Edhekiɛl 44:3 - JAM DE NHIALIC 2011

³ Wën melik mac baai, aduëër tëëk ke lɔ cam në kuïn ɣeric të täu ɛn thïn. Abï aa lɔ thïn ku jiël ke lɔ biic në ɣöt thok biäk thïn.”

Edhekiɛl 44:3 ပူးပေါင်းရင်းမြစ်များ

Cäk 31:54

Go Jakop thɔ̈k gäm Nhialic ë kuur nɔm ku nɛ̈k ke. Ku cɔɔl kɔcke lek cam në yen ëtök. Na wën acïk thök në cäm, ke ke nin ë kuur nɔm ëtɛ̈ɛ̈n.

2 Mel 16:18

Në biäk bïï yen melik de Athiriya tɔ mit piɔ̈u, go Aɣadh të ye melik rëër ë Luaŋdïtic nyaai, ku thiöök kueer de Thabath ɣɔn ye melik tëëk thïn ke lɔ Luaŋdït.

2 Lëk 23:13

Ku ëtɛ̈ɛ̈n ke jɔ melik ë piacë kuany tïŋ në Luaŋdïtic thïn, ke kääc ë mën cï luöi melik ku acï tuɔɔk cil në bäny ke rem de tɔŋ, ku lɔ kɔc koth kɛŋ. Kɔc wou kedhie ke ke mit piɔ̈ɔ̈th ku kothkï kɛŋ, ku lɔ kɔc ee ket në Luaŋdïtic ke ke gut thom ku lɔ̈r ku loikï dhuëëŋ. Go Athalia lupɔɔke rɛtic ku cööt ë röldït an, “Ee nyiin oou! Ee nyiin oou!”

2 Lëk 34:31

Go melik lɔ kɔ̈ɔ̈c tëde ku mɛc löŋ kekë Bɛ̈nydït, bïï aa riëëu, ku bïï wëëtde, ku lööŋke döt ë yepiɔ̈u ëbɛ̈n, ku wëike ëbɛ̈n, ku bïï kë cïï kueen awerekic dhil tääu në luɔɔi yic, ku bïï löŋ cï mac ke Bɛ̈nydït cït man cï ë ye gɔ̈ɔ̈r në awerekic döt.

Yith 23:18

Wëu le yök në ɣööc yic, abï ke gäm Bɛ̈nydït. Acïï ke bï tɔ̈ɔ̈u tëmec, ku kɔc ee Bɛ̈nydït lam abïk wëuke nööm ɣɔɔc kek ke këcam ku lupɔɔ kɔɔrkï.

Yith 62:9

Ku yïn raan ee anyol com ku puur ke yïn bï cam në kuïn cï pam ku lec Bɛ̈nydït. Yïn raan ee enap tiit, yïn abï ke määt yiic, yïn bï mɔ̈u dek në kal de tëdiën ɣeric yic.”

Edhekiɛl 34:24

Yɛn Bɛ̈nydït Awärjäŋ, Yɛn bï ya Nhialicden, ku melik cït awundiën Debid abï aa bɛ̈nyden. Acä lueel.

Edhekiɛl 37:25

Abïk rëër piny wään cä gäm awundï Jakop, të ɣɔn rëër ë kuarken. Abïk rëër ëtɛ̈ɛ̈n aɣet athɛɛr, ku yen ee täu bïï mïthken ku kuatden ëbɛ̈n tɔ̈u. Melik cït awundiën Debid abï ke cieŋ aɣet athɛɛr.

Edhekiɛl 40:9

Yen aa cak kueer ee lɔ thoŋ thiääk ke Luaŋdït, ku yethar ciëën të lɔ päny dhïlde aaye mitïr tök.

Edhekiɛl 46:12

Të bïï ë wën bɛ̈ny miɔ̈c de miɛtëpiɔ̈u, na ee miɔ̈c ye nyop ëbɛ̈n, ku nɔn ee miɔ̈c de mät, ke ye miɔ̈c de miɛtëpiɔ̈u gëm Bɛ̈nydït, kal thoŋ të lɔ aköl amiäk abïï liëp en, ku abï miɔ̈cdɛn ye nyop ëbɛ̈n gam, ku nɔn ee miɔ̈cdɛn de miɛtëpiɔ̈u, cït man yen ye looi në kööl ë Thabath, ku kal abï thiɔ̈ɔ̈k thok të cï yen rɔt puɔ̈k biic.”

Edhekiɛl 46:2

Wën bɛ̈ny mac baai abï lɔ thïn në biäk biic de kal, leer ɣöt ku kɛɛc në nïn de ɣöt thok. Ku bɛ̈ny de kake Nhialic abïk miɔ̈c ye nyop ë bɛ̈n, ku miɔ̈c de mät gam ëtɛ̈ɛ̈n në biäkde, ku lam tëde käm ë kal thok. Ku ëtɛ̈ɛ̈n abï rɔt pɔ̈k ciëën le biic, ku kal acïï bï guur thok agut cï thëën.

Nyöŋ 12:7

Në Bɛ̈nydït Nhialicdun lɔ̈ɔ̈m ëtɛ̈ɛ̈n, we bï cam, ku jakï piɔ̈ɔ̈th miɛt në bɛ̈ikun ëtök, në ka cäk keek looi ëbɛ̈n, ka cï Bɛ̈nydït Nhialicdun we thieei.

Nyuuth 3:20

Ya kï, kääc ɣöt thokë, ke ya tɔŋ ɣöt thok: tëde en raan piŋ a röl ku liep ɣöt thok, ke yɛn bï bɛ̈n ɣöt tëde yen, ku buk aa cam ëtök, yɛn wokë yen.