Edhekiɛl 6:3 - JAM DE NHIALIC 2011

³ lɛ̈kë kur ke Yithriɛl bïk jam de Bɛ̈nydït Awärjäŋ piŋ, bïk kë luɛɛl, yɛn Bɛ̈nydït Awärjäŋ piŋ, yɛn yöök kur ku ɣään thöny ku liɛl, ku wɛ̈k: yɛn bï abätäu tuɔɔc bïï ɣään ye kɔc yiëth lam thïn riɔ̈ɔ̈k.

Edhekiɛl 6:3 ပူးပေါင်းရင်းမြစ်များ

1 Mel 14:23

Acïk ɣään ye yiëth lam thïn yïk, ku tɛ̈ɛ̈ukï mëën ke kur nhial, ku kït bï yanh cɔl Acera, ku bï aa lam ë kur nïïm ku atïïp ke tiim thäär.

Yith 27:9

Ku awäny de Yithriɛl abï päl en të cïï kek yïïk ke yiëth kɔ̈k dhuɔŋ piny, ku cïn yïïk ke wal ŋïr be tɔ̈u ayï kïn de yanh tik Acera.

Yith 30:25

Në kööl bï wëth ke kɔc ke aterdun dɔm ku näk kɔc nu thïn, abï dɛ awɛɛŋ ke pïïu bï riŋ ke ke bɔ̈ piny në kur nïïm ku ɣään thöny ëbɛ̈n.

Jeremia 2:20

Aye Bɛ̈nydït lueel an, “Yithriɛl ɣɔn thɛɛr yïn aacï bäänydï rɛɛc, yïn cï jaai bä ya riëëu ku lam Ɛn. Në kur bär nïïm ëbɛ̈n, ku në tiim tɔ̈c thäär ëbɛ̈n, yïn aaye yiëth ee käŋ tɔ lok lam.

Jeremia 22:29

Piny oou! Piny oou! Piŋ kë cïï Bɛ̈nydït lueel:

Jeremia 3:23

Wok cie kony taitai në lämdan ë yiëth ë kur nïïm. Kuɔɔny de Yithriɛl ee bɛ̈n tëde Bɛ̈nydït Yetök Nhialicda.

Jeremia 3:6

Ɣɔn ye Jothia melik, go ë Bɛ̈nydït lɛ̈k ɛn an, “Cï kë cïï Yithriɛl looi tïŋ, kë cïï tiiŋ cïn piɔ̈u adöt looi? Acï rɔt yal wei tëde Yɛn, acïn të kën en tɔ̈c ke röör thïn, në ee kurkë nïïm nhial, ayï tiim tɔ̈c thäär acï yen tɔ̈c ke röör.

Edhekiɛl 36:8

Ku në kur ke Yithriɛl nïïm tiim abïk bɛ ciɛl ku abïk yïth cil, ku lokkï në mïth në biäk de kɔckiën ke Yithriɛl. Wek bï bɛ̈n pinydun në ee nïnkë yiic.

Lebai 26:25

Yɛn bï week tɔ näk abätäu, bä yɛn ke luɔi cä wek mändï dhoŋ kɔ̈u guöör. Të la wek lɔ ciëën ë pɛ̈ɛ̈nydïtkun yiic, yɛn bï jɔɔk tuc thook tuöc week, ka we bï röt gäm kɔc dɛ wek ater.

Lebai 26:30

Yɛn bï ɣäänkuön ke läm nu ë kur nïïm riɔ̈ɔ̈k, ku dhuɔŋ yïïŋdun piny yïïŋ ye wal ŋïr nyop, ku wiɛt gupkuön cï thou në yanhduön cï wïïk kɔ̈u, ku wek bä maan aläl.

Amoth 7:9

Ɣään thöny ɣɔn ye kuat de Yithaak lam thïn abïï ke nyääŋ piny. Ku ɣään ke läm ke Yithriɛl, abï ke dhuɔŋ piny. Ku riääk bääny de baai de melik Jerobowam në abätäu.

Maika 6:1

Piɛŋkï gööny gɛɛny ë Bɛ̈nydït Yithriɛl. Jɔt rɔt Bɛ̈nydït, ku tɔ kur dït ku kur kor piŋ kë luel.

Maika 6:2

Piɛŋkï jam de Bɛ̈nydït wek kur, wek këërkëër de pinynɔm. Bɛ̈nydït ade nɔm wël kekë kɔcke, agɛɛny kɔc ke Yithriɛl.