Edhekiɛl 5:14 - JAM DE NHIALIC 2011

¹⁴ Kɔc ke juöör thiääk ë week ëbɛ̈n, kɔc ee tëëk ëtɛ̈ɛ̈n, abïk yïn aa dɔl guöp, ku mëëckï röt në week.

Edhekiɛl 5:14 ပူးပေါင်းရင်းမြစ်များ

Neɣe 2:17

Ku në ee kakë cök, acä bɛ̈n lɛ̈k keek an, “Week wedhie awɔikï yen ë kërɛɛc nu wok thïnë, täu de Jeruthalem piny ke cï riääk, ku athïïn ke kal ë pänydït acï ke nyop në mac, bäk yïkku kal ë Jeruthalem, ke wo cïï ayäär bï bɛ guum.”

Jeremia 19:8

Yɛn bï gökdïït de riääk bɛ̈ɛ̈i ë pänydïtic, ka raan bï aa tɛ̈ɛ̈k ëtɛ̈ɛ̈n abï wɛ̈ɛ̈ŋ ku gɛ̈i arëët.

Jeremia 23:40

Abä ke yiɛ̈n ayäär ku riɔ̈ɔ̈c ë guöp bï tɔ̈u athɛɛr, ayär cï bï kɔn määr ë kɔc nïïm.”

Jeremia 42:18

“Acïï Bɛ̈nydït de rɛm, Nhialic de Yithriɛl lueel an, ‘Cït man cï agönhdiën tuc wäl ë kɔc ke Jeruthalem gup, yen abï agönhdiën tuc wäl ë wegup aya të la wek lɔ lɔ Rip. We bï aa kɔc ye kɔc riɔ̈ɔ̈c të tïŋ ë we, kɔc abïk we aa luööi në abiaan, ku ye rinkun tɔ aa ciɛɛn. Wek cïï ee tënë bï bɛ tïŋ taitai.’ ”

Dhiëëu 1:4

Acïn kɔc ee bɛ bɛ̈n në Luaŋdïtic, në akööl ɣeriic ke läm. Duet wään ee ket thïn acï keek thɛl wei, ku bäny de kake Nhialic adhiaukï, ku kɛ̈l ke pänydït thook alek liŋliŋ, ku Dhiɔn guöpde atök.

Dhiëëu 1:8

Jeruthalem acï rɔt riɔk në kërac. Dhuëëŋ de acï jäl, acïn kɔ̈u lupɔ ku aye dɔl guöp. Ee teer ku ee ye nyin kum në ayäär.

Dhiëëu 5:18

në luɔi cï kur de Dhiɔn wïïk yetök ku cï pɔ̈l, ku jɔ kɔ̈ɔ̈rgɔl pɛ̈ɛ̈nykɛn cï wïïk caath yiic.

Edhekiɛl 12:20

Pɛ̈ɛ̈nydït cï yiic thiäŋ ë kɔc ë nɔɔnë abïï ke riɔ̈ɔ̈k, ku pinyden abï döŋ ke ye jɔ̈ɔ̈r. Ëtɛ̈ɛ̈n abïk jɔ ŋic nɔn ee yɛn Bɛ̈nydït.”

Edhekiɛl 16:57

ku wään kën ë karɛc yak looi kɔn nyuöth kɔc? Ënɔɔnë wek cï ciët yen, we ye bui gup në kɔc ke Edom, ku kɔc ke Pilithiin, ku kɔckuön kɔ̈k thiääk ë week, kɔc man week.

Edhekiɛl 22:4

We de gup awɛ̈ɛ̈c ke nääk, ku cäk röt dhiöök në yiëth yak looi, ka kööldun abɔ̈, kööldu acï ɣëët! Yen kë ta yɛn juöör tɔ biɔn week ka ku ta piiny dɔl wegup.

Edhekiɛl 23:32

Aye Bɛ̈nydït Awärjäŋ lueel an, “Yïn bï dek në abïny de nyankui, adït yic ku thuth. Kɔc ëbɛ̈n abïk yïn aa bui ku biɔnkï yïguöp, abïny athiäŋ.

Edhekiɛl 33:28

Yɛn bï piny tɔ cïnic raan ceŋ en, ku riɛl wään ye kek röt lɛɛcë abï thök. Kur ke piny de Yithriɛl abïk aa roor, ka cïn raan bï bɛ aa tëëk ëtɛ̈ɛ̈n ë keyiic.

Edhekiɛl 36:34

Raan ëbɛ̈n raan ee ye tëëk në duumkun lɔ̈m, aaye wal cï dït tïŋ, ku wek bä bɛ tɔ com duumkun.

Edhekiɛl 6:6

Pɛ̈ɛ̈nydït ke Yithriɛl ëbɛ̈n abïï ke riɔ̈ɔ̈k, ago yïkken ku yiëthken dhiac yiic abïk lɔ thorthor, yïkkɛn ke wal ŋïr abïï ke dhiac piny, ku këriëëcdɛn cïk looi ëbɛ̈n abï nyaai.

Danyel 9:16

Yïn cï wook kony wään tueŋ, ku du piɔ̈u be diu wekë Jeruthalem. Ee pänydïïtdu, kuurduön ɣeric. Ee pänydïïtdu, kuurduön ɣeric. Kɔc kedhie kɔc ke wuöt thiääk ë wook, ayek Jeruthalem biɔɔn guöp, ku biɔnkï kɔcku gup, në biäk de karɛckuɔ, ku në biäk de luɔi rɛɛc cïï kuarkuɔ looi.

Maika 3:12

Ku në biäkdun yen abï ë Dhiɔn geer yic cït man de dom, ku Jeruthalem abï ya kuut de dhuur, ku Luaŋdït abï lɔ̈ɔ̈k aa roor.

Nyöŋ 28:37

Në ee wuöt bïï Bɛ̈nydït week lɔ thiäi piny thïn, kɔc abïk aa gäi në kë cï rɔt luöi week, we bïï ë kääŋ aa yup, abïk we dɔl gup ku buikï we gup.