Edhekiɛl 5:2 - JAM DE NHIALIC 2011

² Nyop këde diäŋden në pänydït, miäk cïï geeu cï ë pänydït gɛɛu cil wan, nöm diäŋ kɔ̈kë ku tɛ̈m ë keek në abätäu të le yïn ke yï cath në wut këc, wɛɛrë diäŋ kɔ̈k cï döŋë në yomic ku jɔ ke ya kaaŋiic në abätäudï.

Edhekiɛl 5:2 ပူးပေါင်းရင်းမြစ်များ

Jeremia 13:24

Bɛ̈nydït abï we wɛɛr piny cï wal cï yom ë jɔ̈ɔ̈ric ke gap wei.

Jeremia 15:2

Të ye kek yïn thiëëc ee tënou duëër kek lɔ thïn, lëkë keek nɔn cän e lueel an: Kɔ̈k acï ke gäm thon de jɔɔk, yen të bï kek lɔ thïn ka! Kɔ̈k acï ke gäm thon de abätäu, yen të bï kek lɔ thïn ka! Kɔ̈k acï ke gäm thon de cɔk, yen të bï kek lɔ thïn ka! Kɔ̈k acï ke gäm pɛ̈c bï ë ke peec, yen të bï kek lɔ thïn ka!

Jeremia 24:10

Yɛn bï tɔŋ bɛ̈ɛ̈i, ku cɔk, ku bɛ̈ɛ̈i jɔɔk në kegup, abïk riääk liŋliŋ abïï ciɛ̈n raan töŋ bï döŋ piny në keyiic, piny cä gäm keek në kuarken.”

Jeremia 38:2

nɔn cïï Bɛ̈nydït ye lueel an, “Raan lɔ rëër ë pänydïtic abï thou në cɔk ku nɔn ee jɔk, ku kɔc lɔ lɔ biic, ku gëmkï röt kɔc ke Babilonia, acïï keek bï nɔ̈k, abïk ban në wëiken.”

Jeremia 39:1

Në pɛɛi de thiëër në ruöön de dhoŋuan, wään ye Dhedekia melik de Juda, go Nebukadnedhar melik de Babilonia bɛ̈n kekë remdɛn ë tɔŋ ëbɛ̈n ku mɛk Jeruthalem.

Jeremia 39:2

Në kööl de dhoŋuan në pɛɛi ë ŋuan yic, në ruöön ye Dhedekia run thiëër ku tök ke ee melik, kɛ̈l ke pänydït aa cï keek thuur kɔ̈ɔ̈th.

Jeremia 9:15

Ka ënɔɔnë jakï kë bä looi piŋ, Yɛn Bɛ̈nydït de rɛm, Nhialic de Yithriɛl. Yɛn bï kɔckï gäm wɛ̈ɛ̈l kec bïk cam, ku gäm ke wurïï bïk dek.

Jeremia 9:16

Abä keek thiäi ë juööriic, juöör kënkï kɔn piŋ, ku kën ë kuarken ke kɔn piŋ, ku yɛn bï rem de tɔŋ tuöc keek agut të bïï ë keek riɔ̈ɔ̈k taitai.”

Edhekiɛl 12:14

Yɛn bï kɔc ke baaide, ku kɔc ee yen jääm, ku kɔc yen tiit thäi në aguuk yiic kedhie, ku abïï kɔc keek kɔɔr bïk keek nɔ̈k.

Edhekiɛl 17:21

Remdɛn ril de tɔŋ abïï ke nɔ̈k në tɔŋic, ku kɔc bï döŋ apïr, abïï ke thiäi piny në aguuk yiic kedhie. Ëtɛ̈ɛ̈n abäk jɔ ŋic nɔn ee yɛn Bɛ̈nydït, yɛn aa jam.”

Edhekiɛl 5:10

Kë bï tïc, wärken ke mïth ku märken ke mïth abïk mïthken cuet, ku mïth abïk wärken ku märken cuet në Jeruthalem. Wek bä luöi këtuc ku thiäi kɔc bï pïïr në piny nɔm ëbɛ̈n.

Edhekiɛl 5:12

Biäk töŋ de diäk ë kɔckun abï thou në jɔk ku cɔk ë pänydïtic, ku thou biäk däŋ de diäk në abätäu biic në pänydït thok, ku biäk töŋ de diäk ciëën abä thiäi piny në ɣään ke yom kedhie, ku cuɔp keek në abätäu.

Edhekiɛl 5:3

Both ka lik ku jɔ ke duööt në lupɔdu thok.

Lebai 26:33

Yɛn bï tɔŋ yiɛ̈n week ku thiäi we piny ë juööriic. Pinydun abï yic ciën kɔc ku pɛ̈ɛ̈nydïtkun tɔ̈u ke ke cï riääk.

Amoth 9:4

Ku të cïï ë keek cak peec në kɔckɛn ke ater, ke abä keek tɔ näk në abätäu. Acä dhel ë Yapiɔ̈u bä ke riɔ̈ɔ̈k ke ke cä luäk.

Dhek 13:8

në wuötiic në piny yic ëbɛ̈n, ku näk tëdït në keyiic. Ku yɛn bï biäk thiin cï döŋ pɔ̈l apïïr.