Edhekiɛl 5:13 - JAM DE NHIALIC 2011

¹³ “Yïn bï riɛl de agönhdï yök në yïguöp ku ja gɔ̈th agut të bän piɔ̈u thök. Të le ee kënë rɔt looi ëbɛ̈n, abä jɔ gam nɔn cän jam wo yïn, Yɛn Bɛ̈nydït në biäk cïï ciɛ̈n adötdu yɛn tɔ göth.

Edhekiɛl 5:13 ပူးပေါင်းရင်းမြစ်များ

Yith 1:21

Pänydïït ɣɔn piathëpiɔ̈u, acï ciët tiiŋ akɔɔrröör! Ɣɔn tueŋ aa thiäŋic ke kɔc piɛthpiɔ̈ɔ̈th, ku ënɔɔnë ee kɔc ee kɔc nɔ̈k kapäc kek cï döŋ thïn.

Yith 1:24

Ku ënɔɔnë piŋ kë lueel ë Bɛ̈nydït de rɛm, Nhialic Töŋ de Yithriɛl an, “Yɛn bï rɔt guöör në week kɔc ke aterdï, ke we cïï A bï bɛ nuaan.

Yith 59:17

Yen abï piathëpiɔ̈u cieŋ cï lupɔ de yɔu, ku cieŋ akup de kunydewëi në yenɔm. Abï rɔt kuöm piny në luɔi bï yen käŋ cök piny, ku lui kɔc këtuc, ku guur guöm wään cïï kɔc kɔn kum.

Yith 9:7

Bäänyde abï lɔ ke dït ciɛɛŋde abï rëër ë mätic anande. Ku abï thööc muk cï kuɛɛrëdan Debid, ku bäänyde abï muk në piathëpiɔ̈u ku yic, gɔl ënɔɔnë aɣet thök de piny. Acïï Bɛ̈nydït de rɛm lueel nɔn bï yen e looi.

Jeremia 14:12

Cakaa kek ë reec këcam, Yɛn cïï lɔ̈ŋden bï kɔɔr kek kuɔɔny bï piŋ, na cakaa kek ë gëm Yɛn miɔ̈c ye nyop ëbɛ̈n, ku nɔn ee miɔ̈c ë rap, Yɛn cïï piɔ̈u bï miɛt wo keek. Abä keek nɔ̈k ë abätäu, ku näk keek ë cɔk ku jɔɔk.”

Jeremia 15:9

Tiiŋ cï mïthke kadhorou thou acï thɔ̈ɔ̈k, ke ee wëi dääkiic. Kööldɛn ɣer acï guɔ aa cuɔlëpiny, acï yäär ku tɔ̈k piɔ̈u. Yɛn bï kɔc ke aterdun tɔ näk week, wek kɔc ŋoot ke we pïïr. Acä lueel, Yɛn Bɛ̈nydït.”

Jeremia 25:12

Ku në ee kënë cök Yɛn bï melik de Babilonia kekë jurë luöi këtuc ë biäk de karɛcken. Yɛn bï ee pinyë riɔ̈ɔ̈k ku nyääŋ piny ke cï riääk aɣet athɛɛr.

Dhiëëu 4:11

Bɛ̈nydït acï agönhdɛn tuc aläl wɛ̈lnɔm Dhiɔn, acï Dhiɔn ɣök many cï yen nyuɔp piny ayï këërkëërde.

Dhiëëu 4:22

Nyan de Dhiɔn acï ariöp de kërɛɛcde cuat piny, Bɛ̈nydït acïï wook bï bɛ muɔ̈k ë pɛ̈cic. Ku Edom, Bɛ̈nydït abï yïn luöi këtuc, abï luɔiduön rac nyuɔɔth.

Edhekiɛl 13:15

“Yen päny kekë kɔc ë rɔth yekɔ̈u në kïn ɣer, abïk tuöc de agönhdï yök. Ëtɛ̈ɛ̈n abä lɛ̈k week an päny acï lɔ ke kɔc ë rɔth yekɔ̈u në kïn ɣer,

Edhekiɛl 14:21

Kënë yen aye Bɛ̈nydït Awärjäŋ lueel an, “Yɛn bï karɛc kaŋuan tuɔɔc luöi yɛn Jeruthalem këtuc, tɔŋ, ku cɔk, ku läi roor, ku jɔɔk bï kɔc ku läi nɔ̈k athöŋ.

Edhekiɛl 16:42

Ku ëtɛ̈ɛ̈n agönhdï abï nɔm lɔ, ku yɛn bï lɔ lik ke cïn kë luɛɛl. Yɛn cïï bï bɛ gɔ̈th ku acïn tiɛɛl bï ya dɔm.

Edhekiɛl 16:63

Yɛn bï karɛc cï looi ëbɛ̈n pɔ̈l, ku yïn bï karɛcku aa tak ku yïn yäär aläl ka yïn cïï yïthok bï liep.” Bɛ̈nydït Awärjäŋ yen aa jam.

Edhekiɛl 17:21

Remdɛn ril de tɔŋ abïï ke nɔ̈k në tɔŋic, ku kɔc bï döŋ apïr, abïï ke thiäi piny në aguuk yiic kedhie. Ëtɛ̈ɛ̈n abäk jɔ ŋic nɔn ee yɛn Bɛ̈nydït, yɛn aa jam.”

