Edhekiɛl 47:12 - JAM DE NHIALIC 2011

¹² Tiim juëc yiic abïk luɔk në këcam në nyin biäkë ku nyin biäkë. Yïthken acïkï bï aa biɔɔr, ku abïk nïïm dɛk mïth ke ke cïï kääc. Abïk nïïm dɛk mïth piɛth ë pɛ̈i nyïïn ëbɛ̈n, në biäk ye ë keek piɔɔk ë nyin ee bɛ̈n bei tëɣeric. Tiim abïk kacaam aa bɛ̈ɛ̈i, ku yïthken abïk kɔc tɔ waar në juäi.”

Edhekiɛl 47:12 ပူးပေါင်းရင်းမြစ်များ

Cäk 2:9

Ago Bɛ̈nydït Nhialic tiim piɛth ëbɛ̈n tɔ cil Domic, tiim ee kɔc diir. Ku tɔ ke lok në mïth piɛth. Ku tim de pïïr aa tɔ̈u Domic cil ayadäŋ, ku tim de ŋïny ë käŋ, kapiɛth ku karɛc.

Jop 8:16

Acïtkï tiim ë pith domic të ruël akɔ̈l ku jɔ ka cï piith röt jɔɔc apiɛth ë domic ëbɛ̈n.

Diɛt 1:3

Kek ee kɔckë akïtkï në tiim cï cil në wɛ̈ɛ̈r yɔu, tiim ee luɔk në aköölkɛn ke luɔk, tiim cïï yïth ee biɔɔr. Ayek tiam në këriëëc yek looi yic ëbɛ̈n.

Diɛt 92:12

Kɔc piɛthpiɔ̈ɔ̈th abïk luɔk cï tiim ke akööt, abïk cil cï tiim ke thidar de Lebanɔn.

Yith 1:6

Gɔl në yïnɔm ale guööt në yïcök acïï piɔl. Tëtöök cï kuëër ku ɣään cï piɔ̈ɔ̈ny ëbɛ̈n akënë keek deer nyïïn ku kënë keek tɔc nyïïn ë miök.

Yith 60:21

Kɔcku abïk këpiɛth aa looi, Ku abïk piny cieŋ aɣet athɛɛr, acä ke com, acä ke cak, bïk dïtdï nyuöth raan ëbɛ̈n.

Yith 61:3

Bä kɔc dhiau në Dhiɔn tɔ mitpiɔ̈ɔ̈th, gäm miɛtëpiɔ̈u në nyin ë dhiëëuwic, Diɛt ke alɛɛc në nyin ë jiɛthëpiɔ̈uwic. Abïk ciët tiim ke ɣok de piathëpiɔ̈u, cïï Bɛ̈nydït ke com guöpde. Abïk yic aa looi, ku Nhialic abï dhuëëŋ yök ë baŋ ë kë cï looi.

Jeremia 17:8

Keek acïtkï tiim ee cil ë wɛ̈ɛ̈r yɔu, ku ye meiken ɣet ë pïïuwiic. Acïkï ee riɔ̈ɔ̈c të cï piny tuöc, në biäk ye yïthken tɔ̈u ke ke tɔ̈c, acïkï ee diɛɛr të cïn en deŋ, ayek ŋoot ke ke lok në mïth.

Jeremia 8:22

Cïn wal ë baam nu ë Giliyad? Cïn akïm nu ëtɛ̈ɛ̈n? Ka eeŋö kën ë kɔckï tɔ waar?

Edhekiɛl 47:7

na wën la ɣet ëtɛ̈ɛ̈n, guɔ tiim juëc tïŋ ëtɛ̈ɛ̈n ë kiir nɔm biäkë ku biäkë.

Nyuuth 22:2

Ku tim ë pïïr anu ë kiir nɔm lɔŋë, tim ee luɔk ë mïth ee yiic thiëër ku rou, ee luɔk ë pɛ̈i nyïïn kedhie: ku yïth ke tim aye ke tɔ ye wɛ̈ɛ̈l ee juöör tɔ dem.