Edhekiɛl 45:8 - JAM DE NHIALIC 2011

⁸ Yen ee tënë abï aa biäkde në Yithriɛl. Ku bɛ̈ny acïkï kɔckï bï bɛ aa yɔŋ, ku abïk baai de Yithriɛl gäm piny cït man de täu dhiëënken.

Edhekiɛl 45:8 ပူးပေါင်းရင်းမြစ်များ

Kɛ̈ŋ 28:16

Yaaŋ ee këde bɛ̈ny cïï käŋ ee yökiic, ku bɛ̈ny ee kum thok rɛɛc ee ceŋ ë bäänyic.

Jeremia 22:17

Ku yïn ee këde piɔ̈ndu yen ye kɔɔr, yïn ee kɔc cïn gup awɛ̈ɛ̈c nɔ̈k, ku ye kɔcku kuur ë yaaŋ. Acïï Bɛ̈nydït lueel.

Jeremia 23:5

Aye Bɛ̈nydït lueel an, “Akööl abïkï, akööl bän mɛnh piɛthpiɔ̈u ë dhiën ë Debid kuany ke ee melik. Melik abï käŋ ë pɛlënɔm, ku looi yic ku piathëpiɔ̈u ë piny yic ëbɛ̈n.

Edhekiɛl 19:3

Acï mɛnhde muk ku wëët në yäp, agut të bïï yen aa cam ë kɔc.

Edhekiɛl 19:7

Ee ɣään cï gël dhuööŋ ku riëëk wuöt. Kɔc cieŋ piny acïk riɔ̈ɔ̈c të cïï yen kïïu.

Edhekiɛl 22:27

Bäny ke luɔi de miric acïtkï aŋuööth tëër lɛ̈n cïk nɔ̈k. Ayek kɔc nɔ̈k në biäk bï kek kuɛth.

Edhekiɛl 22:6

Bäny ke Yithriɛl kedhie ayek riɛlden ŋɔ̈ɔ̈th, ku ayek kɔc nɔ̈k.

Edhekiɛl 46:18

Wën bɛ̈ny mac baai acïï kake kɔc bï aa nööm. Piny bï gäm wɛ̈ɛ̈tke abï dhil aa piny ë cï gäm yen, ke cïï kɔckï bï yɔŋ, në nɔ̈m yen piinyken nööm.”

Dhep 3:13

Kɔc lik ke Yithriɛl cï döŋ apïr acïkï kɔc bï bɛ aa kɔ̈ɔ̈r akɔ̈ɔ̈k, ku cïkï bï bɛ aa jam në lueth, ku acïn ruëëny bï bɛ tɔ̈u në keyiic. Abïk aa kuɛth ku rëërkï ë mätic. Ku acïn raan bï kek bɛ riɔ̈ɔ̈c.

Jakop 2:6

Ku week, we ye raan kuany nyin tɔ cïn naamde. Ku na kɔc cuai, cïkï week ee cieŋ ë ciɛɛŋ rac, ku cïkï week ee thɛl ë bäny ke gööny nïïm?

Jocua 11:23

Go Jocua piny peec ëbɛ̈n cït man wään cïï Bɛ̈nydït e lɛ̈k Mothe, ku tëk Jocua piny dhiëën ke Yithriɛl ke ye piinyken, piny ke dhiën tök. Ago kɔc jɔ lɔ̈ŋ në tɔɔŋ.

Jocua 19:49

Na ɣɔn aa cï kɔc ke Yithriɛl jɔ thök në tɛɛk de piny, ke ke gëm Jocua wën ë Nun piny biäk ke ye piny de nɔmde.