Edhekiɛl 6:13 - JAM DE NHIALIC 2011

¹³ Gup ke kɔc cï thou abïï ke wɛɛr në yiëth yiic, ku në yïkken lɔ̈m, abïï ke wɛɛr në kur thöny nïïm ëbɛ̈n, ku në kur bär nïïm ëbɛ̈n, ku në tiim thäär ëbɛ̈n, ku në tiim ke ɣok thäär, ku atïïp ke tiim thäär ëbɛ̈n, të wën ye kek yiëthken miɔc në miɔ̈c nyop. Abïï ë raan ëbɛ̈n jɔ ŋic nɔn ee yɛn Bɛ̈nydït.

Edhekiɛl 6:13 ပူးပေါင်းရင်းမြစ်များ

1 Mel 14:23

Acïk ɣään ye yiëth lam thïn yïk, ku tɛ̈ɛ̈ukï mëën ke kur nhial, ku kït bï yanh cɔl Acera, ku bï aa lam ë kur nïïm ku atïïp ke tiim thäär.

2 Mel 16:4

Ku Aɣadh aaye miɔ̈c gam, ku ye wal ŋïr nyop në ɣään thöny nïïm, ku kur nïïm, ku në tiim tɔ̈c thäär ëbɛ̈n.

Yith 1:29

Wek bï gup aa riɔ̈ɔ̈c në luɔi cä wek tiim ke ɣok kɔn lam, ku luɔikï wɛl ee luɔk ë duum yiic ke ke ye ka yaath.

Yith 37:20

Ënɔɔnë Bɛ̈nydït Nhialicda luäkë wo bei në Athiriya ciin, ke bïï ë juöör ke piny nɔm ŋic an, Yïn aye Nhialic Yïtök.”

Yith 66:17

Aye Bɛ̈nydït lueel an, “Thök de piny acï thiɔ̈k tëde kɔc ee röt waak në biäk de läm ë yiëth, kɔc ee lam në duum yaath yiic: ku yek cuet në rïŋ ke cuɔl ku kudhuur kacaam kɔ̈k mɛɛn Bɛ̈nydït.

Jeremia 13:27

Acï week tïŋ ke we loi ka mɛɛn keek. Acï week tïŋ ke we kuany yiëth kɔ̈k cök ë kur nïïm ku ë duumiic, cït man ë mony cïï tiiŋ ë raan thiëëk kek diir, ku cït thɔn ë kɛɛu cop ŋun ë kɛɛu. Amawoou në week kɔc ke Jeruthalem, wek cï luöi këtuc, ee nɛn yen bä wek dikëdik?

Jeremia 2:20

Aye Bɛ̈nydït lueel an, “Yithriɛl ɣɔn thɛɛr yïn aacï bäänydï rɛɛc, yïn cï jaai bä ya riëëu ku lam Ɛn. Në kur bär nïïm ëbɛ̈n, ku në tiim tɔ̈c thäär ëbɛ̈n, yïn aaye yiëth ee käŋ tɔ lok lam.

Jeremia 3:6

Ɣɔn ye Jothia melik, go ë Bɛ̈nydït lɛ̈k ɛn an, “Cï kë cïï Yithriɛl looi tïŋ, kë cïï tiiŋ cïn piɔ̈u adöt looi? Acï rɔt yal wei tëde Yɛn, acïn të kën en tɔ̈c ke röör thïn, në ee kurkë nïïm nhial, ayï tiim tɔ̈c thäär acï yen tɔ̈c ke röör.

Edhekiɛl 18:6

Acïï yiëth ke baai de Yithriɛl ee lam ku acie cam në miɔ̈c näk ye gam në yïk cï pëën yiic. Acïï tiiŋ de raan däŋ ee riɔ̈ɔ̈k nɔm, ku cie tɔ̈c ke tik të thëk en.

Edhekiɛl 20:28

Acä ke bɛ̈ɛ̈i piny wään cän gutguut lueel an bä gäm keek. Na wën tïŋ kek kur bär ku tiim tɔ̈c, gokï miɔ̈c näk gäm keek kedhie. Acïk a tɔ göth në miɔc näk yek nyop ku mɔ̈n yek bɛ̈ɛ̈i ke ye miɔ̈c.

Edhekiɛl 23:41

Ayek jɔ nyuc në thööc läk nïïm, ku ayek pam cï thiëth nɔm kapiɛth tääu ë kenïïm, ayï walkiën ŋïr, ku miök de olip cä gäm keek.

Edhekiɛl 43:7

“Yïn Mɛnh ë raan, kënë ee thöönydï. Yɛn bï rëër eenë në baai de Yithriɛl yic, ku bä tɔ̈u ë kenïïm aɣet athɛɛr. Ku acïn raan bï rinkiën ɣeriic bɛ yɔ̈ɔ̈r gup, në läm ye kek yiëth kɔ̈k lam, ku nɔn tɔ̈ukï gup ke meliikkɛn cï thou eenë, në kɔc ke Yithriɛl yiic ku nɔn yen meliikken.

Ɣodh 4:13

Ayek yiëth miɔɔc në kur nïïm nhial ya, ku nyopkï miɔ̈c ye nyop ëbɛ̈n në kur kor nïïm, ku në tim de ɣok thar. Ku në atïïp ke tiim cï lɔ niëpniëp, në luɔi liir atïïpken. “Yen kë ye duetkun tɔ ya akɔɔrröör ka. Ku yen aye diäär ke wɛ̈ɛ̈tkun röt tɔ nöm.

Dhep 1:10

Go Bɛ̈nydït lueel an, “Wek bï kiɛɛu piŋ, ku lɔ röl ë kɔc dhiau në kal thoŋ cɔl Rɛ̈c ë Jeruthalem, ku piɛŋkï arɔ̈ɔ̈l ku gök de röl dïït cï määr ë kuriic wut biäk ë piɛc yïk.