Edhekiɛl 44:9 - JAM DE NHIALIC 2011

⁹ “Yɛn Bɛ̈nydït Awärjäŋ, yɛn aa lueel en, an acïn alen kënë cueel, ku cin raan cïï yɛn ee riëëu bï lɔ tëdiën ɣeric, na cakaa alen rɛ̈ɛ̈r në kɔc ke Yithriɛl yiic.”

Edhekiɛl 44:9 ပူးပေါင်းရင်းမြစ်များ

Diɛt 24:3

Eeŋa duëër lɔ nhial në kuur de Bɛ̈nydït nɔm? Eeŋa duëër kɔ̈ɔ̈c tëdɛn ɣeric?

Diɛt 50:16

Ku tëde raan ee karɛc looi aye Nhialic lɛ̈k en an, “Eeŋa gëm yï yic duëër yïn lööŋkï aa lueel? Ku nɔn jam në baŋ de mändï në yï liep?

Diɛt 93:5

Bɛ̈nydït, lööŋku acïï keek ee waar, Ɣöndu yen ee ɣön ɣeric aɣet athɛɛr ya.

Bɛ̈n 12:48

Ku raan kënë cueel ë cïï këcamë ee cam. Na de raan lei cï bɛ̈n piɔ̈ɔ̈t wundun, ku kɔɔr nɔn bï yen dhuëëŋ në dhuëëŋ ë Winythok, door en Bɛ̈nydït, ke we kɔn röör ke baaide cueel kedhie. Ku ëtɛ̈ɛ̈n, abï jɔ aa raan de Yithriɛl, ku aduëër jɔ mɛt ë dhuëëŋic.

Edhekiɛl 44:7

Acïk tëdiën ɣeric riɔ̈ɔ̈k në luɔi cï kek kɔc alɛi kënë cueel cïï Yɛn ee riëëu tɔ lɔ Luaŋdït, të wën ye miɔ̈c de kɔl ku riɛm de ka cï nɔ̈k gäm Yɛn. Ka kɔckï acïk mändï dhoŋ kɔ̈u në karɛc juëc cïk keek looi.

Jowɛl 3:17

“Yen abä wek en jɔ ŋic ëgɔk ëtɛ̈ɛ̈n, Yɛn Bɛ̈nydït Nhialicdun. Nɔn rɛ̈ɛ̈r Ɛn në Dhiɔn kuurdiën ɣeric nɔm. Jeruthalem abï aa pänydït ɣeric, ku acïï rem de tɔŋ de alɛi bï bɛ nyɔk ë pɛ̈c taitai.

Lebai 26:41

Yen kën ë tɔ ya loi ater wo keek, aguɔ keek tuɔɔc piny de kɔc de kek ater. Ku të le piɔ̈ɔ̈thkɛn kën ë cueel röt kuɔɔr piny ku cuɛtkï ariöp de karɛcken piny.

Dhek 14:21

Töny ke thät ëbɛ̈n, töny nu ë Jeruthalem ku töny ë Juda abïï keek tɔ̈ɔ̈u pei, bï ke aa luui në läm de Bɛ̈nydït de rɛm, abïï kɔc ee miɔ̈c cï nɔ̈k gam aa luui në keek, thɛɛl kek rïŋ de miɔ̈c cï nɔ̈k. Të le ee köölë bɛ̈n abï ciën raan ee käŋ ɣaac bï bɛ nu Luaŋdït de Bɛ̈nydït de rɛm yic.

Mak 16:16

Raan gäm ku baptith abï kony wëi, ku raan reec gäm abï yiëk yeth gääk.

Nyöŋ 23:4

Acïk jaai bïk week gäm këcam kekë pïïu wään bä wek bei në Rip, ku acïk Balaam wën de Beyor, raan wun de Pethor ë Methopotamia riɔp bï week läm aciɛɛn.

Nyuuth 21:27

Ku acïn kënhiɛɛny bï lɔ thïn ëliŋliŋ, ayï raan ee kënhiany looi, ayï raan ee lueth töör: ee kɔc cï gɔ̈ɔ̈r rin në awerek de Nyɔŋamäälic awerek de pïïr keek kapäc kek abï lɔ thïn.