Edhekiɛl 48:30 - JAM DE NHIALIC 2011

^30-34 Ade thook kathiëër ku rou ee lɔ pänydït de Jeruthalem. Päny tök në ee pɛ̈ɛ̈nykë kaŋuan, aye thëmde akeem ka 2,520 ku ade yic thook kadiäk, tök aye cäk në rin ke dhiën tök ë dhiëën ke Yithriɛl yiic. Thook nu të lɔ rut, acï ke cäk në rin ke Ruben, Juda ku Lebai, ku thook tɔ̈u në biäk de aköl amiäk acï ke cäk në rin ke Jothep, ku Benjamin ku Dan, ku thook tɔ̈u të lɔ wöuwic, acï ke cäk në rin ke Thimion, ku Yithakar, ku Dhebulun, ku thook tɔ̈u të lɔ aköl athɛ̈i, acï ke cäk në rin ke Gad ku Acer ku Naptali.

Edhekiɛl 48:30 ပူးပေါင်းရင်းမြစ်များ

Cäk 35:23

Wɛ̈ɛ̈t ke Liya ee Ruben kɛ̈i ë Jakop, kekë Thimion, ku Lebi, ku Juda, ku Yithakar ku Dhebulun.

Edhekiɛl 42:11

Ade kueer nu në ɣööt thook tueŋ, cït man de kueer nu në biäk të lɔ rut. Ade thëmdɛn töŋë, ku täudɛn töŋë, ku kueerdɛn töŋë.

Edhekiɛl 45:6

Të thiääk kekë tëɣeric, ade biäk däŋ ye bɛ̈ɛ̈r de yen kɔ̈u kilɔɔ mitïïr kathiëër ku rou ku biäk, ku ye dït de yen yic kilɔɔ mitïïr kaarou ku biäk, abï tɔ̈ɔ̈u pei ke ye biäk de pänydït bïï baai de Yithriɛl aa ceŋ thïn.

Edhekiɛl 48:16

Ku abï dɛk aguuk kaŋuan, biäk lɔ rut, ku biäk lɔ wöuwic, ku biäk lɔ aköl amiäk, ku biäk lɔ aköl athɛ̈i, aake ye thëm de biäk tök akeem ka 2,520, në aguuk kedhie.

Nyuuth 21:16

Ku pänydït ade aguuk kaŋuan, ku bɛ̈ɛ̈r de yenkɔ̈u akït ke päu le yenic päuwäu: go pänydït them ë wai, ago ya agum de meel ku bot kathiërdhïc: bɛ̈ɛ̈r de yenkɔ̈u ku päu le yenic päuwäu ku bɛ̈ɛ̈r bɛ̈ɛ̈r en akïtkï.