Edhekiɛl 46:12 - JAM DE NHIALIC 2011

¹² Të bïï ë wën bɛ̈ny miɔ̈c de miɛtëpiɔ̈u, na ee miɔ̈c ye nyop ëbɛ̈n, ku nɔn ee miɔ̈c de mät, ke ye miɔ̈c de miɛtëpiɔ̈u gëm Bɛ̈nydït, kal thoŋ të lɔ aköl amiäk abïï liëp en, ku abï miɔ̈cdɛn ye nyop ëbɛ̈n gam, ku nɔn ee miɔ̈cdɛn de miɛtëpiɔ̈u, cït man yen ye looi në kööl ë Thabath, ku kal abï thiɔ̈ɔ̈k thok të cï yen rɔt puɔ̈k biic.”

Edhekiɛl 46:12 ပူးပေါင်းရင်းမြစ်များ

1 Mel 3:4

Në akööl kɔ̈k go melik lɔ Gibiɔn bïï Nhialic lɔ näk, në baŋ nu ë yïïŋ de naamde ëtɛ̈ɛ̈n. Acï bot ke miɔ̈c ye nyop ëbɛ̈n kɔn gam ëtɛ̈ɛ̈n wään tueŋ.

1 Lëk 29:21

Na wën, në kööl däŋë gokï läi nɔ̈k ke ke ye miɔ̈c ye nyop ëbɛ̈n, miɔ̈c gɛ̈më Bɛ̈nydït, ku gëmkï keek Nhialic, gokï gäm kɔc bïk cam. Ku bekï aguum ke miöör nɔ̈k, ku aguum ke nyök amɛ̈l, ku nɛ̈kkï aguum ke amɛ̈l, ku nyopkï keek kedhie ë yïk nɔm. Ku bïïkï miɔ̈c de mɔ̈u aya.

2 Lëk 29:31

Go Ɣedhekia kɔc yɔ̈ɔ̈k an, “Ënɔɔnë wek cï gup lɔgɔk, yiɛ̈nkï Bɛ̈nydït miɔ̈c de alɛɛc.” Gokï kë lueel melik looi, ago amatnɔm ɣɔ̈k bɛ̈ɛ̈i, bï ke gam ke ye miɔ̈c ye nyop ëbɛ̈n.

2 Lëk 5:6

Go melik Tholomon ku akutnɔm de Yithriɛl cï guëër kedhie kenïïm kut lɔ kɔ̈ɔ̈c në athänduŋ de mät lɔ̈ɔ̈m, ku nɛ̈kkï amɛ̈l ku ɣɔ̈k juëc cïï duëër ë lëu ë kuɛ̈n.

Edhr 1:4

Ku raan cï döŋ ke pïïr ëbɛ̈n ë wuöt rëër kek thïn, ŋɛk abï kɔc jël ë yelɔ̈ɔ̈m aa kuɔny në atek, ku adhɛ̈p, ku ka kɔ̈k, ku läi ee käŋ ɣääc, ku miɔ̈c de dhuëëŋ, bï lɛɛr ɣön ë Nhialic në Jeruthalem.”

Edhr 3:5

Ku ëtɛ̈ɛ̈n, acïk miɔ̈c ye nyop ëbɛ̈n bɛ̈n aa gam aköölnyïïn, ku miɔ̈c de pɛɛi ë piɛc wil, ku lɔ miɔ̈c ke akööl ke dhuëëŋ cïï Bɛ̈nydït ke lueel ëbɛ̈n, ku jɔ ya miɔ̈c de raan ëbɛ̈n raan ee miɔ̈c de miɛtëpiɔ̈u gäm Bɛ̈nydït.

Edhr 6:17

Ku luɔi de dhuëëŋ ë ɣön ë Nhialic, acïï kek bɔt ë miɔɔr bɛ̈n gam, ku bot kaarou ke amɛ̈l, ku bot kaŋuan ke nyök amɛ̈l kor, ku nyök bɔɔth kathiëër ku rou ke ke thööŋ nyïïn në dhiëën ke Yithriɛl kathiëër ku rou ke ke ye miɔ̈c de kërac ke kɔc ke Yithriɛl kedhie.

