Edhekiɛl 5:10 - JAM DE NHIALIC 2011

¹⁰ Kë bï tïc, wärken ke mïth ku märken ke mïth abïk mïthken cuet, ku mïth abïk wärken ku märken cuet në Jeruthalem. Wek bä luöi këtuc ku thiäi kɔc bï pïïr në piny nɔm ëbɛ̈n.

Edhekiɛl 5:10 ပူးပေါင်းရင်းမြစ်များ

2 Mel 6:29

Goku wëndï thaal ku cuetku. Ku në kööldäŋë ke lɛ̈k en an bɛ̈ɛ̈iyë wëndu buk cuet, ku acï wënde lɔ thiaan!”

Neɣe 1:8

Ku ënɔɔnë, tak Yïnɔm në kë wään lɛ̈kë Mothe an, ‘Na cakkï bï aa kɔc adöt në Yɛn, ke wek bä thiäi në juöör kɔ̈kiic,

Diɛt 44:11

Yïn cï wo tɔ temë röt cït man ë thök, ku thiäi ë wo piny në juööriic.

Yith 49:26

Yɛn bï kɔc yɔŋ week tɔ näk röt kapäc, abïk miɔ̈l në riɛmden kapäc cï ka cï dek ë mɔ̈u. Ëtɛ̈ɛ̈n abïï ë kɔc jɔ ŋic ëbɛ̈n nɔn ee Yɛn Bɛ̈nydït Awärjäŋ, raan wën luɛ̈k we biic, ku tɔ we lääu nïïm. Abïk ŋic nɔn ee Yɛn Nhialic riil de Yithriɛl.”

Yith 9:20

Wutic ëbɛ̈n kɔc abïk kacaam thii cïk aa yök aa gɔ̈ɔ̈p yiic ku camkï, ku cɔŋden acïï ke bï tɔ kueth. Acakaa mïthken abïk keek cuet!

Jeremia 13:14

Ku ëtɛ̈ɛ̈n abä keek jɔ dhuööŋ cï guöl, ŋɛk në ŋɛk kɔ̈u, röördït ku dhuök akït. Acïn kokëpiɔ̈u, ku cïn dhiënëpiɔ̈u, ku cïn pïïu ke nyin bï A tɔ päl luɔi näk Yɛn keek.”

Jeremia 19:9

Kɔc ke ater abïk pänydït gɔ̈ɔ̈l piny ku themkï bïk kɔcke nɔ̈k. Abïï tuɔɔk cil arac ka kɔc nu ë pänydïtic, abïk röt aa cuet kapäc ku cuetkï mïthken gup.”

Jeremia 44:12

Ku në biäk de kɔc ke Juda cï döŋ, ku acïk dhel nɔn bï kek lɔ ceŋ ë Rip, abä dhil kiëët nɔn bïï ë keek riɔ̈ɔ̈k kedhie. Abïk thou kedhie ë Rip, röördït, ku kɔc kor, abïk thou ë tɔŋ, ku nɔn ee cɔk. Kɔc abïk aa riɔ̈ɔ̈c në tïŋden, abï kɔc keek aa luööi në abiaan, ku tɔ rinken ee këde aciɛɛn.

Jeremia 49:32

“Jatkï thɔ̈rɔ̈ɔ̈lken ku ɣɔ̈kken kedhie! Yɛn bï kɔc ee nhïmken tem ke ke cek thiäi në ɣään yiic ëbɛ̈n, Yɛn bï riääk yiɛ̈n keek në aguuk kedhie.

Jeremia 49:36

Yɛn bï yom tɔ put ke lɔ të lɔ Eelam në aguuk kedhie, Yɛn bï kɔcke thiäi ë piny nɔm ëbɛ̈n, abï ciën jur töŋ bï döŋ ke cïn yic kɔckɛn lɔ thïn.

Jeremia 50:17

Aye Bɛ̈nydït lueel an, “Kɔc ke Yithriɛl acïtkï amɛ̈l cïï ë köör ke cop ku thiɛ̈i ke wei. Wään tueŋ, acï melik de Athiriya keek mak, ku be Nebukadnedhar melik de Babilonia yomken reem.

Jeremia 9:16

Abä keek thiäi ë juööriic, juöör kënkï kɔn piŋ, ku kën ë kuarken ke kɔn piŋ, ku yɛn bï rem de tɔŋ tuöc keek agut të bïï ë keek riɔ̈ɔ̈k taitai.”

Dhiëëu 2:20

Bɛ̈nydït, tïŋ tei. Eeŋö jɔ yïn wo luöi këtuc aya? Diäär acuetkï rïŋ ke mïthkɛn nhiaarkï! Bäny ke kake Nhialic ku tït anäk keek tëɣeric guöpde!

Dhiëëu 4:10

Riääk cï kɔckï yök acï riɔ̈ɔ̈cdït bɛ̈ɛ̈i, Diëër nhiaar mïth, acïk mïthken thaal ke ke ye kuïn.

Dhiëëu 4:16

Bɛ̈nydït acïï be diɛɛr ë biäkden, yen guöp acï keek thiäi piny. Acïn riëëu kekë kokdepiɔ̈u ye nyuöth bänykuɔn ke kakë Nhialic ayï röördïtkuɔ.