Edhekiɛl 20:21

“Ku remë aya acï a rɛɛc. Acïk lööŋkï dhoŋ kɔ̈ɔ̈th, ku cïkï ka cä lɛ̈k keek ë muk, kën ee raan rïïu keek gäm pïïr. Acïk kööl ë Thabath rɛɛc. Yɛn aacï rɔt guiir bä ke tɔ yök agönhdiën tuc ëtɛ̈ɛ̈n në jɔ̈ɔ̈ric ku näk keek kedhie.

Edhekiɛl 20:8

Ku acïk a rɛɛc, ku cïkï yɛn ee piŋ thok. Akënkï yiëth rackɛnkë cuat wei ku mɛ̈lkï në yiëth ke Rip. Yɛn aa cï rɔt guiir, bä ke tɔ yök agönhdiën tuc wään ë Rip.

Edhekiɛl 21:17

Yɛn aya yɛn cï yaciin pam, ku agönhdï abï jɔ thök. Ee yɛn Bɛ̈nydït yɛn ajam.”

Edhekiɛl 21:22

Ënɔɔnë! Ciin cuënyde amuk wïnh ë dhaŋ cï giit an ‘Jeruthalem’ aye yɔ̈ɔ̈k bïï kɛ̈l lɔ dhuööŋ thook, ku looi awuɔɔu de tɔŋ, ku took kɛ̈l thook, ku thɔɔc tiɔp nɔm, ku wec puɔ̈l.

Edhekiɛl 23:25

Në biäk rac ɛn piɔ̈u wo week, abä keek tɔ ceŋ week në agönhden. Abïk week tɛm wuum ku weyïth, ku näkkï wɛ̈ɛ̈tkun ku duetkun. Ɣɛɛ, abïk wɛ̈ɛ̈tkun ku duetkun jɔt ku lek keek nyop ke ke pïïr.

Edhekiɛl 24:13

Jeruthalem karɛckuön ye looi acïk yïn dhiöök. Na cak them bä yïn tɔ lɔgɔk, yïn ee ŋoot ke yï de acuɔl. Yïn cïï bï bɛ lɔgɔk, aɣet të bïï yïn tuöc de agönhdï yök thok.

Edhekiɛl 43:8

Meliik ayek thook ke ɣöötken ku göl ke ɣöötken yiɛ̈k në ɣöndï kɔ̈u ku gɔ̈ɔ̈ldï kɔ̈u, ago jɔ aa päny yetök yen nu në kaamda. Acïk rinkiën ɣeriic yɔ̈ɔ̈r në karɛckɛn yek looi ëbɛ̈n, aguɔ keek riɔ̈ɔ̈k në agönhdï.

Edhekiɛl 6:10

Abïk ŋic nɔn ee yɛn Bɛ̈nydït ku nɔn ye jänydiën yan ke jɔ̈ɔ̈ny acie riëëc tei.”

Edhekiɛl 6:12

Kɔc meckë abïï juäi ke dɔm ku thoukï, ku kɔc thiɔ̈kë abïï ke nɔ̈k në tɔŋ, ku kɔc bï döŋ ke ke pïïr abïï cɔk ke nɔ̈k. Abïk riɛl de agönh de Bɛ̈nydït yök në kegup.

Edhekiɛl 7:3

“Yithriɛl, thök acï bɛ̈n. Yïn bï agönhdï yök në yïguöp, në biäk luöi Ɛn yïn këtuc në biäk de kë cï looi. Yïn bä gäm ariöp de karɛckuön cï looi.

Edhekiɛl 7:8

“Në akööl lik bï bɛ̈n tueŋë, yïn bï riɛl de agönhdï yök. Yïn luöi këtuc në biäk de kë cï looi, ku yïn bä cuöl ariöp de karɛckuön cï looi ëbɛ̈n.

Danyel 11:36

“Ku melik de Thiriya abï lui cït man ë kë kɔɔr ë piɔ̈nde. Abï rɔt leec nɔn dïït en ë yiëth kɔ̈k awär Nhialic dït aya. Abï rɔt lɛɛc aya agut kööl bï Nhialic yen luöi këtuc. Ku Nhialic abï këdɛn cï kiëët looi ëdhöc tëde.

Danyel 9:2

Në ruöön tueŋ de bäänyde, yɛn aa kuen awerek ɣeric ku tak yanɔm në biäk de run kathiërdhorou (70), run bïï ë Jeruthalem tɔ̈u ke cï riääk, cït man cïï Bɛ̈nydït ye lɛ̈k tiët Jeremia.

Ɣodh 10:10

Go Bɛ̈nydït lueel an, “Kɔc ke Yithriɛl abä keek luöi këtuc në kööl cä tak. Abä keek tɔ dut ë juöör, ku peckï keek. Në baŋ de karɛckɛn juëc cïk looi.

Dhek 6:8

Na wën, ke tunynhial ë cɔl ɛn, lueel an, “Jöŋgöör wën cï lɔ piny lɔ të lɔ rut acïk agönh de Bɛ̈nydït tɔ lɔ köi piny.

Nyöŋ 28:63

Cït man Ye Bɛ̈nydït piɔ̈u miɛt në kuɛthdunic, ku juëc bä wek juëc, yen abï Yen piɔ̈u miɛt aya në riääk riëëk En week, ku bïï riääk dït tëde week. Wek bï cuän bei në piny bäk lɔ nöömë yic.

Nyöŋ 32:36

Bɛ̈nydït abï kɔcke luök, të cien yen tïŋ nɔn cïï riɛlden jäl. Abï piɔ̈u kok, kekë kɔc ee yen luööi, të cien yen tïŋ nɔn cïn kek nïïm kony.