Edhekiɛl 5:11 - JAM DE NHIALIC 2011

¹¹ “Ka ënɔɔnë, ke ya ye Nhialic pïïr, kënë ee jam de Bɛ̈nydït Awärjäŋ në biäk cä wek tëdiën ɣeric dhiöök në kërac yak looi ëbɛ̈n, kanhiany cäk looi, we bä ke nɔ̈k ke cïn kokëpiɔ̈u.

Edhekiɛl 5:11 ပူးပေါင်းရင်းမြစ်များ

2 Mel 21:4

Ku yïk yïïk ke yiëth ë Luaŋdïtic të ɣɔn cïï Bɛ̈nydït lueel nɔn bïï ë Yen aa lam thïn.

2 Mel 21:7

Ku tɛ̈ɛ̈u kïn de yanh tik cɔl Acera ë Luaŋdïtic të ɣɔn cï Bɛ̈nydït thɔ̈n Debid kekë wëndɛn Tholomon an: “Në Jeruthalemic eenë, ë Luaŋdïtic, ee yen cä lɔc në dhiëën ke Yithriɛl yiic ëbɛ̈n, ke ee të bïï ë Yɛn aa lam aɣet athɛɛr.

2 Mel 23:12

Ku dhoŋ yïïk nu ɣön ë Aɣadh nɔm nhial, ka ɣɔn looi ë meliik ke Juda, ku yïïk ɣɔn looi ë melik Manatha në aguuk kaarou nu në për ke Luaŋdït yic, acï ke thɛ̈l bei ëbɛ̈n, ku dhiɛc ke yiic ku weer aromden në Wak de Kidronic.

2 Lëk 33:4

Acï yïk ke yiëth yïk Luaŋdït, të wään cï Bɛ̈nydït lueel an bï ë yen aa lam thïn aɣet athɛɛr.

2 Lëk 33:7

Ku tɛ̈ɛ̈u kë cï cuëëc ë ɣön ë Nhialicic, të cïï Bɛ̈nydït Nhialic lɛ̈k Debid ku wënde Tholomon an: “Në Jeruthalem eenë, në ɣön ë Bɛ̈nydïïtë, yen ee të cä lɔc në wuöt ke dhiëën ke Yithriɛl yiic ëbɛ̈n kathiëër ku rou, ke ee të bï ë Yɛn aa lam thïn.

2 Lëk 36:14

Ku däŋ aya, bäny ke kɔc ke Juda, ku bäny ke kake Nhialic, ku kɔc acïk ciɛɛŋ de luɔi de kërac ke juöör thiääk ë keek dɔm yic, gokï yiëth lam, ku jɔkï Luaŋdït tɔ nhiany, të wään cïï Bɛ̈nydït guöpde tɔ ɣeric.

Jop 27:22

abïï Nhialic luöi keek në riɛlde ke cïn kokdepiɔ̈u, ku themkï bïk röt wäär wei.

Diɛt 107:39

Na wën, cï kɔc ke Nhialic tiaam ku dhäl keek gup në kɔc rac ee kɔc yɔŋ,

Diɛt 95:11

Yɛn aa cï göth ku kuɛ̈ɛ̈ŋ an: ‘Wek cïï bï lɔ piny bän week gäm lɔ̈ŋ thïn.”’

Jeremia 10:24

Bɛ̈nydït, kiɛmë kɔcku piny, ku du wo lui këtuc arëët, du lui këtuc të cï Yïn gɔ̈th, kënë aduëër aa thökda.

Jeremia 16:18

Abä keek tɔ cut raan rou ë biäk de kërɛɛcden ku awɛ̈ɛ̈cken, ë biäk cï kek pinydï dhiöök në yiëthkɛn cïn yiic wëi cï gup cï thou, ku thiäŋkï ë yiëthkɛn Alueth.”

Jeremia 32:34

Arëk acïk yiëthkɛn rac tääu ë Luaŋdït yic, ɣön ë yïk ke bï ë Yɛn aa lam thïn, ku acïk dhiöök.

Jeremia 44:4

Ku wek ya cool ë tuöc Yɛn week tïtkï kɔc ee Yɛn luööi, kɔc ee we yɔ̈ɔ̈k an, duökï karɛc maan keek ee looi.

Dhiëëu 2:17

Bɛ̈nydït acï këdɛn cï lueel an bïï looi jɔ looi. Acï wook riɔ̈ɔ̈k ke cïn kokdepiɔ̈u, cït man cï yen ye lueel ɣɔn thɛɛr. Acï kɔc ke aterde tɔ tiëm, acï keek tɔ mit piɔ̈ɔ̈th në wïïk cï wok wïïk.

