Edhekiɛl 45:19 - JAM DE NHIALIC 2011

¹⁹ Bɛ̈ny de kake Nhialic abï riɛm thiin de miɔ̈c de kërac nööm, ku tɛ̈ɛ̈u në nïn de Luaŋdït nɔm, në aguuk ke yïk kaŋuan, në nïn de Luaŋdït nɔm, ku në kueer lɔ në kal de Luaŋdït yic biäk thïn.

Edhekiɛl 45:19 ပူးပေါင်းရင်းမြစ်များ

Edhekiɛl 43:14

Biäk piny de yïk, gɔl në awuöl nɔm piny, aaye mitïr tök ke lɔ nhial. Ku biäk däŋë acï kan kɔ̈u, në yekëc të ye thëmde thɛntimitïïr kathiërdhïc në yekɔ̈u ëbɛ̈n, ku bɛ̈ɛ̈rde ke lɔ nhial aaye mitïïr kaarou. Ku biäk däŋ lɔ ee kënë cök acï kan në yekëc aya, të ye thëmde thɛntimitïïr kathiërdhïc në yekɔ̈u ëbɛ̈n.

Edhekiɛl 43:17

Biäk nu cil aade aguuk kaŋuan aya, aguk biäk tök ee mitïïr kadhorou, ku adhïl thok në yekëc në biäk biic, bɛ̈ɛ̈rde ke lɔ nhial ee thɛntimitïïr kathiërrou ku dhïc. (Ku dït de awuöl ee thɛntimitïïr kathiërdhïc.) Ku kuc ye kɔc lɔ në yïk nɔm aake tɔ̈u në baŋ të lɔ aköl amiäk.

Edhekiɛl 43:19

Bäny ke kake Nhialic ke dhiën ke Lebai de baai de Dhadok ee keek kapäc kek abï aa bɛ̈n të täu ɛn thïn, bïk a bɛ̈n luööi. Ee Yɛn Bɛ̈nydït Awärjäŋ Yɛn aa luel ee kënë. Abä ke gäm miɔɔr atiëëk bïk nɔ̈k ke ye miɔ̈c de kërac.

Edhekiɛl 43:20

Yïn bï biäk thiin ë riɛm nööm ku tääuwë në yïk tuŋ, ku tääuwë në aguuk kaŋuan ke yïk nɔm, ku në aguuk kaŋuan tɔ̈u ë yïk nɔm cil, ku ë yïk kɔ̈u ëbɛ̈n. Në ee kueerë yïn cï yïk jɔ tɔ piɛth ku jɔ teem guöp.

Edhekiɛl 46:1

Acïï Bɛ̈nydït Awärjäŋ lueel an, “Kueer nu në biäk lɔ aköl amiäk abï tɔ̈u ke guöör thok në akööl ke luɔi yiic kadhetem, ku abï aa liep në kööl ë Thabath, ku në kööl ë dhuëëŋ de Wil ë Pɛɛi.

Edhekiɛl 46:2

Wën bɛ̈ny mac baai abï lɔ thïn në biäk biic de kal, leer ɣöt ku kɛɛc në nïn de ɣöt thok. Ku bɛ̈ny de kake Nhialic abïk miɔ̈c ye nyop ë bɛ̈n, ku miɔ̈c de mät gam ëtɛ̈ɛ̈n në biäkde, ku lam tëde käm ë kal thok. Ku ëtɛ̈ɛ̈n abï rɔt pɔ̈k ciëën le biic, ku kal acïï bï guur thok agut cï thëën.

Lebai 16:16

Në ee kueerë, abï atɛɛm jɔ luöi tëɣeric, ku në biäk de acuɔl de kɔc ke Yithriɛl, ku karɛcken, kënë abï dhil luöi paany de mät, në biäk ye yen kɔ̈ɔ̈c në kɔciic, kɔc de gup acuɔl.