Edhekiɛl 44:24 - JAM DE NHIALIC 2011

²⁴ Na de löŋ wɛ̈ɛ̈c kɔc cï tuöl, ke bäny ke kake Nhialic abïk jam teem cït man ë kë cï ë lööŋ lueel. Abïk akööl ke dhuëëŋ cï mac aa riëëu cït man de lööŋkï ku wëëtdï, ku abïk akööl ke Thabath aa muk ke ke ɣer yiic.

Edhekiɛl 44:24 ပူးပေါင်းရင်းမြစ်များ

1 Lëk 23:4

Go melik aguum kathiërrou ku ŋuan (24,000) de kɔc kuany bïk luɔi de yïŋ ë Luaŋdït muk, ku aguum kadhetem (6,000) de kɔc, bïk käŋ aa gɔ̈ɔ̈r ku yek lööŋ guiir.

Edhekiɛl 22:26

Bäny ke kake Nhialic adhoŋkï lööŋke kɔ̈ɔ̈th, ku acïk ciën riëëu de kaɣer yiic. Acïkï käŋ ee bɛ pɔ̈ɔ̈c yiic në kaam de kaɣer yiic ku ka cïï yiic ɣer. Acïkï kɔc ee bɛ wɛ̈ɛ̈t bï kɔc kapiɛth ku karɛc ŋic, ku ayek kööl de Thabath tɔ cïn naamde. Ku në biäk de ee kënë kɔc ke Yithriɛl acïkï Yɛn ee riëëu.

1 Tim 3:15

Ku na cä gääu, ke yïn bï täu bï raan dhil aa tɔ̈u ɣön ë Nhialic ŋic, yen aye ɣön ë Nhialic pïïr, ku ye mën ee yic ku ye yic thar.

Edhr 2:63

Go bɛ̈ny keek yɔ̈ɔ̈k cïkï bï ya cam në këcam ɣeric, agut kööl bï bɛ̈ny de kake Nhialic kɔn cɔ̈ɔ̈r në kur ke Yurim ku Thumim.

Nyöŋ 19:17

keek kaarou abïk dhil lɔ të töŋ de läm, ku jɔ löŋden lɔ guiir në bäny de kake Nhialic ku bäny ee lööŋ guiir, kɔc bï tɔ̈u ë luɔi yic.

Nyöŋ 21:5

Ku bäny ke kake Nhialic de Lebai abïk lɔ ëtɛ̈ɛ̈n ayadäŋ, në biäk bïï kek löŋ teem, löŋ de yic tɔŋ. Acïï Bɛ̈nydït Nhialicdun keek lɔc, bïk Yen luöi ku bïk athiɛɛi aa lueel në rinke.

Diɛt 119:34

Wɛ̈ɛ̈rë yɛn yic lööŋku, ku abä keek riëëu yic, abä keek muk ë yapiɔ̈u ëbɛ̈n.

Edhekiɛl 20:12

Acä ke gäm kööldiën de Thabath ke ye kïn de mät në kaamdï wo keek, bïï keek aa täk nïïm, an yɛn Bɛ̈nydït, acä keek tɔ ɣer yiic.

Edhekiɛl 20:20

Luɔikï Thabath ke ye kööl ɣeric, ago ya kïn ë män cuk looi, ku abï we täk nïïm nɔn ee yɛn Bɛ̈nydït Nhialicdun.

Edhekiɛl 46:9

“Të bïï kɔc ke piny tëde de Bɛ̈nydït në akööl ke dhuëŋ cï mac, kɔc wën ee lɔ thïn në thoŋ të lɔ rut lek lam abïk aa bɛ̈n bei në thoŋ nu të lɔ wöuwic, ku kɔc ee lɔ thïn në thoŋ nu të lɔ wöuwic, abïk aa bɛ̈n bei në thoŋ nu të lɔ rut. Acïn raan bï aa lɔ biic në thoŋ wën ë bïï yen thïn, raan ëbɛ̈n abï dhil aa lɔ biic ke cök yenɔm.