Edhekiɛl 44:1

Go raan ɛn lɛɛr në kal thok ë biäk biic të lɔ aköl amiäk de tëɣeric. Kal aa thiɔ̈ɔ̈k thok,

Edhekiɛl 44:3

Wën melik mac baai, aduëër tëëk ke lɔ cam në kuïn ɣeric të täu ɛn thïn. Abï aa lɔ thïn ku jiël ke lɔ biic në ɣöt thok biäk thïn.”

Edhekiɛl 45:17

Abï ya luɔi de wën bɛ̈ny bï miɔ̈c de lɛ̈n bï nyop ëbɛ̈n yök, ku miɔ̈c ë rap, ku miɔ̈c de mɔ̈u në biäk de baai de Yithriɛl ëbɛ̈n, në kööl de dhuëëŋ ë Wil de Pɛɛi. Ee yen bï miɔ̈c de awɛ̈ɛ̈c yök, ku miɔ̈c de kööl ë Thabath, ku jɔ aa dhuëŋ kɔ̈k. Ee yen abï miɔ̈c de awɛ̈ɛ̈c bɛ̈ɛ̈i, ku miɔ̈c ë rap, ku miɔ̈c ye nyop ëbɛ̈n, ku miɔ̈c de mät, bïï baai de Yithriɛl jɔ teem guöp.”

Edhekiɛl 46:8

Wën bɛ̈ny abï dhil aa lɔ ɣöt në kueer de kal biic ku bïï bei në kueer ë le yen thïn.

Lebai 1:3

Na ye miɔ̈c ye nyop ëbɛ̈n weŋ, ke gɛm miɔɔr cïn guöp tëdak, ku abïï dhil gam në paany de mät thok tueŋ, ago Bɛ̈nydït yen jɔ gam.

Lebai 23:38

Kek ee miɔ̈ckë amɛ̈tkï në miɔ̈c ee gam ë kööl de löŋ ë Bɛ̈nydït, ku mɛ̈tkï në miɔ̈cdun, ku kakuön ya wek ke kuëëŋ, ku miɔ̈c de miɛtëpiɔ̈u yak gäm Bɛ̈nydït.)

Lebai 7:16

Ku na ye miɔ̈cdɛn ë bïï këde gutguut, ku nɔn ee miɔ̈c de miɛtëpiɔ̈u, ke miɔ̈c abï cuet në kööl ë gɛmë yen. Ku na de kë cï döŋ piny aduëërë cam ë kööl de rou.

Kuɛ̈n 29:39

Kakë ayek lööŋ cï mac në biäk de miɔ̈c bäk aa gäm Bɛ̈nydït, miɔ̈c ye nyop ëbɛ̈n ku miɔ̈c ë rap ku miɔ̈c ye dek ku miɔ̈c de mät bäk aa gam në akööl ke dhuëŋ ke ruöön thok ëbɛ̈n. Kakë abïk mɛt në miɔ̈c yak gam nyïïn: miɔ̈c de kuëŋ ku miɔ̈c de miɛtëpiɔ̈u.

Romai 12:1

Yen aa läŋ ɛn week, mïthëkɔckuɔ, në kok ë Nhialic piɔ̈u an, Gamkï gupkun abïk aa kë cï lam kë pïïr, kë ɣeric, kë mit ë Nhialic piɔ̈u, gämduön piɛth kï.

Epethiei 5:2

Ku rɛ̈ɛ̈rkï në nhiëëric, acït man cï Kërtho wook nhiaar, ago rɔt gaam në biäkda, tɔ rɔt ë kë cï gäm Nhialic, ku näk, ago awäu cï tumëtum bɛ̈ɛ̈i.