Edhekiɛl 43:27 - JAM DE NHIALIC 2011

²⁷ Na ɣɔn cï nïn kadhorou tëëk, bäny ke kake Nhialic, abïk gɛm de miɔ̈c gɔl në yïk nɔm, miɔ̈c ye nyop ëbɛ̈n, ku miɔ̈c de mät. Ëtɛ̈ɛ̈n, yɛn bï piɔ̈u miɛt wo week wedhie. Acä lueel, Yɛn Bɛ̈nydït Awärjäŋ.”

Edhekiɛl 43:27 ပူးပေါင်းရင်းမြစ်များ

Jop 42:8

Ë nɔɔnë, nöm miöör kadhorou, ku nyök amɛ̈l kadhorou, yiɛ̈n ë ke Jop bï ke lɔ gam ke ke ye miɔ̈c näk, ku lɛ̈ŋ në biäkdun, ku Yɛn bï lɔ̈ŋde piŋ, ku wek cä bï yɔ̈ɔ̈r gup në ayär röŋ ke week. Wek kën jam në yith në biäkdï cït man ë yen.”

Edhekiɛl 43:26

Në nïn kadhorou bäny ke kake Nhialic abïk yïk dhil aa teem guöp ku tɔkï lɔ wai, ku jɔkï kiëët në biäk de luɔi.

Edhekiɛl 45:17

Abï ya luɔi de wën bɛ̈ny bï miɔ̈c de lɛ̈n bï nyop ëbɛ̈n yök, ku miɔ̈c ë rap, ku miɔ̈c de mɔ̈u në biäk de baai de Yithriɛl ëbɛ̈n, në kööl de dhuëëŋ ë Wil de Pɛɛi. Ee yen bï miɔ̈c de awɛ̈ɛ̈c yök, ku miɔ̈c de kööl ë Thabath, ku jɔ aa dhuëŋ kɔ̈k. Ee yen abï miɔ̈c de awɛ̈ɛ̈c bɛ̈ɛ̈i, ku miɔ̈c ë rap, ku miɔ̈c ye nyop ëbɛ̈n, ku miɔ̈c de mät, bïï baai de Yithriɛl jɔ teem guöp.”

Ɣodh 8:13

Ayek Ɛn gäm miɔ̈c, ku pukkï röt cuetkï rïŋ. Bɛ̈nydït acïï piɔ̈u mit ke keek. Bɛ̈nydït acïï awɛ̈ɛ̈cken bï puɔ̈l, abï keek luöi këtuc në baŋ de karɛcken. Ka abä keek be tɔ ye lïïm, cït man ɣɔn kɔnë keek lïïm paan ë Rip.

Lebai 17:5

Kënë abï tɔ̈u aya, kɔc ke Yithriɛl abïk Bɛ̈nydït aa yiɛ̈n miɔ̈c yek nɔ̈k, miɔ̈cdɛn yek looi ënɔɔnë roor. Ku abïk keek dhil yiɛ̈n bɛ̈ny de kake Nhialic, ku yïnkï keek Bɛ̈nydït në paany de mät thok. Ku nɛ̈kkï keek ke ee miɔ̈c de mät.

Lebai 3:1

Na bïï raan miɔ̈c de mät, në ɣɔ̈kiic, na ë bïï weŋ ŋuöt, ku nɔn ee thɔn, abï aa weŋ cïn guöp të dak.

Lebai 9:1

Na ɣɔn aa cï nïn kabɛ̈t wan, nïn wään thɛny ë keek nïïm, ke Mothe ë cɔl Aron kekë wɛ̈ɛ̈tke ku röördït ke Yithriɛl.

Lebai 9:4

Ku weŋ kekë nyɔɔŋ amääl ke ke ye miɔ̈c de mät, miɔ̈c bïï ke gam në Bɛ̈nydït nɔm, ku mɛ̈tkï në miɔ̈c ë rap cï liääp ë miök. Në biäk bïï Bɛ̈nydït tuöl tëde week ee köölë.

Romai 12:1

Yen aa läŋ ɛn week, mïthëkɔckuɔ, në kok ë Nhialic piɔ̈u an, Gamkï gupkun abïk aa kë cï lam kë pïïr, kë ɣeric, kë mit ë Nhialic piɔ̈u, gämduön piɛth kï.

Romai 15:16

Ke yɛn bï aa raan ë Yecu Kërtho luööi ë Juöör yiic, raan ë wëlpiɛth ke Nhialic luöi keek, ke gäm cï Juöör gäm Nhialic ke bï aa läm mit ë Nhialic piɔ̈u, läm cï tɔ piɛth në Wëidït ɣer.

Epethiei 1:6

në lɛc bï dhuëëŋ de yenpiɔ̈u aa leec dhuëëŋ cï läkëläk, dhuëëŋ cï gäm wook ëdhuëëŋ në biäk de Raan Nhiɛɛr!

Pilipoi 2:17

Yeka, ku na cäk wëikï luööŋ ë yïk nɔm, ku luuŋë ke ë luɔi nɔm aya, luɔiduön ë gäm cä wek gam, ka mit ë yapiɔ̈u, ku yɛn mit piɔ̈u wokë week wedhie.

Ɣeberuu 13:15

Ka wook, wok kɔc nu ë kueer ë Bɛ̈nydan Yecu Kërtho yic, Bɛ̈nydan nu nhial, yok Nhialic lɛc nɔm në lɛc cïï kɔ̈u ee tɛɛm yen aye miɔ̈cda në rin ke Yecu Kërtho.

1 Pet 2:5

Ke week aya wek ee ciët kuur pïïr, ago we yïk a ye ɣön ë wëi, bäk aa bäny ɣeriic bäny ke kake Nhialic, bäny ë ka ye läm näk keek yiɛ̈n Nhialic kake wëi, kamit ë Nhialic piɔ̈u në Yecu Kërtho.