Dhiëëu 2:21

Kɔc kor ku röördït atɔ̈ukï piny ke ke cï thou ë kuɛɛriic. Dhuök ku diäär acï keek nɔ̈k në abätäu de raan ater. Acï keek tɛm röt të cïn kokdepiɔ̈u në kööl de agönhdu.

Edhekiɛl 11:18

Të le kek kenïïm lɔ puk, abï këriëëc nhiany ëbɛ̈n pɔ̈l, ayï yiëth rackɛn wään cïk yök.

Edhekiɛl 11:21

Ku yɛn bï kɔc ee kanhiany, ke yiëth rac lam luöi këtuc. Abä ke luöi këtuc në biäk de kë cïk looi.” Bɛ̈nydït Awärjäŋ yen aa jam.

Edhekiɛl 23:28

Kë cïï Bɛ̈nydït Awärjäŋ lueel kï an, “Wek bä keek gäm kɔc mankï keek, ku rackï piɔ̈ɔ̈th në keek.

Edhekiɛl 23:38

Ku acie yen ee kënë ëbɛ̈n yen ë loikï yetök. Acïk tëdiën ɣeric dhiöök ku dhoŋkï kööl ë Thabath kɔ̈u, kööl wään cä lɔc.

Edhekiɛl 23:39

Kööl man yen nɛ̈k kek wɛ̈ɛ̈tkï ke ke ye miɔ̈c näk gëmë yiëthken, acïk bɛ̈n tëdiën ɣeric ku dhiökï!

Edhekiɛl 24:14

Acä lueel, Yɛn Bɛ̈nydït Awärjäŋ. Akööl acïk bɛ̈n kööl bän lui. Yɛn cïï awänydu bï tɔ piɔl yic, ku cä piɔ̈u kok wo yïn, ku cä yïn päl. Yïn bï dhil luöi këtuc në biäk de kë cï looi.” Bɛ̈nydït Awärjäŋ yen aa jam.

Edhekiɛl 29:15

ciɛɛŋ kɔ̈c në ciɛɛŋ yiic kedhie, ku acïkï juöör kɔ̈k bï bɛ cieŋ ananden. Abä keek tɔ cïn naamden aya ka acïkï bï lëu luɔi bïï kek jurdäŋ bɛ tɔ piŋ këde piɔ̈nden.

Edhekiɛl 33:11

Lɛ̈kë keek, ee yic, ke ya ye Bɛ̈nydït Awärjäŋ, yɛn ee Nhialic pïïr, acä nhiaar bä kɔc de gup awɛ̈ɛ̈c tïŋ ke ke thou. Aya nhiaar bä raan bä ke tïŋ ke ke päl luɔidɛn de awɛ̈ɛ̈c ku pïïrkï. Baai de Yithriɛl jɔ luɔiduön de awɛ̈ɛ̈c ye looi pɔ̈l. Eeŋö kɔɔr yïn bä thou?

Edhekiɛl 43:8

Meliik ayek thook ke ɣöötken ku göl ke ɣöötken yiɛ̈k në ɣöndï kɔ̈u ku gɔ̈ɔ̈ldï kɔ̈u, ago jɔ aa päny yetök yen nu në kaamda. Acïk rinkiën ɣeriic yɔ̈ɔ̈r në karɛckɛn yek looi ëbɛ̈n, aguɔ keek riɔ̈ɔ̈k në agönhdï.

Edhekiɛl 44:7

Acïk tëdiën ɣeric riɔ̈ɔ̈k në luɔi cï kek kɔc alɛi kënë cueel cïï Yɛn ee riëëu tɔ lɔ Luaŋdït, të wën ye miɔ̈c de kɔl ku riɛm de ka cï nɔ̈k gäm Yɛn. Ka kɔckï acïk mändï dhoŋ kɔ̈u në karɛc juëc cïk keek looi.

Edhekiɛl 5:7

Ënɔɔnë Jeruthalem piŋ kë luɛɛl, Yɛn Bɛ̈ny cït Awärjäŋ. Në biäk kën wek lööŋkï gam ku cäkkï yöökdï muk, wek cï nuɛɛn juëc looi awär juöör thiääk në week. Wek cï ciɛɛŋ de juöör kɔ̈k kuany yiic.

Edhekiɛl 7:20

Wään aake ye röt kɔn lɛɛc në guëtken, ku acïk ke bɛ̈n looi kek yiëth racken bɛ̈n looi. Yeka cïï Bɛ̈nydït kajuëcken tɔ riääk.

Edhekiɛl 7:4

Yïn cä bï kɔn pɔ̈l ku cä yïn nyuth kokdepiɔ̈u. Yïn bä luöi këtuc në biäk de karɛckuön cï looi, ago jɔ ŋic nɔn ee Yɛn Bɛ̈nydït.”

