Edhekiɛl 44:7 - JAM DE NHIALIC 2011

⁷ Acïk tëdiën ɣeric riɔ̈ɔ̈k në luɔi cï kek kɔc alɛi kënë cueel cïï Yɛn ee riëëu tɔ lɔ Luaŋdït, të wën ye miɔ̈c de kɔl ku riɛm de ka cï nɔ̈k gäm Yɛn. Ka kɔckï acïk mändï dhoŋ kɔ̈u në karɛc juëc cïk keek looi.

Edhekiɛl 44:7 ပူးပေါင်းရင်းမြစ်များ

Cäk 17:14

Ku mony kënë cueel acï bï ya raan de kɔckï yiic, në luɔi kën en mändï döt.”

Bɛ̈n 12:43

Go Bɛ̈nydït lɛ̈k Mothe kekë Aron an, “Lööŋ ke Winythok kï: Raan lei ë cie cam në këcam de Winythok.

Bɛ̈n 12:48

Ku raan kënë cueel ë cïï këcamë ee cam. Na de raan lei cï bɛ̈n piɔ̈ɔ̈t wundun, ku kɔɔr nɔn bï yen dhuëëŋ në dhuëëŋ ë Winythok, door en Bɛ̈nydït, ke we kɔn röör ke baaide cueel kedhie. Ku ëtɛ̈ɛ̈n, abï jɔ aa raan de Yithriɛl, ku aduëër jɔ mɛt ë dhuëëŋic.

Yith 24:5

Kɔc acïk piny jɔ dhiöök, në luɔi cïï kek lööŋ ke Bɛ̈nydït dhuööŋ kɔ̈ɔ̈th, ku në luɔi cï kek löŋ ɣɔn cï mac, löŋ bï tɔ̈u aɣet athɛɛr yal yic.

Jeremia 11:10

Acïk lɔ ciëën ë karɛc ke kuarken yiic, kɔc wään reec luɔi de kë cä lueel, acïk yiëth kɔ̈k lam. Baai de Yithriɛl ku baai de Juda acïk löŋ cä mac wo kuarken dhoŋ kɔ̈u kedhie.

Jeremia 31:32

Acïï bï ciët löŋ thɛɛr ɣɔn bä mac wo kuarken, wään dam Yɛn keek cin ku bɛ̈ɛ̈i ke bei ë Rip. Cakaa wään ciët Yɛn moc tëde keek, akënkï ee löŋë bɛ̈n döt.

Jeremia 4:4

Mɔ̈kkï mändun në Yɛn Bɛ̈nydïtdun, ku gämkï röt Ɛn, wek kɔc ke Juda ku Jeruthalem. Na cäk ye lɔ looi ke agönhdï abï dëp cït mac në biäk de awɛ̈ɛ̈c cäk looi, abï dëp ku abï ciën raan liiu en.”

Jeremia 9:25

Aye Bɛ̈nydït lueel an, “Akööl abïkï, kööl bän kɔc cï cueel, ayï kɔc kën ë cueel luöi këtuc.

Jeremia 9:26

Kɔc ke Rip, ku Juda, ku Edom, ku wɛ̈ɛ̈t ke Ammon, ku Mowap, ku kɔc ee rëër ë jɔ̈ɔ̈ric kedhie, kɔc ë nhïmken tem nïïm, kek e juöörkë kedhie akënë keek cueel, ku baai de Yithriɛl ëbɛ̈n akën ë keek cueel piɔ̈ɔ̈th.”

Edhekiɛl 22:26

Bäny ke kake Nhialic adhoŋkï lööŋke kɔ̈ɔ̈th, ku acïk ciën riëëu de kaɣer yiic. Acïkï käŋ ee bɛ pɔ̈ɔ̈c yiic në kaam de kaɣer yiic ku ka cïï yiic ɣer. Acïkï kɔc ee bɛ wɛ̈ɛ̈t bï kɔc kapiɛth ku karɛc ŋic, ku ayek kööl de Thabath tɔ cïn naamde. Ku në biäk de ee kënë kɔc ke Yithriɛl acïkï Yɛn ee riëëu.

Edhekiɛl 44:15

Acïï Bɛ̈nydït Awärjäŋ lueel an, “Kek bäny ke kake Nhialic kë, ke dhiën ë Lebi ke kuat de Dhadok aŋootkï ke ke ye ya luööi në piɔ̈n adöt tëɣeric, të wään cïï kɔc juëc ke Yithriɛl röt yal wei tëde yɛn. Ka ënɔɔnë ee kek ee kɔc bï yɛn aa luööi, ku bïk aa bɛ̈n të täu ɛn thïn, bïk ɛn bɛ̈n gäm kɔl ku riɛm de miɔ̈c näk.

Edhekiɛl 44:9

“Yɛn Bɛ̈nydït Awärjäŋ, yɛn aa lueel en, an acïn alen kënë cueel, ku cin raan cïï yɛn ee riëëu bï lɔ tëdiën ɣeric, na cakaa alen rɛ̈ɛ̈r në kɔc ke Yithriɛl yiic.”

Edhekiɛl 7:20

Wään aake ye röt kɔn lɛɛc në guëtken, ku acïk ke bɛ̈n looi kek yiëth racken bɛ̈n looi. Yeka cïï Bɛ̈nydït kajuëcken tɔ riääk.

Lebai 17:11

Në biäk nu ë pïïr de kë cï cak në riɛmic, ku acä gäm week bä wek wegup aa teem në yïk nɔm, në biäk ee yen riɛm yen ye raan teem guöp në këde pïïr.

