Edhekiɛl 46:9 - JAM DE NHIALIC 2011

⁹ “Të bïï kɔc ke piny tëde de Bɛ̈nydït në akööl ke dhuëŋ cï mac, kɔc wën ee lɔ thïn në thoŋ të lɔ rut lek lam abïk aa bɛ̈n bei në thoŋ nu të lɔ wöuwic, ku kɔc ee lɔ thïn në thoŋ nu të lɔ wöuwic, abïk aa bɛ̈n bei në thoŋ nu të lɔ rut. Acïn raan bï aa lɔ biic në thoŋ wën ë bïï yen thïn, raan ëbɛ̈n abï dhil aa lɔ biic ke cök yenɔm.

Edhekiɛl 46:9 ပူးပေါင်းရင်းမြစ်များ

Diɛt 84:7

Ayek lɔ ke ke ril të ciɛth kek, abïk Nhialic dït ë yiëth tïŋ në kuur ë Dhiɔn nɔm.

Bɛ̈n 34:23

“Röör kedhie në weyiic abïk Ɛn aa lam raandiäk në ruöönic ëbɛ̈n, Yɛn Bɛ̈nydït Nhialic de Yithriɛl.

Edhekiɛl 1:12

Tök në läi yiic kedhie ee biäk kaŋuan woi kedhie, ka kuut aduëërkï cath kedhie ke ke lɔ të kɔɔrkï, ke ke cïï röt puk.

Edhekiɛl 1:17

Ago cök röt aa lëu në puk në ɣään kaŋuan.

Edhekiɛl 36:38

Kek pɛ̈ɛ̈nydït tɔ̈u ke ke cï riääk ënɔɔnë, abïk bɛ thiäŋ në kɔc, cït man wään ye Jeruthalem thiäŋ ke amɛ̈l ye keek gam ke ke ye miɔ̈c näk në dhuëŋ yiic. Ëtɛ̈ɛ̈n abïk jɔ ŋic nɔn ee Yɛn Bɛ̈nydït.”

Edhekiɛl 40:24

Na wën go raan ɛn bɛ lɛɛr në thoŋ të lɔ wöuwic, ku ëtɛ̈ɛ̈n goku thoŋ däŋ tïŋ. Go pɛ̈ɛ̈ny ke biäk thïn them ku kueer lɔ ɣöt thïn, go keek yök acït kɔ̈kkë.

Edhekiɛl 44:24

Na de löŋ wɛ̈ɛ̈c kɔc cï tuöl, ke bäny ke kake Nhialic abïk jam teem cït man ë kë cï ë lööŋ lueel. Abïk akööl ke dhuëëŋ cï mac aa riëëu cït man de lööŋkï ku wëëtdï, ku abïk akööl ke Thabath aa muk ke ke ɣer yiic.

Edhekiɛl 8:14

Go yɛn lɛɛr në thoŋ lɔ të lɔ rut de Luaŋdït, ku nyuth a diäär dhiëëu thon de yanh cɔl Tamudh.

Maika 6:6

Eeŋö bä jɔ yiën Bɛ̈nydït, Nhialic de paannhial, të lan yen lam? Bä yiɛ̈n miɔ̈c piɛth de akɛ̈ɛ̈l ee run tök bï nyuöp En ke ye miɔ̈c ye nyop ëbɛ̈n?

Malakai 4:4

Takkï wenïïm në lööŋkï, lööŋ ɣɔn gäm awundiën Mothe në kuur ë Thinai, në biäk bïï kɔc ke Yithriɛl ke riëëu kedhie.

Nyöŋ 16:16

“Röör ke jurdun ëbɛ̈n abïk aa bɛ̈n, bïk Bɛ̈nydït bɛ̈n lam raan diäk në ruöönic, të töŋ de läm: Në Dhuëëŋ de Kuïn Cïnic Luɔu, ku Dhuëëŋ de Winythok, ku Dhuëëŋ de Tëm, ku Dhuëëŋ de Kɛ̈ɛ̈t. Ku raan ëbɛ̈n abï miɔ̈c aa bɛ̈ɛ̈i,

Ɣeberuu 10:38

Kɔckiën cï tɔ ye kɔc piɛthpiɔ̈ɔ̈th në gäm, abïk pïïr në gäm. Ku kɔc lɔ dɔk ciëën Yɛn cïï piɔ̈u bï miɛt wo keek.”