Edhekiɛl 47:13 - JAM DE NHIALIC 2011

¹³ Acïï Bɛ̈nydït Awärjäŋ lueel an, “Kakë ayek akɛɛth ke piny bïï tɛ̈k dhiëën ke Yithriɛl kathiëër ku rou, ku dhiën ë Jothep abï biäk kaarou nööm. Dhiën de Manatha ku dhiën de Eparaim, wɛ̈ɛ̈t ke Jothep, ŋɛk aa ye gäm biäk tök.

Edhekiɛl 47:13 ပူးပေါင်းရင်းမြစ်များ

Cäk 48:5

Ku ŋoot Jakop ke jam ke Jothep, lueel an, “Wɛ̈ɛ̈tku kaarou, wɛ̈ɛ̈t wään dhiëth piny ë Rip eenë, wään kɛ̈n ɛn kɔn bɛ̈n, yï Eparaim kekë Manatha ayek mïthkï. Arëërkï cït man ë mïthkï, yï Ruben kekë Thimion.

Cäk 49:26

Athiɛɛi de wuur adït në athiɛɛi de kuarkun. Ku kapiɛth ee kɔc diir nu në kur thɛɛr nïïm, ka cï bï thök ananden, abïk tɔ̈u në Jothep nɔm athɛɛr. Abïk tɔ̈u në yenyin tueŋ, yen raan cï kuɛ̈ny bei në mïthëkɔcken yiic.

1 Lëk 5:1

Kakë ayek wɛ̈ɛ̈t ke mïth ke Ruben wën kɛ̈i de Yithriɛl, Ruben yen aaye wën kɛ̈i, ku në biäk cï yen lɔ ɣöt kekë tiiŋ tök në diäär määth në wun, yiny de kɛ̈ide acï bɛ̈n gäm wɛ̈ɛ̈t ke Jothep wën de Yithriɛl, ka rinke akën ë keek gɔ̈ɔ̈r në kuëny ye kek kecök kuany cït man de yiny de dhiëth.

Jeremia 3:18

Baai de Yithriɛl abï mat ke baai de Juda, ku keek kedhie abïk lɔ bɛ̈n ciëën piny lei, piny nu të lɔ rut, ku abïk röt pɔ̈k piny cä gäm kuarkun, ke ye piny de nɔmden.”

Jeremia 31:1

Aye Bɛ̈nydït lueel an, “Në ee köölë, Yɛn bï aa Nhialic de ɣööt ke Yithriɛl kedhie, ku abïk aa kɔckï.”

Edhekiɛl 48:1

Aken de piny ë biäk të lɔ rut, leer të lɔ aköl amiäk në Wɛ̈ɛ̈r Ɣer, lee pänydït de Ɣadharenon, ku lee Ɣamath thok, leer në aken tɔ̈u ë kaam de Ciɛɛŋ de Damathko kekë Ɣamath. Dhiën tök ë dhiëën yiic abï biäk töŋ de piny aa nööm, aye jɔt në aken nu ë biäk të lɔ aköl amiäk në biäk de aköl athɛ̈i de Wɛ̈ɛ̈rdïït ɣer, acï guiir në ee kueerë, gɔl në rut leer wöuwic: Dan Acer Naptali Manatha Eparaim Ruben Juda.

Edhekiɛl 48:29

Acïï Bɛ̈nydït Awärjäŋ lueel an, “Yen kueer bïï ë piny tek ka, abï tɛ̈k dhiëën ke Yithriɛl ke ye pinyden.”

Kuɛ̈n 34:1

Go Bɛ̈nydït Mothe gäm,

Jocua 16:4

Yen piny ë nööm ë dhiën ke wɛ̈ɛ̈t ke Jothep ka ke ye pinyden: Eparaim kekë biäk de dhiën ë Manatha tɔ̈u të lɔ aköl athɛ̈i.

Jocua 17:1

Ku piny biäk acï gäm bɛ̈i ke dhiën ë Manatha wën kɛ̈i de Jothep, ku Makir yen aye wën kɛ̈i de Manatha, ku yen aye wun Giliyad. Ku Makir aaye jön riil ë tɔŋ, ago dhiën gäm piny ë Giliyad kekë Bacan.