Edhekiɛl 45:17 - JAM DE NHIALIC 2011

¹⁷ Abï ya luɔi de wën bɛ̈ny bï miɔ̈c de lɛ̈n bï nyop ëbɛ̈n yök, ku miɔ̈c ë rap, ku miɔ̈c de mɔ̈u në biäk de baai de Yithriɛl ëbɛ̈n, në kööl de dhuëëŋ ë Wil de Pɛɛi. Ee yen bï miɔ̈c de awɛ̈ɛ̈c yök, ku miɔ̈c de kööl ë Thabath, ku jɔ aa dhuëŋ kɔ̈k. Ee yen abï miɔ̈c de awɛ̈ɛ̈c bɛ̈ɛ̈i, ku miɔ̈c ë rap, ku miɔ̈c ye nyop ëbɛ̈n, ku miɔ̈c de mät, bïï baai de Yithriɛl jɔ teem guöp.”

Edhekiɛl 45:17 ပူးပေါင်းရင်းမြစ်များ

2 Tham 6:19

Na wën ke Debid ë gëm kɔc kedhie kuïïn, diäär ku röör. Go raan töŋ de Yithriɛl aa gäm kuïn cï pam, ku rïŋ cï nyop, ku thöu, ku kaak. Na wën ke ŋɛk ë jɔ lɔ baaide.

2 Lëk 30:24

Go melik Ɣedhekia amatnɔm gäm agum de miöör, ku aguum kadhorou de amɛ̈l, në luɔi bï kɔc keek nɔ̈k ku cuetkï keek, ku gëm ë wɛ̈ɛ̈t bäny keek aguum kathiëër 10,000 ke amɛ̈l kɔ̈k. Na wën ke bäny juëc ke kake Nhialic ke ke jɔ kegup tɔ piɛth.

2 Lëk 31:3

Ku aaye miɔ̈c ye nyop ëbɛ̈n gam miäk rial ku thëën ë lunyde yic, ku gɛm miɔ̈c de Thabath, ku miɔ̈c de Dhuëëŋ ë wil ë Pɛɛi, ka cï löŋ de Bɛ̈nydït ke lueel.

2 Lëk 5:6

Go melik Tholomon ku akutnɔm de Yithriɛl cï guëër kedhie kenïïm kut lɔ kɔ̈ɔ̈c në athänduŋ de mät lɔ̈ɔ̈m, ku nɛ̈kkï amɛ̈l ku ɣɔ̈k juëc cïï duëër ë lëu ë kuɛ̈n.

Edhr 1:5

Na wën ke röördït ke dhiën nïïm ke Juda kekë Benjamin, ku bäny ke kake Nhialic, ku Lebai acïk röt coc, raan ëbɛ̈n raan cï Bɛ̈nydït gut piɔ̈u, bïï jäl ku le ɣön de Bɛ̈nydït yïk në Jeruthalem.

Diɛt 22:29

Kɔc ril ke pinynɔm abïk cam ku abïk kenïïm guöt piny ë yenɔm, mɛnh ë raan abï yenɔm guöt piny ë yenɔm.

Diɛt 68:18

Yïn cï lɔ nhial në kuur bäär nɔm ya, ku jɔt kɔc juëc cï peec ku gam miɔ̈c tëde keek, ayï kɔc reec Yïn. Bɛ̈nydït Nhialic abï rɛ̈ɛ̈r ëtɛ̈ɛ̈n.

Yith 66:23

Në dhuëëŋ de pɛɛi ë piac wil ëbɛ̈n, ku akööl ke Thabath kedhie, kɔc ke juöör ëbɛ̈n abïk a bɛ̈n lam ë Jeruthalem ee tënë, acïï Bɛ̈nydït lueel.

Edhekiɛl 43:27

Na ɣɔn cï nïn kadhorou tëëk, bäny ke kake Nhialic, abïk gɛm de miɔ̈c gɔl në yïk nɔm, miɔ̈c ye nyop ëbɛ̈n, ku miɔ̈c de mät. Ëtɛ̈ɛ̈n, yɛn bï piɔ̈u miɛt wo week wedhie. Acä lueel, Yɛn Bɛ̈nydït Awärjäŋ.”

Edhekiɛl 46:1

Acïï Bɛ̈nydït Awärjäŋ lueel an, “Kueer nu në biäk lɔ aköl amiäk abï tɔ̈u ke guöör thok në akööl ke luɔi yiic kadhetem, ku abï aa liep në kööl ë Thabath, ku në kööl ë dhuëëŋ de Wil ë Pɛɛi.

Lebai 4:27

Të cïï raantök në amatnɔm wäc, ku looi kë cïï löŋ töŋ de Bɛ̈nydït rɛɛc në lööŋke yiic, ka cï wööc.

Kuɛ̈n 29:29

Në kööl ë dhetem gamkï miöör kabɛ̈t ke ke ye miɔ̈c, ku nyök ke ke amɛ̈ldït kaarou, ku nyök ke amɛ̈lkor ee ruöön tök kathiëër ku ŋuan, ke ke cïn gup tëdak kedhie,

Jɔn 1:16

Ku në kuɛth cï en kuɛth yen acï wok käŋ yök wodhie, ayï dhuëëŋdepiɔ̈u dhuëëŋ cï rɔt ŋuak.

Epethiei 5:2

Ku rɛ̈ɛ̈rkï në nhiëëric, acït man cï Kërtho wook nhiaar, ago rɔt gaam në biäkda, tɔ rɔt ë kë cï gäm Nhialic, ku näk, ago awäu cï tumëtum bɛ̈ɛ̈i.

Kolothai 3:17

Ku na de kë luɔikï, nɔn ee yen jam ku nɔn ee yen luɔi, yak ke looi ëbɛ̈n në rin ke Bɛ̈nydït Yecu, ke we ye Nhialic Wääda yɔ̈ɔ̈k an, thieithieei, në këde.

Ɣeberuu 13:10

Ku wook, wo de nïïm yïïŋ de läm gɛ̈ɛ̈iyë ku bäny ke kake Nhialic ee luui ë paany de Judai yic acïnkï nïïm kë cït ee kënë.

Ɣeberuu 13:15

Ka wook, wok kɔc nu ë kueer ë Bɛ̈nydan Yecu Kërtho yic, Bɛ̈nydan nu nhial, yok Nhialic lɛc nɔm në lɛc cïï kɔ̈u ee tɛɛm yen aye miɔ̈cda në rin ke Yecu Kërtho.

1 Pet 2:24

Yenguöp ë karɛckuɔ ɣääc ë yeguöp ë tim kɔ̈u, luɔi bï wok thou tëde kërac, ku jɔku pïïr tëde piathëpiɔ̈u, dui ë duiyë ye, en aa tɔ we dem.

1 Pet 3:18

Luɔi cï Kërtho käŋ guum aya raantök në këde kërac, raan piɛthpiɔ̈u en aa gum käŋ në biäk de kɔc racpiɔ̈ɔ̈th, luɔi bï en wo lɛɛr të nu Nhialic, ë tɔ thou ë guöpic, ku tɔ pïïr ë wëi yiic,