Edhekiɛl 5:16 - JAM DE NHIALIC 2011

¹⁶ Yɛn bï kueer ye kacaamkun bɛ̈n thïn thiöök thok, ku ta we nɛ̈k cɔk. Wek bï arɛɛm de cɔk yök abäk ciët ka cï tuöc wiɛth ke dhaŋ lɔ we riɔ̈ɔ̈k.

Edhekiɛl 5:16 ပူးပေါင်းရင်းမြစ်များ

2 Mel 6:25

Go cɔŋdït lööny Thamaria, të ɣɔn cï ke tuɔɔk, arëk abï nɔm de muul jɔ aa ɣɔɔc në atek kathiërbɛ̈t, ku aduŋ de wɛ̈ɛ̈l cɔl ceth ke guök aaye ɣaac në atek kadhïc.

Diɛt 7:13

abï tɔɔŋkɛn ke nääk nööm, ku wël wiɛth dɛ̈p thook kɔc.

Yith 3:1

Ënɔɔnë Bɛ̈nydït de rɛm, akɔɔr bïï këriëëc nyaai ëbɛ̈n në Jeruthalem ku Juda, raan ëbɛ̈n ku kak ee kɔc kony. Abï kacaamken ku pïïuken nyaai,

Jeremia 52:6

Ku në kööl de dhoŋuan, në pɛɛi de ŋuan në ye ruöön manë yic, wään cïï cɔk jɔ dït, ka kɔc acïk ciën kë ciɛmkï,

Dhiëëu 3:12

Acï dhaŋde miit, ku ee yɛn mɔ̈ɔ̈c në wiɛth.

Edhekiɛl 14:13

“Mɛnh ë raan, na cï wut awäc looi ku acïn adöt tëde yɛn, yɛn bï yaciin riɛny biic ku riääk kakɛn ee ke yiɛ̈n kacaam. Abä keek tuöc cɔk, ku näk kɔc ku ɣök aya.

Edhekiɛl 4:16

Go bɛ lueel an, “Mɛnh ë raan, Yɛn lɔ kueer ee kacaam bɛ̈ɛ̈i Jeruthalem teem kɔ̈u. Kɔc tɔ̈u ëtɛ̈ɛ̈n abïk piɔ̈ɔ̈th jiɛth ku diɛɛrkï të le kek kuïn camkï aa them, ku themkï pïïu yek dek.

Edhekiɛl 5:15

“Të cän gɔ̈th ku cä piɔ̈u diu arëët wo week, juöör thiääk ë week ëbɛ̈n ayek riɔ̈ɔ̈c. Abïk week aa woi në dhääl, ku dɔlkï wegup.

Edhekiɛl 5:17

Yɛn bï cɔk ku läi roor tuɔɔc lek mïthkun nɔ̈k, ku tuɔɔc juäi, ku akuöörkuöör, ku tɔɔŋ bïk we lɔ nɔ̈k. Acä lueel, Yɛn Bɛ̈nydït.”

Lebai 26:26

Yɛn bï të ye këcamdun bɛ̈n tɛɛm wei, ka diäär kathiëër abïk kuïnduön cï pam aa thaal në töny tök yic. Ku abïk kuïn cï pam aa thɛ̈m bei në ke ye ë them, ku të cä wek cam, wek bï ŋoot ke we nɛ̈k cɔk.