Edhekiɛl 5:12 - JAM DE NHIALIC 2011

¹² Biäk töŋ de diäk ë kɔckun abï thou në jɔk ku cɔk ë pänydïtic, ku thou biäk däŋ de diäk në abätäu biic në pänydït thok, ku biäk töŋ de diäk ciëën abä thiäi piny në ɣään ke yom kedhie, ku cuɔp keek në abätäu.

Edhekiɛl 5:12 ပူးပေါင်းရင်းမြစ်များ

Yith 1:24

Ku ënɔɔnë piŋ kë lueel ë Bɛ̈nydït de rɛm, Nhialic Töŋ de Yithriɛl an, “Yɛn bï rɔt guöör në week kɔc ke aterdï, ke we cïï A bï bɛ nuaan.

Jeremia 13:24

Bɛ̈nydït abï we wɛɛr piny cï wal cï yom ë jɔ̈ɔ̈ric ke gap wei.

Jeremia 14:12

Cakaa kek ë reec këcam, Yɛn cïï lɔ̈ŋden bï kɔɔr kek kuɔɔny bï piŋ, na cakaa kek ë gëm Yɛn miɔ̈c ye nyop ëbɛ̈n, ku nɔn ee miɔ̈c ë rap, Yɛn cïï piɔ̈u bï miɛt wo keek. Abä keek nɔ̈k ë abätäu, ku näk keek ë cɔk ku jɔɔk.”

Jeremia 15:2

Të ye kek yïn thiëëc ee tënou duëër kek lɔ thïn, lëkë keek nɔn cän e lueel an: Kɔ̈k acï ke gäm thon de jɔɔk, yen të bï kek lɔ thïn ka! Kɔ̈k acï ke gäm thon de abätäu, yen të bï kek lɔ thïn ka! Kɔ̈k acï ke gäm thon de cɔk, yen të bï kek lɔ thïn ka! Kɔ̈k acï ke gäm pɛ̈c bï ë ke peec, yen të bï kek lɔ thïn ka!

Jeremia 15:9

Tiiŋ cï mïthke kadhorou thou acï thɔ̈ɔ̈k, ke ee wëi dääkiic. Kööldɛn ɣer acï guɔ aa cuɔlëpiny, acï yäär ku tɔ̈k piɔ̈u. Yɛn bï kɔc ke aterdun tɔ näk week, wek kɔc ŋoot ke we pïïr. Acä lueel, Yɛn Bɛ̈nydït.”

Jeremia 21:9

Raan bï rëër në ee pinydïïtë yic abï thou në abätäu, ku cɔk ku në jɔk, ku raan bï lɔ biic ku lee rɔt gäm kɔc ke Babilonia, kɔc cï pänydït tuɔɔk ënɔɔnë, acïï bï nɔ̈k, abïk ban në wëiken.

Jeremia 24:10

Yɛn bï tɔŋ bɛ̈ɛ̈i, ku cɔk, ku bɛ̈ɛ̈i jɔɔk në kegup, abïk riääk liŋliŋ abïï ciɛ̈n raan töŋ bï döŋ piny në keyiic, piny cä gäm keek në kuarken.”

Jeremia 42:22

Ka ënɔɔnë jakï kënë aa tak: Wek bï thou tɔŋ ku nɔn ee cɔk ku nɔn ee jɔk në piny kaarkï bä wek lɔ rëër thïnë.”

Jeremia 44:27

Ku we bä tiit ke we cïï bï kuɛth, ku wek bïï keek riɔ̈ɔ̈k. We bï thou wedhie, në cɔk ku nɔn ee jɔk, abïï ciɛ̈n raan töŋ bï döŋ ë we yiic.

Jeremia 9:15

Ka ënɔɔnë jakï kë bä looi piŋ, Yɛn Bɛ̈nydït de rɛm, Nhialic de Yithriɛl. Yɛn bï kɔckï gäm wɛ̈ɛ̈l kec bïk cam, ku gäm ke wurïï bïk dek.

Jeremia 9:16

Abä keek thiäi ë juööriic, juöör kënkï kɔn piŋ, ku kën ë kuarken ke kɔn piŋ, ku yɛn bï rem de tɔŋ tuöc keek agut të bïï ë keek riɔ̈ɔ̈k taitai.”

Edhekiɛl 12:14

Yɛn bï kɔc ke baaide, ku kɔc ee yen jääm, ku kɔc yen tiit thäi në aguuk yiic kedhie, ku abïï kɔc keek kɔɔr bïk keek nɔ̈k.

Edhekiɛl 14:17

“Ku nɔn bä tɔŋ yiɛ̈n ee pinyë, ku tuöc ke tɔŋ rɛɛc bï raan ëbɛ̈n nɔ̈k ku läi athɔ̈ŋ,

Edhekiɛl 14:19

“Na tuɔɔc jɔk ee pinyë, ku jat wëi ke kɔc juëc në agönhdï, näk kɔc ku läi,

Edhekiɛl 14:21

Kënë yen aye Bɛ̈nydït Awärjäŋ lueel an, “Yɛn bï karɛc kaŋuan tuɔɔc luöi yɛn Jeruthalem këtuc, tɔŋ, ku cɔk, ku läi roor, ku jɔɔk bï kɔc ku läi nɔ̈k athöŋ.

Edhekiɛl 16:42

Ku ëtɛ̈ɛ̈n agönhdï abï nɔm lɔ, ku yɛn bï lɔ lik ke cïn kë luɛɛl. Yɛn cïï bï bɛ gɔ̈th ku acïn tiɛɛl bï ya dɔm.

