Edhekiɛl 46:1 - JAM DE NHIALIC 2011

¹ Acïï Bɛ̈nydït Awärjäŋ lueel an, “Kueer nu në biäk lɔ aköl amiäk abï tɔ̈u ke guöör thok në akööl ke luɔi yiic kadhetem, ku abï aa liep në kööl ë Thabath, ku në kööl ë dhuëëŋ de Wil ë Pɛɛi.

Edhekiɛl 46:1 ပူးပေါင်းရင်းမြစ်များ

Cäk 3:19

Ku yïn bï ya cam në abiɔ̈r ë yïnyin, agut të bïn yïnɔm puɔ̈k abuui yic. Yïn aa cuɛ̈ɛ̈c abuui, ku yïn bï yïnɔm bɛ puɔ̈k abuuidu yic.”

1 Lëk 9:18

Kɔc ke dhiënden kek acï keek bɛ̈n tääu ke ke ye kɔc ee kal de melik tiit thok ë biäk të lɔ aköl amiäk. Ku aake ye kɔc tït tɔ kääc ë kal thok biäk të lɔ wut baŋ de Lebai.

Bɛ̈n 20:9

Yïn de nɔm akööl kadhetem, akööl bïï yïn ke luɔɔidu looi thïn.

Yith 66:23

Në dhuëëŋ de pɛɛi ë piac wil ëbɛ̈n, ku akööl ke Thabath kedhie, kɔc ke juöör ëbɛ̈n abïk a bɛ̈n lam ë Jeruthalem ee tënë, acïï Bɛ̈nydït lueel.

Edhekiɛl 10:3

Ku cerubiim akɛ̈ɛ̈ckï në Luaŋdït biäk të lɔ wöuwic, të wën le yen thïn, go luät kal biäk thïn thiɔ̈ɔ̈ŋ.

Edhekiɛl 40:19

Aade kal thoŋ në biäk thöny ee lɔ në kal yic thïn. Go raan kaam de kɛ̈l thook kaarou them, go lɔ yök ke ye mitïïr kathiërdhïc.

Edhekiɛl 43:1

Go raan ya lɛɛr në kal thoŋ lɔ aköl amiäk,

Edhekiɛl 46:12

Të bïï ë wën bɛ̈ny miɔ̈c de miɛtëpiɔ̈u, na ee miɔ̈c ye nyop ëbɛ̈n, ku nɔn ee miɔ̈c de mät, ke ye miɔ̈c de miɛtëpiɔ̈u gëm Bɛ̈nydït, kal thoŋ të lɔ aköl amiäk abïï liëp en, ku abï miɔ̈cdɛn ye nyop ëbɛ̈n gam, ku nɔn ee miɔ̈cdɛn de miɛtëpiɔ̈u, cït man yen ye looi në kööl ë Thabath, ku kal abï thiɔ̈ɔ̈k thok të cï yen rɔt puɔ̈k biic.”

Edhekiɛl 46:3

Në akööl ke Thabath yiic ku akööl Wil ë Pɛɛi kɔc kedhie abïk kemiɔl aa tuk ke ke läm Bɛ̈nydït në kal thok tueŋ.

Edhekiɛl 46:6

Në kööl de dhuëëŋ de Wil ë Pɛɛi, abï miɔɔr atiëëk gam ke ye miɔ̈c, ku nyök ke amɛ̈l kor kadhetem, ku nyɔɔŋ amäl tök, abïk gup ciɛ̈n tëdak kedhie.

Edhekiɛl 8:16

Go yɛn lɛɛr ë kal de Luaŋdït yic thïn. Të thiääk ke tëɣeric, në kaam de yïk kekë kueer, të de yic röör kathiërrou ku dhïc. Acïk kekɔ̈ɔ̈th wel tëɣeric, ku acïk kenïïm guöt piny të lɔ aköl amiäk, ke ke lam akɔ̈l bɔ̈ thok.

Luk 13:14

Go bɛ̈ny de ɣön ë Nhialic gɔ̈th, luɔi cï Yecu raan tɔ dem ëkööl ë Thabath, ku jɔ bɛ̈ɛ̈r, yöök, an, “Akööl kadhetem anukï kööl duëërë kɔc ke luui thïn: yak bɛ̈n ë aköölkë yiic bï we bɛ̈n tɔ dem, ku duökï ë bɛ̈n ëkööl ë Thabath!”