Edhekiɛl 47:9 - JAM DE NHIALIC 2011

⁹ Të ye nyin wɛt thïn, tɛ̈ɛ̈n abï dɛk läi ëbɛ̈n ku rec. Ku nyin de pïïu abï pïïu ke Wɛ̈ɛ̈r de Amilɔ tɔ piɛth, ku të bï yen wɛt thïn abï pïïr bɛ̈ɛ̈i.

Edhekiɛl 47:9 ပူးပေါင်းရင်းမြစ်များ

Diɛt 103:3

Ë yïn päl awɛ̈ɛ̈c cä keek looi ku tɔ ya piɔl guöp tëde yen juäi, ë ya guöp.

Diɛt 78:16

Acï nyin tɔ bɔ̈ bei ë kuuric, ku tɔ pïïu riŋ cït man ë kiir.

Bɛ̈n 15:26

Lëk keek an, “Na bäk röl de Bɛ̈nydït Nhialic gam ë yic, ku bäk yic aa looi, ku dɔ̈tkï lööŋkï, wek cä bï tuöc jɔɔk cït jɔɔk wään cä tuöc kɔc ke Rip. Ee Yɛn Bɛ̈nydït raan ee we tɔ dem.”

Yith 12:3

Cït man ye pïïu piɛth raan cïï rou nɔ̈k tɔ mit piɔ̈u, yen aye kɔc ke Nhialic piɔ̈ɔ̈th miɛt të cïï yen ke kony wëi.”

Yith 30:26

Pɛɛi abï ruɛl cï akɔ̈l, ku akɔ̈l abï ruɛlde matic raandhorou, ka bï ciët ruɛl de nïn kadhorou matiic. Kënë abï rɔt looi të le Bɛ̈nydït tëtöök ke kɔcke duut nyïïn, ku tɔ ke dem, tëtöök ɣɔn cï gäm keek.

Yith 49:12

Kɔckï abïk bɛ̈n të mec, në biäk të lɔ rut, ku të lɔ aköl athɛ̈i, ku në Athwan në biäk de wöuwic.”

Yith 55:1

Aye Bɛ̈nydït lueel an, “Bäkkï, wedhie wek kɔc nɛ̈k rou, pïïu kï! Bäkkï, wek kɔc cïn nïïn wëu, ɣackï rap ku cämkï! Bäkkï! Ɣackï mɔ̈u ku ca, acïn kë bïk jɔt tëdun!

Dhek 2:11

Ku ëtɛ̈ɛ̈n, juöör juëc ëbɛ̈n abïk bɛ̈n tëde Bɛ̈nydït, ku tɔkï röt ee kɔckï ku Yɛn bï bɛ̈n rëër në weyiic, ka abäk jɔ ŋic ëgɔk nɔn cï Bɛ̈nydït de rɛm yɛn tuöc week ë yic.

Jɔn 14:19

Ë döŋ ke ye tëthiinakäŋ, ke kɔc ke piny nɔm ke ke cïï a bï bɛ tïŋ: ku wek ee ya tïŋ: pïïr piëër ɛn, yen abä wek pïïr aya.

Jɔn 14:6

Go Yecu lueel an, “Yɛn aye kueer, ku yɛn aye yic, ku yɛn aye pïïr: acïn raan bɔ̈ tëde Wääda, të kën en tëëk tëde yɛn.

Jɔn 3:16

Nhialic ë piny nɔm nhiaar aläl, arëk abï miɔɔc ë Wëndɛn cï dhiëëth etök, ke raan gam en cïï bï määr, raan ëbɛ̈n, ku bï dɛ pïïr athɛɛr.

Jɔn 4:14

ku raan ëbɛ̈n raan ë dek ë pïïu bä gäm en acïï bï bɛ aa yal anande, pïïu bä gäm en abïk aa nyin de pïïu ë yeyäc, awaŋ bï aa cool ë tul ɣet pïïr athɛɛr.”

Jɔn 5:25

Wek yɔ̈ɔ̈k ëyic an, kööl abɔ̈, ku anu ënɔɔnë, kööl bï kɔc cï thou röl ë Wën ë Nhialic piŋ, ku kɔc ë pïŋ abïk pïïr.

Jɔn 6:63

Ee wëi kek ee käŋ tɔ pïïr, guöp acïn kën ee lëu: wël cä lɛ̈k week, kek aye wëi, ku yek pïïr.

Luɔi 2:41

Go kɔc cï wëlke gam ë piɔ̈nmit ago ke baptith, aake cït aguum kadiäk de kɔc.

Luɔi 2:47

ke ke ye Nhialic leec, ku mit kɔc piɔ̈ɔ̈th kedhie në keek. Go Bɛ̈nydït ɣön ë Nhialic ŋuak nyin ë kɔc ë aköölnyïïn kedhie kɔc kony wëi.

Luɔi 21:20

Na wën, aa cïk e piŋ, ke ke jɔ Nhialic lɛc nɔm, ku yöökkï an, “Kɛ̈në tïŋ ënɔɔnë, mɛnhwääda, kut dït ë Judai cï gam, nɔn juëc kek aläl, ku nɔn lëth kek yiic ë baŋ de löŋ kedhie.

Luɔi 4:4

Ku ade kɔc juëc cï gam kɔc wën cï jam piŋ, go kuën ë röör cï gam go ciët aguum kadhïc.

Luɔi 5:14

Ku kɔc gam Bɛ̈nydït acïk röt ŋuak ë kuut dïït ë kɔc, röör ayï diäär.

Luɔi 6:7

Go jam ë Nhialic piny kiët nɔm: go kuën ë kɔc piööcë go e nyin ŋuak aläl ë Jeruthalem, ayï rem dïït ë bäny ke ka ke Nhialic acïk gäm döt.

Romai 8:2

Ku löŋ de Wëi ke pïïr, löŋ nu ë Kërtho Yecuyic, acï a luöny bei në löŋ de kërac kekë thuɔɔu.

1 Kor 15:45

Yen aa gɛ̈ɛ̈rë ë yen aya an, “Adam raan tueŋ acï aa piɔ̈n pïïr.” Ku Adam raan ciëën acï aa wëi, wëi ë kɔc tɔ pïïr.