Edhekiɛl 45:3 - JAM DE NHIALIC 2011

³ Biäk de të lääu, biäk bäär tök abï aa kilɔɔ mitïïr kathiëër ku rou ku biäk, ku dït de yen yic ee kilɔɔ mitïïr kadhïc, të bï ɣöt tɔ̈u thïn, tëɣeric aläl, abï thɛm wei.

Edhekiɛl 45:3 ပူးပေါင်းရင်းမြစ်များ

1 Mel 6:16

Go ɣön thïn cɔl tëɣeric aläl yïk në luak thar ciëën. Bɛ̈ɛ̈rde ee mitïïr kadhoŋuan ku aa cï kumic në tim de thidar gɔl në yiɛɛude leer ë ɣöt dol.

Edhekiɛl 45:2

Yen ëtɛ̈ɛ̈n abï yic dɛ piny dek aguuk kaŋuan ke ye tëde tëɣeric, ku abï dɛ të bäär kɔ̈u ye thëmde mitïïr 250, yen ëtɛ̈ɛ̈n ëbɛ̈n acï gɛɛu cil në të lääu dït, dït de të lääuwic ee mitïïr kathiërrou ku dhïc.

Edhekiɛl 45:4

Abï aa biäk ɣeric de baai, të cï tɔ̈ɔ̈u pei në biäk de bäny de kake Nhialic ee Bɛ̈nydït luööi tëɣeric. Abï yic dɛk ɣöötken, ku biäk ɣeric de tëɣeric.

Edhekiɛl 48:10

Bäny ke kake Nhialic abï ke gäm biäk de të cï gäm Nhialic. Gɔl aköl amiäk leer aköl athɛ̈i biäkden abï aa meel kathiëër, ku gɔl rut leer wöuwic abï aa meel kaŋuan. Ku tëɣeric abï tɔ̈u ë pëër yic cil.

Edhekiɛl 48:8

Biäk däŋ de piny abï tɔ̈ɔ̈u pei ke ye këde luɔɔi däŋ. Abï bɛ̈ɛ̈r de yen kɔ̈u gɔl ë rut leer wöuwic aa meel kathiëër, ku abï bɛ̈ɛ̈r aya gɔl aköl amiäk leer aköl athɛ̈i, cït man de biäk cï gäm dhiën. Tëɣeric abï tääu ee biäkë yic.