛ̈nydït thiɔ̈k. Abï ya kööl ë riääk ë bɔ̈ tëde Nhialic Awärjäŋ.

Kuɛ̈n 17:8

Na ɣɔn amiäk, ke Mothe ë lɔ në Paanyic. Go thieny de Aron lɔ yök acï nyok, thieny de Lebai. Yök acï nyok, ku moc gaak, ku ŋol, ku mïth kɔ̈k ke almon acïk buɔ̈ny.

1 Theth 5:3

Ku të lueel kek en an, “Piny arɛ̈ɛ̈r ëdïu, ku acïn riɔ̈ɔ̈c nu,” en a bï riääk ë kegup ëthiäu, cït man ë kɛ̈c cï tik käc, ku acïn kë duëër kek poth.

Jakop 4:6

Acie yen, ee dhuëëŋdepiɔ̈u ŋuak nyin. En a lueel en en an, “Nhialic ee kɔc ee röt tɔ dït ŋɛ̈ny, ku ye kɔc ee röt tɔ kor miɔɔc ë dhuëëŋdepiɔ̈u.”