Edhekiɛl 43:22 - JAM DE NHIALIC 2011

²² Në kööl däŋë ke yï nöm nyɔɔŋ bou cïn guöp tëdak, ku näk ke ye miɔ̈c de kërac. Ku jɔ yïk tɔ ɣeric në riɛmde, në kueer wään cï kɔn luöi miɔɔr.

Edhekiɛl 43:22 ပူးပေါင်းရင်းမြစ်များ

Yith 53:10

Aye Bɛ̈nydït lueel an, “Aa ye këdï piɔ̈ndï yen aa tɔ yen guöm, thonde aaye miɔ̈c näk bï päl de awɛ̈ɛ̈c bɛ̈ɛ̈i. Ka yen abïï kuatde tïŋ, abï pïïr ë run juëc aläl, ku në kueerde këdiën kaar abï tiam.

Yith 53:6

Wook wodhie wok cït amɛ̈l cï määr, ŋɛk në wook akuany kueerde yic yetök. Ku Bɛ̈nydït acï këtuc tɔ lööny në yeyeth, këtuc röŋ kekë wook wodhie.

Edhekiɛl 43:20

Yïn bï biäk thiin ë riɛm nööm ku tääuwë në yïk tuŋ, ku tääuwë në aguuk kaŋuan ke yïk nɔm, ku në aguuk kaŋuan tɔ̈u ë yïk nɔm cil, ku ë yïk kɔ̈u ëbɛ̈n. Në ee kueerë yïn cï yïk jɔ tɔ piɛth ku jɔ teem guöp.

Edhekiɛl 45:18

Acïï Bɛ̈nydït Awärjäŋ lueel an, “Në kööl tueŋ de pɛɛi tueŋ de ruöön, wek bï miɔɔr atiëëk cïn guöp tëdak dhil aa nɔ̈k bä wek tëɣeric tɔ piɛth.

Lebai 1:10

Na ye këdɛn gɛm ke ee miɔ̈c ye nyop ëbɛ̈n, na ye amääl ku nɔn ee bou, abï nyɔɔŋ cïn guöp tëdak dhil gam.

Lebai 16:18

Ku ëtɛ̈ɛ̈n, abï jɔ bɛ̈n biic ë yïk lɔ̈ɔ̈m, yïïŋ nu në Bɛ̈nydït nɔm, ku teem kɔc gup. Abï riɛm biäk de miɔɔr nööm, ku nööm riɛm biäk de nyɔk, ku tɛ̈ɛ̈u në yïk tuŋ kedhie.

Lebai 4:23

Ku të cï yen kërɛɛcdɛn cï looi ŋic, abï nyɔɔŋ bou cïn guöp tëdak dhil bɛ̈ɛ̈i ke ye miɔ̈cde.

Lebai 4:26

Ku abï kɔɔl dhil nyop në yïk nɔm, cït man ye kɔɔl ke miɔ̈c de mät nyop, ku në ee kueerë abï bɛ̈ny de kake Nhialic jɔ teem guöp në biäk de kërɛɛc cï looi, ku abï ja päl awɛ̈ɛ̈c.

1 Pet 1:19

ee riɛm piɛth de naamde, cït riɛm de nyɔɔŋ amääl lɔ guöp kuiny ku cïn tëthiin col, en aa wëërë we bei, yen aye riɛm de Kërtho.