Edhekiɛl 6:4 - JAM DE NHIALIC 2011

⁴ Yïk abïï ke wɛɛr piny, ku dhoŋ yïk ke wal ŋïr. Kɔc tɔ̈u ëtɛ̈ɛ̈n kedhie abïï ke nɔ̈k në yiëthken nïïm.

Edhekiɛl 6:4 ပူးပေါင်းရင်းမြစ်များ

1 Mel 13:2

Go tiët cööt ke jiëëm yïk në löŋ de Bɛ̈nydït lueel an, “Yïk, yïk, acï Bɛ̈nydït lueel an, Meth abï dhiëëth baai de Debid, ku abïk cäk an Jothia. Ku abï guc kɔ̈k gam ke ke ye miɔ̈c näk në yïnɔm, ku nɛ̈k guc ee miɔ̈c gam në ɣään thöny nïïm ku yek miɔ̈c ë wal ŋïr gam në yïnɔm, yom ke raan abï ke nyop në yïnɔm.”

2 Mel 23:14

Go melik Jothia mën ke kur dhuööŋ, ku yep kïït ke yanh tik cɔl Acera piny, ku löök ɣäänkɛn ë kɛ̈ɛ̈c kek thïn thiɔ̈ɔ̈ŋiic në yom ke kɔc.

2 Lëk 14:5

Në biäk cï yen ɣään ke läm de yiëth nyaai në Juda yic, ku nyiɛɛi të ye wal ŋïr nyop. Go ciɛɛŋ jɔ dɛ mät në bäänyde yic.

Yith 27:9

Ku awäny de Yithriɛl abï päl en të cïï kek yïïk ke yiëth kɔ̈k dhuɔŋ piny, ku cïn yïïk ke wal ŋïr be tɔ̈u ayï kïn de yanh tik Acera.

Jeremia 43:13

Abï wai yaath ke Ɣeliopolith riɔ̈ɔ̈k, wai nu piny ë Rip, ku abï luɛ̈k ke yiëth ke Rip nyuɔp piny ë mac.”

Jeremia 7:32

Ka akööl abïk bɛ̈n, akööl cïï ke yen bï bɛ aa cɔɔl an Topeth, ku nɔn ee Wak de Ɣinom, ku abï cɔl Wak de Tëm ë röl. Abïk kɔc tɔ̈ɔ̈u ëtɛ̈ɛ̈n, në biäk bï yen ciën tëdäŋ bïï ë keek tɔ̈ɔ̈u thïn.

Edhekiɛl 6:13

Gup ke kɔc cï thou abïï ke wɛɛr në yiëth yiic, ku në yïkken lɔ̈m, abïï ke wɛɛr në kur thöny nïïm ëbɛ̈n, ku në kur bär nïïm ëbɛ̈n, ku në tiim thäär ëbɛ̈n, ku në tiim ke ɣok thäär, ku atïïp ke tiim thäär ëbɛ̈n, të wën ye kek yiëthken miɔc në miɔ̈c nyop. Abïï ë raan ëbɛ̈n jɔ ŋic nɔn ee yɛn Bɛ̈nydït.

Lebai 26:30

Yɛn bï ɣäänkuön ke läm nu ë kur nïïm riɔ̈ɔ̈k, ku dhuɔŋ yïïŋdun piny yïïŋ ye wal ŋïr nyop, ku wiɛt gupkuön cï thou në yanhduön cï wïïk kɔ̈u, ku wek bä maan aläl.

1 Tham 5:4

Na ɣɔn amiäk ë kööl däŋë të wën pɛ̈ɛ̈c kek gokï Dagon yök acï wïïk ke gut yenɔm piny në Athänduŋ de Män de Bɛ̈nydït nɔm tueŋ. Ku acï nɔm dhuɔɔŋ kekë cökke, ku adɛlkï piny tɛ̈n ë nïn nɔm, ale dɔ̈ŋ ke ye guöpde yetök.