Dhiëëu 4:3

Cakaa kɔ̈ɔ̈rgɔl ee mïthke muk. Ku kɔckï acïtkï wuut, yɔŋ mïthken ë jɔ̈ɔ̈ric.

Edhekiɛl 12:14

Yɛn bï kɔc ke baaide, ku kɔc ee yen jääm, ku kɔc yen tiit thäi në aguuk yiic kedhie, ku abïï kɔc keek kɔɔr bïk keek nɔ̈k.

Edhekiɛl 12:15

“Të lan ke thiäi piny në juöör kɔ̈c yiic, ku piiny ke alɛi yiic, abïk jɔ ŋic nɔn ee yɛn Bɛ̈nydït.

Edhekiɛl 17:21

Remdɛn ril de tɔŋ abïï ke nɔ̈k në tɔŋic, ku kɔc bï döŋ apïr, abïï ke thiäi piny në aguuk yiic kedhie. Ëtɛ̈ɛ̈n abäk jɔ ŋic nɔn ee yɛn Bɛ̈nydït, yɛn aa jam.”

Edhekiɛl 20:23

Guɔ gutguut däŋ looi në jɔ̈ɔ̈ric. Yɛn cï kuëëŋ nɔn bän keek thiäi në juööriic ëbɛ̈n.

Edhekiɛl 22:15

Yɛn bï kɔckun thiäi në wuötiic ku juööriic ëbɛ̈n, ku yɛn bï cuɔlëpiɔ̈u nyaai ë weyiic.

Edhekiɛl 36:19

Acä ke bɛ̈n jɔ̈ɔ̈ny në kueerdɛn ye kek pïïr ku të ye ke kaken luɔɔi thïn, guɔ ke thiäi piny në juöör ke piiny lei yiic.

Edhekiɛl 5:12

Biäk töŋ de diäk ë kɔckun abï thou në jɔk ku cɔk ë pänydïtic, ku thou biäk däŋ de diäk në abätäu biic në pänydït thok, ku biäk töŋ de diäk ciëën abä thiäi piny në ɣään ke yom kedhie, ku cuɔp keek në abätäu.

Edhekiɛl 5:2

Nyop këde diäŋden në pänydït, miäk cïï geeu cï ë pänydït gɛɛu cil wan, nöm diäŋ kɔ̈kë ku tɛ̈m ë keek në abätäu të le yïn ke yï cath në wut këc, wɛɛrë diäŋ kɔ̈k cï döŋë në yomic ku jɔ ke ya kaaŋiic në abätäudï.

Edhekiɛl 6:8

“Yɛn bï kɔc kɔ̈k tɔ kual röt në tem bïï ke tɛm röt, ku abïk thiëi në juöör yiic,

Danyel 9:7

Yïn Bɛ̈nydït, yïn ee piathëpiɔ̈u looi aköölnyïïn, ku wok aye ayäär bɛ̈ɛ̈i në wogup aköölnyïïn ëbɛ̈n. Ku ayärë ayadäŋ aduëër ë luɛɛl ë wogup wodhie, wok kɔc ceŋ Juda ku Jeruthalem, ku kɔc ke Yithriɛl kedhie, kɔc cï keek thiäi piny ë wuöt thiɔ̈k yiic ku wuöt mec yiic, në luɔi kën kek piɔ̈n adöt nyuöth yïn.

Lebai 26:29

Cɔŋdun abï dït aläl ka wek bï rïŋ ke wɛ̈ɛ̈tkun kekë duetkun cuet.

Lebai 26:33

Yɛn bï tɔŋ yiɛ̈n week ku thiäi we piny ë juööriic. Pinydun abï yic ciën kɔc ku pɛ̈ɛ̈nydïtkun tɔ̈u ke ke cï riääk.

Amoth 9:9

“Yɛn bï löŋ tääu piny, bä baai de Yithriɛl kïïc në juööriic ëbɛ̈n, cït man ye rap kïïc në atɛ̈ny. Ke ya bï kɔc cïn naamden nyaai.

Dhek 2:6

Go Bɛ̈nydït cööt an, “Katkï, bäkï. Kualkï röt piny lɔ të lɔ rut. Në biäk cän we thiäi piny në aguuk ke pinynɔm kaŋuan yiic.

Dhek 7:14

Aguɔ keek gap wei cït man ë yom, lɛɛr keek ë juöör lei yiic. Yen ee piny lɛ̈kë, ëbɛ̈n döŋ baaŋ ke cïn raan nu thïn.”

Luk 21:24

Ku abï ke nɔ̈k ë abätäu, ku pec ke leerëke ë Juöör yiic ëbɛ̈n: ku Jeruthalem abï käcic ë Juöör, a thöökë run ke Juöör.

Nyöŋ 28:64

“Bɛ̈nydït abï week thiäi piny në juööriic ëbɛ̈n, gɔl në piny thar biäkë leer ë biäkë, ku ëtɛ̈ɛ̈n we bï yiëth ë loi në tiim ku kur aa luööi, yiëth kɛ̈nkï keek kɔn lam ayï kuarkun.

Nyöŋ 32:26

Aduëër keek riɔ̈ɔ̈r nyïïn taitai, ago ciën raan bï keek bɛ tak.

Nyöŋ 4:27

Bɛ̈nydït abï week thiäi piny ë juööriic, të bïï kɔc liaakäŋ kapäc lɔ pïïr ë we yiic.