Edhekiɛl 7:9

Yïn cä bï kɔn pɔ̈l ku cä yïn nyuth kokdepiɔ̈u. Yïn bä luöi këtuc në biäk de karɛckuön cï looi, ago jɔ ŋic nɔn ee Yɛn Bɛ̈nydït, ku ee Yɛn ee raan ee kɔc luöi këtuc.”

Edhekiɛl 8:15

Go ya thiëëc an, “Mɛnh ë raan, cï ee kënë tïŋ? Yïn bï karɛc wär ee kakë tïŋ.”

Edhekiɛl 8:16

Go yɛn lɛɛr ë kal de Luaŋdït yic thïn. Të thiääk ke tëɣeric, në kaam de yïk kekë kueer, të de yic röör kathiërrou ku dhïc. Acïk kekɔ̈ɔ̈th wel tëɣeric, ku acïk kenïïm guöt piny të lɔ aköl amiäk, ke ke lam akɔ̈l bɔ̈ thok.

Edhekiɛl 8:18

Abïk riɛl de agönhdï yök ëbɛ̈n. Acä keek bï pɔ̈l, ku cä piɔ̈u bï kok wo keek. Abïk a lɔ̈ŋ aläl në awuɔɔu dït, ku yɛn cïï lɔ̈ŋden bï piŋ.”

Edhekiɛl 9:10

Ku Yɛn cïï piɔ̈u bï kok wo keek, abä keek luöi ka wään cïk keek kɔn luöi kɔc kɔ̈k.”

Edhekiɛl 9:5

Ku piɛŋ Nhialic ke lɛ̈k kɔc kɔ̈kë an, “Kuanykï cök të tëëk en ë pänydïtic, ku näkkï. Në cïn raan pälkï, ku cïn raan kuɔɔk wek piɔ̈ɔ̈th.

Lebai 15:31

Yïn bï kɔc ke Yithriɛl dhil tɔ mɛ̈ɛ̈c ë röt, në kak ë keek tɔ rac gup, në biäk cïï kek bï thou në karɛcken yiic. Ku në biäk cïï kek paanydiën nu në keyiic bï riɔ̈ɔ̈k.

Amoth 8:7

Bɛ̈nydït, Nhialic de Yithriɛl ë kuëëŋ në lɛc de Jakop an, “Yɛn cïï nɔm bï kɔn määr taitai në kërɛɛcdun.

Dhek 11:6

(Acï Bɛ̈nydït lueel an, “Yɛn cïï piɔ̈u bï kɔn bɛ kok wokë kɔc de piny. Raan ëbɛ̈n në keyiic abä gäm kɔc rëër kek, ku bänyken. Ku piny abï bänykë ye yɔŋ nɔm, ku acä keek bï luäk bei në kecin.)

Malakai 3:17

Ku lueel ë Bɛ̈nydït de rɛm an, “Abïk aa kɔc piɛthkï, në kööl bï Yɛn luɔi looi. Yɛn bï piɔ̈u kok wo keek arëët cït man ye wun meth piɔ̈u kok ke wëndɛn ee yen ŋiëc luööi.

Romai 11:12

Ku ënɔɔnë, kɔ̈th kɔ̈th kek, të cï en aa kuɛth cï piny tɔ kueth nɔm, ku kuur koor kek, të cï en aa kuɛth cï Juöör tɔ kueth, na piathden, bï kënë wöör ë wär ŋö?

Romai 11:21

Ku të kën Nhialic këër thɛɛr ke tim pɔ̈l, ke ye rɔt tiit, ke yï cïï bï pɔ̈l ayadäŋ.

Romai 8:32

Yen Nhialic, Raan wään kën Wënde pëën, Wënde guöp, ku acï e yiɛ̈n Raan thuɔɔu ë biäkda wook wodhie, ee kaŋö cïï en wo bï miɔɔc ë käŋ kedhie aya në yen ëtök ë dhuëëŋ?

Nyöŋ 29:20

Bɛ̈nydït acïï raan cït ee kënë bï päl awäc. Atuny de agönh de Bɛ̈nydït abï ciët lɔ̈k de mac ë yeguöp, ku riääk cï keek gɔ̈ɔ̈r në awerekë yic kedhie abïk lööny në yekɔ̈u agut të bï Bɛ̈nydït yen riɔ̈ɔ̈k taitai ë pinynɔm.

Ɣeberuu 6:13

Ɣɔn kɔɔr ë Nhialic bï yen Abraɣam thɔn, ke jɔ kuëëŋ në rɔt, në luɔi cïn en raan dït në yenɔm tueŋ.