Lebai 21:17

“lɛ̈kë Aron alë an, ‘Në rɛm bï lɔ̈ɔ̈k bɛ̈n wadäŋ, ë cïn raan në mïth ë mïthku yiic, raan de guöp të dak, bï bɛ̈n ë ya lɔ̈ɔ̈m bï këcam de Nhialicde bɛ̈n gam:

Lebai 21:21

Acïn raan në mïth ke mïth ke Aron yiic, bɛ̈ny de kake Nhialic raan de guöp tëtök, bï bɛ̈n në yalɔ̈ɔ̈m bïï miɔ̈c cï looi ë mac bɛ̈n gäm Bɛ̈nydït, në biäk de yen guöp të dak, acïï bï dhil bɛ̈n të thiɔ̈k, bïï këcam bɛ̈n gäm Nhialicde.

Lebai 21:6

Abïk röt dhil tɔ ɣer ë Nhialic nɔm ku acïkï rin ke Nhialic bï dhil aa läät. Në biäk ye kek miɔ̈c cï looi ë mac gäm Bɛ̈nydït, këcam de Nhialicden, ka abïk yiic dhil ɣɛɛr.

Lebai 21:8

Yak bäny ke kake tɔ ɣeriic në ke ye kek këcam de Nhialicdun gam. Yak keek tɔ ɣeriic, në biäk aa Yɛn Bɛ̈nydït, raan ë tɔ we ɣeriic, Yɛn ɣeric.

Lebai 22:25

Ku läi cït ee kakë acäkkï keek bï aa gam në kɔc lei cïn, ku gamkï keek ke ke ye këcam de Nhialicdun. Acïï keek bï gam në nyindun yic, në biäk cïï kek riääk ku adekï gup tëdak.

Lebai 26:15

Ku na lak wëëtdï rɛɛc ku mankï lööŋkï, ku cäkï lööŋkiën cä lueelë kedhie bï looi, ku dhuɔŋkï mändï kɔ̈u.

Lebai 26:41

Yen kën ë tɔ ya loi ater wo keek, aguɔ keek tuɔɔc piny de kɔc de kek ater. Ku të le piɔ̈ɔ̈thkɛn kën ë cueel röt kuɔɔr piny ku cuɛtkï ariöp de karɛcken piny.

Malakai 1:7

Ku wek ee miɔ̈c cï dhiöök gam në yïïŋdï nɔm. Ku luɛlkï an, ‘Cuk yïk dhiöök adï?’ Wek cï yïïŋdï tɔ ye ɣɔ̈ric.

Malakai 2:4

Yen abä wek en jɔ ŋic ë gɔk nɔn cän we yɔ̈ɔ̈k, ke löŋdï ë cï bï dhoŋ kɔ̈u, löŋ wään cä mac wokë käu de Lebai, kë lueel ë Bɛ̈nydït de rɛm ka.

Malakai 2:8

Acï Bɛ̈nydït de rɛm lueel an, “Ku ënɔɔnë, wek bäny ke kake Nhialic, wek ë röt yal wei në kueer yic yic. Ku wëëtdun ë kɔc juëc thɛl ë luɔi de karɛc yiic. Wek ë löŋ wään cä mac wokë kuarkun Lebai dhoŋ kɔ̈u.

Luɔi 21:28

Ku cötkï an, “Week, röör ke Yithriɛl! Kuɔnykï wook! Kënë ee raan ee kɔc wɛ̈ɛ̈t ë jam de ater ke jurda, ku löŋ, ku ɣön ë Bɛ̈nydïïtë, ë pinynɔm ëbɛ̈n: ku däŋ aya, acï Girikii bɛ̈ɛ̈i Luaŋdïtic, go tëɣericë jɔ riɔ̈ɔ̈k!”

Luɔi 7:51

Week kɔc ril nïïm, kɔc kënë cueel piɔ̈ɔ̈th, ku kën ëke cueel yïth, wek ee cool ë luel ater në Wëidït ɣer ëcaŋɣɔn: cït man ë kuarkun, ayï week aya.

Nyöŋ 10:16

Ka ënɔɔnë, gɔl ee köölë yak Bɛ̈nydïtdun riëëu, ku duökï nïïm be riɛl.

Nyöŋ 30:6

Ku Bɛ̈nydït Nhialicdun abï week ku mïthkun gäm piɔ̈ɔ̈th ke riëëu, aguɔkï jɔ nhiaar në piɔ̈ɔ̈thkun ëbɛ̈n, ku we bï ŋoot ke we rɛ̈ɛ̈r ë pinyë yic.

Nyöŋ 31:16

Ago Bɛ̈nydït lɛ̈k Mothe, an, “Yïn bï lony wekë wärkuön ku kɔckë abïk röt gäm yiëthkɛn ke piny lei rëër kek thïnë, abïk yɛn pɔ̈l ku dhoŋkï män cä looi wokë keek.

Nyöŋ 31:20

Të lan keek lɔ bɛ̈ɛ̈i piny ee wat në ca ku miök de kiëc, piny wään cä kuëŋ wärken an bä gäm keek ku ëtɛ̈ɛ̈n abïk nïïm dɛ kacaam juëc, abïk röt pɔ̈k yiëth kɔ̈k ku lamkï keek. Ku reeckï yɛn ku dhoŋkï mändï kɔ̈u.

Ɣeberuu 8:9

Ku acïï bï ciët löŋ wään cä kɔn mac wokë kuarken, wään dam Ɛn kecin ku bɛ̈ɛ̈i ke bei Paan ë Rip. Keek acïk löŋ ë cïk mac në Yɛn dhoŋ kɔ̈u, guɔ ke nyääŋ piny!