Edhekiɛl 46:2 - JAM DE NHIALIC 2011

² Wën bɛ̈ny mac baai abï lɔ thïn në biäk biic de kal, leer ɣöt ku kɛɛc në nïn de ɣöt thok. Ku bɛ̈ny de kake Nhialic abïk miɔ̈c ye nyop ë bɛ̈n, ku miɔ̈c de mät gam ëtɛ̈ɛ̈n në biäkde, ku lam tëde käm ë kal thok. Ku ëtɛ̈ɛ̈n abï rɔt pɔ̈k ciëën le biic, ku kal acïï bï guur thok agut cï thëën.

Edhekiɛl 46:2 ပူးပေါင်းရင်းမြစ်များ

1 Lëk 17:16

Na wën ke Debid ë lɔ në paany de Bɛ̈nydïtic, ku nyuuc ku lɛ̈ŋ lueel an, “Yɛn cïï rɔ̈ŋ we kë cï luöi yɛn, Bɛ̈nydït Nhialic, ayï baaida aya acïï rɔ̈ŋ ke kë cï looi.

1 Lëk 9:18

Kɔc ke dhiënden kek acï keek bɛ̈n tääu ke ke ye kɔc ee kal de melik tiit thok ë biäk të lɔ aköl amiäk. Ku aake ye kɔc tït tɔ kääc ë kal thok biäk të lɔ wut baŋ de Lebai.

2 Lëk 23:13

Ku ëtɛ̈ɛ̈n ke jɔ melik ë piacë kuany tïŋ në Luaŋdïtic thïn, ke kääc ë mën cï luöi melik ku acï tuɔɔk cil në bäny ke rem de tɔŋ, ku lɔ kɔc koth kɛŋ. Kɔc wou kedhie ke ke mit piɔ̈ɔ̈th ku kothkï kɛŋ, ku lɔ kɔc ee ket në Luaŋdïtic ke ke gut thom ku lɔ̈r ku loikï dhuëëŋ. Go Athalia lupɔɔke rɛtic ku cööt ë röldït an, “Ee nyiin oou! Ee nyiin oou!”

2 Lëk 29:29

Na wën ke Melik Ɣedhekia ku lɔ kɔc kedhie, ke ke tuk kemiɔl ku lɛmkï Nhialic.

2 Lëk 34:31

Go melik lɔ kɔ̈ɔ̈c tëde ku mɛc löŋ kekë Bɛ̈nydït, bïï aa riëëu, ku bïï wëëtde, ku lööŋke döt ë yepiɔ̈u ëbɛ̈n, ku wëike ëbɛ̈n, ku bïï kë cïï kueen awerekic dhil tääu në luɔɔi yic, ku bïï löŋ cï mac ke Bɛ̈nydït cït man cï ë ye gɔ̈ɔ̈r në awerekic döt.

2 Lëk 6:13

(Tholomon aacï të ye kɔc kɔ̈ɔ̈c looi ë maläŋ ku tɛ̈ɛ̈u ë pëëric cil. Aa ye bɛ̈ɛ̈rde mitïïr kaarou ku biäk, ku bɛ̈ɛ̈rde ke lɔ nhial ee mitïr ku biäk. Go lɔ në këde kɔ̈ɔ̈c nɔm nhial, ku tuk yemiɔl ke woi amatnɔm de Yithriɛl ëbɛ̈n, ku jɔt yecin nhial.)

Edhekiɛl 40:19

Aade kal thoŋ në biäk thöny ee lɔ në kal yic thïn. Go raan kaam de kɛ̈l thook kaarou them, go lɔ yök ke ye mitïïr kathiërdhïc.

Edhekiɛl 40:39

Ku gɔ̈ɔ̈lë ade yic pɛɛm kaŋuan, rou ayek nu ë biäk töŋ de ɣöt. Ayek läi bïï gam ke ke ye miɔ̈c nɔ̈k ee pɛɛmkë nïïm, na ee läi bï nyop ëbɛ̈n, ku nɔn ee läi ke miɔ̈c de kërac, ku nɔn ee miɔ̈c de awäc.

Edhekiɛl 44:3

Wën melik mac baai, aduëër tëëk ke lɔ cam në kuïn ɣeric të täu ɛn thïn. Abï aa lɔ thïn ku jiël ke lɔ biic në ɣöt thok biäk thïn.”

Edhekiɛl 45:19

Bɛ̈ny de kake Nhialic abï riɛm thiin de miɔ̈c de kërac nööm, ku tɛ̈ɛ̈u në nïn de Luaŋdït nɔm, në aguuk ke yïk kaŋuan, në nïn de Luaŋdït nɔm, ku në kueer lɔ në kal de Luaŋdït yic biäk thïn.

Edhekiɛl 46:12

Të bïï ë wën bɛ̈ny miɔ̈c de miɛtëpiɔ̈u, na ee miɔ̈c ye nyop ëbɛ̈n, ku nɔn ee miɔ̈c de mät, ke ye miɔ̈c de miɛtëpiɔ̈u gëm Bɛ̈nydït, kal thoŋ të lɔ aköl amiäk abïï liëp en, ku abï miɔ̈cdɛn ye nyop ëbɛ̈n gam, ku nɔn ee miɔ̈cdɛn de miɛtëpiɔ̈u, cït man yen ye looi në kööl ë Thabath, ku kal abï thiɔ̈ɔ̈k thok të cï yen rɔt puɔ̈k biic.”

Edhekiɛl 46:8

Wën bɛ̈ny abï dhil aa lɔ ɣöt në kueer de kal biic ku bïï bei në kueer ë le yen thïn.

Math 26:39

Go rɔt cuɔt tueŋ ëmääth, ku gut enɔm piny, ku lɛ̈ŋ an, “Yïn wäär, na lëu rɔt, tɔ bïnyë waan ɛn! Ku acie këde piɔ̈ndï, ee këde piɔ̈ndu.”

Kolothai 1:28

Yen aye raan ee wok këde guiir, ke yok raan nen ëbɛ̈n ku yok raan wɛ̈ɛ̈t ëbɛ̈n në pɛlënɔm ëbɛ̈n, luɔi bï wok raan ëbɛ̈n tääu ë yenɔm ke ye piɔ̈u dikëdik ë Kërtho Yecuyic.