Edhekiɛl 45:9 - JAM DE NHIALIC 2011

⁹ Acïï Bɛ̈nydït Awärjäŋ lueel an, “Wek cï awɛ̈ɛ̈c looi në kaam bääric, wek bäny ke Yithriɛl! Pälkï akuöörkuöör ku yaaŋ de kɔc! Luɔikï yic, ku piathëpiɔ̈u. Wek cïï kɔckï bï bɛ nyɔk ë cuɔp wek keek wei pinyden. Yɛn Bɛ̈nydït Awärjäŋ, ee Yɛn lɛ̈k week ee kënë.

Edhekiɛl 45:9 ပူးပေါင်းရင်းမြစ်များ

Jop 20:19

në luɔi cïï yen kɔc kuanynyïïn päl wei, ku yɔŋ keek ku rum ɣööt cïï kɔc kɔ̈k yïk.

Jop 22:9

yïn cï diäär abɛɛr tɔ jël në kecin, ku yuöpë mïth abɛɛr kök piny.

Yith 1:17

ku wɛ̈ɛ̈tkï bäk yic aa looi. Abäk dhil tïŋ ke yic ye looi, ku kuɔnykï kɔc cï yɔŋ, ku yak mïth abɛɛr gäm yicden ku kuɔnykï diëër abɛɛr.”

Jeremia 22:3

“Acä lueel Yɛn Bɛ̈nydït, luöi bä wek piathëpiɔ̈u ku yic aa looi. Yak raan mɛthë gël në raan cam en. Duökï raan lei, ku mɛnh abaar, ku tiiŋ abaar, ee kuöc luööi ku duökï yɔŋ, ku duökï kɔc cïn kë cïk wööc ee nɔ̈k ee të ɣericë.

Jeremia 6:7

Cït man ye yith pïïu piɛth ke muk, yen aye Jeruthalem kërɛɛcde muk apiɛth. Yɛn akuöörkuöör ku riääk piŋ ë pänydït yic, jɔk ku tëtöök ee kek ya tïŋ ëbɛ̈n.

Edhekiɛl 44:6

“Lɛ̈kë baai de Yithriɛl ee yɛn rɛɛcë, an Yɛn Bɛ̈nydït Awärjäŋ, yɛn cïï luɔi de karɛckɛn yek looi bï bɛ guum.

Edhekiɛl 7:11

Akuöörkuöör luɔi de karɛc bɛ̈ɛ̈i. Acïn këdɛn bï döŋ, acïn kajuëckɛn bï nu, ayï kakɛn ke dhuëëŋ, ku diɛk abïk liu.

Edhekiɛl 7:23

“Këriëëc ëbɛ̈n acï anuɔɔn, piny acï thiäŋ ke kɔc ee kɔc nɔ̈k, ku pɛ̈ɛ̈nydït acïk yiic thiäŋ në akuöörkuöör.

Edhekiɛl 8:17

Go ë Bɛ̈nydït lɛ̈k ɛn an, “Mɛnh ë raan, cï ee kënë tïŋ? Kek kɔc ke Jeruthalem kë, akënkï piɔ̈ɔ̈th kuɛth në luɔi de karɛckɛn kë kedhie, ka cï keek tïŋ ee tënë, ku në luɔi de akuöörkuöör cïk thiäi në piny nɔm ëbɛ̈n. Ei, abïk dhil bɛ̈n, ku bïk bɛ̈n looi ee tënë Luaŋdït, ku tɔkï yɛn göth aläl. Tïŋ lɛ̈ɛ̈tdɛn ye kek a läät në kuɛɛr ke dhääl, ku yek kewuum kum ë këër!

Amoth 5:15

Nhiaarkï këpiɛth, ku mankï kërac. Ku yak gööny ŋiëc guiir tëde gööny. Tɛk däŋ bï Bɛ̈nydït Nhialic Awärjäŋ piɔ̈u kok kekë kɔc lik cï döŋ baai de Jothep.

Amoth 5:24

Takï ŋiëc guiëër de löŋ tɔ wat cït man ë pïïu, ku takï piathëpiɔ̈u thiɔɔr cït man ë kiir.

Maika 2:9

Wek ë diëër ke kɔckï cuɔp wei në ɣöötkɛn läk yiic. Ku kualkï athiɛɛidï tëde mïthken aɣet athɛɛr.

Maika 6:10

Yɛn kën nɔm määr në adhɛ̈pkuön yak kueet në cuëër, wek baai ee karɛc looi. Wek ee them në kake ke thëm dak thook.

Dhek 7:9

“Kë cï Bɛ̈nydït de rɛm lueel kï an: ‘Yak ŋɛk gäm yicde, ku ŋɛk ë ye piɔ̈u kok kekë mänhë.

Dhek 8:16

Ku ka bäk looi kï: yak röt jääm në yith. Yak ŋɛk gäm yicde në göny yiic, yic wën ee rëër lɔ dïu bɛ̈ɛ̈i.

Luk 3:14

Go alathkëër thiëëc an, “Na wook, eeŋö buk looi?” Go ke yɔ̈ɔ̈k an, “Ë cïn raan ruöm wek këde, ku ë cïn raan cäkï thok, ku yak piɔ̈ɔ̈th miɛt në ariöpdun.”

1 Pet 4:3

Akööl wään cï wan acïk dhil looi, akööl wään ee wok kamit ë Juöör piɔ̈ɔ̈th looi, kööl ë ye wok cool ë loi luɔi de dhööm, ku ŋɔ̈ɔ̈ŋ de kërac, ku dëŋ de mɔ̈u, ku thuëëc rac, ku wïn ee kɔc wit ë mɔ̈u, ku läm de yiëth col ëcut.