Edhekiɛl 43:8 - JAM DE NHIALIC 2011

⁸ Meliik ayek thook ke ɣöötken ku göl ke ɣöötken yiɛ̈k në ɣöndï kɔ̈u ku gɔ̈ɔ̈ldï kɔ̈u, ago jɔ aa päny yetök yen nu në kaamda. Acïk rinkiën ɣeriic yɔ̈ɔ̈r në karɛckɛn yek looi ëbɛ̈n, aguɔ keek riɔ̈ɔ̈k në agönhdï.

Edhekiɛl 43:8 ပူးပေါင်းရင်းမြစ်များ

2 Lëk 33:4

Acï yïk ke yiëth yïk Luaŋdït, të wään cï Bɛ̈nydït lueel an bï ë yen aa lam thïn aɣet athɛɛr.

2 Lëk 33:7

Ku tɛ̈ɛ̈u kë cï cuëëc ë ɣön ë Nhialicic, të cïï Bɛ̈nydït Nhialic lɛ̈k Debid ku wënde Tholomon an: “Në Jeruthalem eenë, në ɣön ë Bɛ̈nydïïtë, yen ee të cä lɔc në wuöt ke dhiëën ke Yithriɛl yiic ëbɛ̈n kathiëër ku rou, ke ee të bï ë Yɛn aa lam thïn.

Bɛ̈n 12:7

Ku kɔc ë ke nöm riɛm, ku wïïthkï ë ɣööt thook, ɣööt cuet kek nyök thïnë, ɣöt thok baŋ cuëc ku baŋ cam, ku yethok nhial.

Edhekiɛl 23:39

Kööl man yen nɛ̈k kek wɛ̈ɛ̈tkï ke ke ye miɔ̈c näk gëmë yiëthken, acïk bɛ̈n tëdiën ɣeric ku dhiökï!

Edhekiɛl 44:7

Acïk tëdiën ɣeric riɔ̈ɔ̈k në luɔi cï kek kɔc alɛi kënë cueel cïï Yɛn ee riëëu tɔ lɔ Luaŋdït, të wën ye miɔ̈c de kɔl ku riɛm de ka cï nɔ̈k gäm Yɛn. Ka kɔckï acïk mändï dhoŋ kɔ̈u në karɛc juëc cïk keek looi.

Edhekiɛl 5:11

“Ka ënɔɔnë, ke ya ye Nhialic pïïr, kënë ee jam de Bɛ̈nydït Awärjäŋ në biäk cä wek tëdiën ɣeric dhiöök në kërac yak looi ëbɛ̈n, kanhiany cäk looi, we bä ke nɔ̈k ke cïn kokëpiɔ̈u.

Edhekiɛl 5:12

Biäk töŋ de diäk ë kɔckun abï thou në jɔk ku cɔk ë pänydïtic, ku thou biäk däŋ de diäk në abätäu biic në pänydït thok, ku biäk töŋ de diäk ciëën abä thiäi piny në ɣään ke yom kedhie, ku cuɔp keek në abätäu.

Edhekiɛl 5:13

“Yïn bï riɛl de agönhdï yök në yïguöp ku ja gɔ̈th agut të bän piɔ̈u thök. Të le ee kënë rɔt looi ëbɛ̈n, abä jɔ gam nɔn cän jam wo yïn, Yɛn Bɛ̈nydït në biäk cïï ciɛ̈n adötdu yɛn tɔ göth.

Bäny 19:27

Na wën jɔ monyde pääc aduduur, ku liep ɣöt thok ke bï jɔ lɔ jäl. Ago tiiŋ mɔ̈thde yök ëtɛ̈ɛ̈n ke cï wïïk piny ɣöt thok ke cï yenyin wɛl piny, ku cinke acïk röt kan ënïn nɔm.