Edhekiɛl 45:1 - JAM DE NHIALIC 2011

¹ Të cï ë piny tek bï dhiën aa gäm pinyde, biäk tök abïï aa gäm Bɛ̈nydït. Bɛ̈ɛ̈r de yen kɔ̈u abï aa kilɔɔ mitïïr kathiëër ku rou ku biäk, ku ye dït de yen yic kilɔɔ mitïïr kathiëër. Yen ëtɛ̈ɛ̈n ëbɛ̈n abï yic ɣɛɛr.

Edhekiɛl 45:1 ပူးပေါင်းရင်းမြစ်များ

Kɛ̈ŋ 3:9

Dhuëŋ Bɛ̈nydït në miɔ̈c miɔɔc yïn En në këriëëc piɛth cï kɔn luɔk domdu ëbɛ̈n.

Edhekiɛl 42:16

Go thieny de thëm nööm ku them biäk të lɔ aköl amiäk, go yök ke ye mitïïr bot kaarou ku thiërdhïc.

Edhekiɛl 48:29

Acïï Bɛ̈nydït Awärjäŋ lueel an, “Yen kueer bïï ë piny tek ka, abï tɛ̈k dhiëën ke Yithriɛl ke ye pinyden.”

Lebai 25:23

Piny acïï bï dhil ɣaac liŋliŋ, në biäk ye piny këdï, ku week ee kɔc lei tei, ku yak kɔckiën ee tïït.

Kuɛ̈n 34:13

Go Mothe lɛ̈k kɔc ke Yithriɛl an, “Yen piny bäk nööm kï në deeny de gɛk, yen piny cïï Bɛ̈nydït gäm dhiëën kadhoŋuan ku dhiën biäk.

Jocua 13:6

Ku mɛt piny ë kɔc ke Thidon thïn ëbɛ̈n ayï kurkɛn rëër kek thïn, në kaam de piny ë kuur ë Lebanɔn kekë Mithapoth Maim. Kɔckë kedhie abä keek cuɔp wei, të le Yithriɛl ke bɔ̈ thïn. Ku piny abä tɛ̈k kɔc ke Yithriɛl cït man cän e lɛ̈k yïn.

Jocua 13:7

Ku ënɔɔnë, tɛ̈k ë piny dhiëën cï döŋë kadhoŋuan, ku biäk de Manatha, tɔkï ee pinyden.”

Jocua 14:1

Eleyadhar bɛ̈ny de kake Nhialic, kekë Jocua wën ë Nun, ku bäny nu në dhiëën ke Yithriɛl nïïm, cï piny ë Kanaan tɔ̈u të lɔ aköl athɛ̈i tɛ̈k kɔc ke Yithriɛl tɔkï ee pinyden.

Jocua 14:2

Ku piny de dhiëënkë kadhoŋuan, ku biäk de dhiën ë Manatha, aa tek në gɛk cït man wään cïï Bɛ̈nydït ë thɔ̈n Mothe.

Jocua 14:3

Në luɔi ë cïï Mothe dhiëën kɔ̈kë kaarou, ku biäk töŋ de Manatha gäm piny në Jordan kɔ̈u të lɔ aköl amiäk, ku acïn piny ë cï gäm Lebai. Ku dhiëën ke Jothep aake ye rou, dhiën ë Manatha kekë dhiën ë Eparaim. Ku Lebai acïn piny ë cï gäm keek, ee pɛ̈ɛ̈nydït cieŋkï kapäc kek ë gëmë keek ku gëmë ke të de nyuäth ë ɣɔ̈kken.