Edhekiɛl 48:21 - JAM DE NHIALIC 2011

^21-22 Në baŋ de aköl amiäk ku aköl athɛ̈i de piny tɔ̈u tëɣeric thïn, ku piny de bäny ke kake Nhialic, ku piny de kɔc ke Lebai, ku piny de pänydït, piny cï döŋ ee këde wën melik mac baai. Ee ɣeet aken nu në aköl amiäk ku biäk të la aköl athɛ̈i de Wɛ̈ɛ̈rdïït ɣer, ku ade akeu kekë Juda në biäk de rut, ku të lɔ wöuwic ade akeu kekë Benjamin.

Edhekiɛl 48:21 ပူးပေါင်းရင်းမြစ်များ

Edhekiɛl 37:24

Melik cït awundï Debid yen abï aa melikden. Abïk keyiic mat kedhie në melik tök cök, ku abïk lööŋkï aa riëëu.

Edhekiɛl 48:10

Bäny ke kake Nhialic abï ke gäm biäk de të cï gäm Nhialic. Gɔl aköl amiäk leer aköl athɛ̈i biäkden abï aa meel kathiëër, ku gɔl rut leer wöuwic abï aa meel kaŋuan. Ku tëɣeric abï tɔ̈u ë pëër yic cil.

Edhekiɛl 48:20

Ku ëtɛ̈ɛ̈n piny ëbɛ̈n tɔ̈u në ciɛɛlic, të wën cï lɔc pei, abï dɛk aguuk kaŋuan ye thëmde meel kathiëër në biäk kedhie, ku abï biäk ɣeric de piny tɔ̈u ë pänydït thïn mat thïn.

Edhekiɛl 48:8

Biäk däŋ de piny abï tɔ̈ɔ̈u pei ke ye këde luɔɔi däŋ. Abï bɛ̈ɛ̈r de yen kɔ̈u gɔl ë rut leer wöuwic aa meel kathiëër, ku abï bɛ̈ɛ̈r aya gɔl aköl amiäk leer aköl athɛ̈i, cït man de biäk cï gäm dhiën. Tëɣeric abï tääu ee biäkë yic.

Ɣodh 1:11

Ku kɔc ke Yithriɛl abïk bɛ mat në kɔc ke Juda, ku pukkï kenïïm pinyden. Ku abïk röt bɛ aa kuɛ̈ny bɛ̈ny tök. Ku akööl ke Yithriɛl abïk bɛ aa akööl lɔyum arëët.