Edhekiɛl 21:22

Ënɔɔnë! Ciin cuënyde amuk wïnh ë dhaŋ cï giit an ‘Jeruthalem’ aye yɔ̈ɔ̈k bïï kɛ̈l lɔ dhuööŋ thook, ku looi awuɔɔu de tɔŋ, ku took kɛ̈l thook, ku thɔɔc tiɔp nɔm, ku wec puɔ̈l.

Edhekiɛl 24:13

Jeruthalem karɛckuön ye looi acïk yïn dhiöök. Na cak them bä yïn tɔ lɔgɔk, yïn ee ŋoot ke yï de acuɔl. Yïn cïï bï bɛ lɔgɔk, aɣet të bïï yïn tuöc de agönhdï yök thok.

Edhekiɛl 33:27

“Lɛ̈kë keek an Yɛn Bɛ̈nydït Awärjäŋ ajääny keek, në yic, kɔc rɛ̈ɛ̈r në pɛ̈ɛ̈ny cï riɔ̈ɔ̈k yiic abïï ke nɔ̈k. Kɔc rɛ̈ɛ̈r në wuöt biic yiic abïï läi roor ke cuet. Kɔc cï thiaan në kur nïïm ku në kök ke kur yiic abïk thou në jɔɔk.

Edhekiɛl 36:19

Acä ke bɛ̈n jɔ̈ɔ̈ny në kueerdɛn ye kek pïïr ku të ye ke kaken luɔɔi thïn, guɔ ke thiäi piny në juöör ke piiny lei yiic.

Edhekiɛl 43:8

Meliik ayek thook ke ɣöötken ku göl ke ɣöötken yiɛ̈k në ɣöndï kɔ̈u ku gɔ̈ɔ̈ldï kɔ̈u, ago jɔ aa päny yetök yen nu në kaamda. Acïk rinkiën ɣeriic yɔ̈ɔ̈r në karɛckɛn yek looi ëbɛ̈n, aguɔ keek riɔ̈ɔ̈k në agönhdï.

Edhekiɛl 5:10

Kë bï tïc, wärken ke mïth ku märken ke mïth abïk mïthken cuet, ku mïth abïk wärken ku märken cuet në Jeruthalem. Wek bä luöi këtuc ku thiäi kɔc bï pïïr në piny nɔm ëbɛ̈n.

Edhekiɛl 5:17

Yɛn bï cɔk ku läi roor tuɔɔc lek mïthkun nɔ̈k, ku tuɔɔc juäi, ku akuöörkuöör, ku tɔɔŋ bïk we lɔ nɔ̈k. Acä lueel, Yɛn Bɛ̈nydït.”

Edhekiɛl 5:2

Nyop këde diäŋden në pänydït, miäk cïï geeu cï ë pänydït gɛɛu cil wan, nöm diäŋ kɔ̈kë ku tɛ̈m ë keek në abätäu të le yïn ke yï cath në wut këc, wɛɛrë diäŋ kɔ̈k cï döŋë në yomic ku jɔ ke ya kaaŋiic në abätäudï.

Edhekiɛl 6:8

“Yɛn bï kɔc kɔ̈k tɔ kual röt në tem bïï ke tɛm röt, ku abïk thiëi në juöör yiic,

Edhekiɛl 7:15

Ade tɔŋ në kuɛɛr yiic, ku juäi ku cɔk në ɣööt yiic. Raan ee lɔ biic ëbɛ̈n abï thou në tɔŋic, ku raan tɔ̈u në pänydït yic ëbɛ̈n, abï thou në juäi ku cɔk.

Edhekiɛl 7:3

“Yithriɛl, thök acï bɛ̈n. Yïn bï agönhdï yök në yïguöp, në biäk luöi Ɛn yïn këtuc në biäk de kë cï looi. Yïn bä gäm ariöp de karɛckuön cï looi.

Lebai 26:33

Yɛn bï tɔŋ yiɛ̈n week ku thiäi we piny ë juööriic. Pinydun abï yic ciën kɔc ku pɛ̈ɛ̈nydïtkun tɔ̈u ke ke cï riääk.

Amoth 9:4

Ku të cïï ë keek cak peec në kɔckɛn ke ater, ke abä keek tɔ näk në abätäu. Acä dhel ë Yapiɔ̈u bä ke riɔ̈ɔ̈k ke ke cä luäk.

Amoth 9:9

“Yɛn bï löŋ tääu piny, bä baai de Yithriɛl kïïc në juööriic ëbɛ̈n, cït man ye rap kïïc në atɛ̈ny. Ke ya bï kɔc cïn naamden nyaai.

Dhek 7:14

Aguɔ keek gap wei cït man ë yom, lɛɛr keek ë juöör lei yiic. Yen ee piny lɛ̈kë, ëbɛ̈n döŋ baaŋ ke cïn raan nu thïn.”

Nyöŋ 28:65

“Acïn män bäk yök ee juöörkë yiic ëbɛ̈n, acïn të bä cɔl an tëdun, Bɛ̈nydït abï week doony në diɛɛr, ku ciën aŋäth, ku mum ë nɔm,

Nyuuth 6:8

Guɔ anyin jɔt, na wën, dï, ke jöŋgör kän linhakuur tul: ku rin ke raan rɛ̈ɛ̈r ë yekɔ̈u acɔlke Thuɔɔu, ku biɔth cök ë Paan ë kɔc cï Thou. Ku acï ke gäm riɛl ë biäk töŋ de piny nɔm biäk wën ee kek ŋuan, riɛl bï kek kɔc aa nɔ̈k ë abätäu, ku në cɔk, ku në jɔɔk, ku në läi rac ke piny nɔm.