Edhekiɛl 43:20 - JAM DE NHIALIC 2011

²⁰ Yïn bï biäk thiin ë riɛm nööm ku tääuwë në yïk tuŋ, ku tääuwë në aguuk kaŋuan ke yïk nɔm, ku në aguuk kaŋuan tɔ̈u ë yïk nɔm cil, ku ë yïk kɔ̈u ëbɛ̈n. Në ee kueerë yïn cï yïk jɔ tɔ piɛth ku jɔ teem guöp.

Edhekiɛl 43:20 ပူးပေါင်းရင်းမြစ်များ

Bɛ̈n 29:12

Ku jak riɛm de miɔɔr në riöp nɔm, ku tɔc yïk tuŋ. Ku wälë riɛm cï döŋ piny në yïk thar piny.

Bɛ̈n 29:36

Ye miɔɔr nɔ̈k ke ye miɔ̈c de kërac në aköölkë yiic kadhorou në këde atɛɛm. Ku yïk abä luöi miɔ̈c de kërac, ke ye kë teem ë yen, ku tɔc yïk në miök de olip ke bï yic ɣɛɛr.

Bɛ̈n 29:37

Loi atɛɛm de yïk në nïniic kadhorou, ku ëtɛ̈ɛ̈n, yïk abï yic jɔ ɣɛɛr aläl, ku raan lɔ ye jak ku nɔn ee yen kë jak en, ka abï riɛl de ɣɛɛrde yicde ye luöi kërac.

Edhekiɛl 43:14

Biäk piny de yïk, gɔl në awuöl nɔm piny, aaye mitïr tök ke lɔ nhial. Ku biäk däŋë acï kan kɔ̈u, në yekëc të ye thëmde thɛntimitïïr kathiërdhïc në yekɔ̈u ëbɛ̈n, ku bɛ̈ɛ̈rde ke lɔ nhial aaye mitïïr kaarou. Ku biäk däŋ lɔ ee kënë cök acï kan në yekëc aya, të ye thëmde thɛntimitïïr kathiërdhïc në yekɔ̈u ëbɛ̈n.

Edhekiɛl 43:22

Në kööl däŋë ke yï nöm nyɔɔŋ bou cïn guöp tëdak, ku näk ke ye miɔ̈c de kërac. Ku jɔ yïk tɔ ɣeric në riɛmde, në kueer wään cï kɔn luöi miɔɔr.

Edhekiɛl 43:26

Në nïn kadhorou bäny ke kake Nhialic abïk yïk dhil aa teem guöp ku tɔkï lɔ wai, ku jɔkï kiëët në biäk de luɔi.

Edhekiɛl 45:18

Acïï Bɛ̈nydït Awärjäŋ lueel an, “Në kööl tueŋ de pɛɛi tueŋ de ruöön, wek bï miɔɔr atiëëk cïn guöp tëdak dhil aa nɔ̈k bä wek tëɣeric tɔ piɛth.

Edhekiɛl 45:19

Bɛ̈ny de kake Nhialic abï riɛm thiin de miɔ̈c de kërac nööm, ku tɛ̈ɛ̈u në nïn de Luaŋdït nɔm, në aguuk ke yïk kaŋuan, në nïn de Luaŋdït nɔm, ku në kueer lɔ në kal de Luaŋdït yic biäk thïn.

Lebai 16:18

Ku ëtɛ̈ɛ̈n, abï jɔ bɛ̈n biic ë yïk lɔ̈ɔ̈m, yïïŋ nu në Bɛ̈nydït nɔm, ku teem kɔc gup. Abï riɛm biäk de miɔɔr nööm, ku nööm riɛm biäk de nyɔk, ku tɛ̈ɛ̈u në yïk tuŋ kedhie.

Lebai 16:19

Ku abï riɛm biäk wiɛ̈ɛ̈th në yïk kɔ̈u në yeriöp raan dhorou, në baŋ bï yen yïk waak ku tɔ guöp piath, në awɛ̈ɛ̈c de kɔc ke Yithriɛl.

Lebai 4:25

Ku ëtɛ̈ɛ̈n, bɛ̈ny de kake Nhialic abï riɛm biäk nööm në miɔ̈c de kërac yic, në yeriöp, ku tɛ̈ɛ̈u ë yïk tuŋ, yïïŋ de miɔ̈c ye nyop ëbɛ̈n, ku riɛm biäk, abï wäl në thaaŋ de yïïŋ de miɔ̈c ye nyopic.

Lebai 4:30

Ku ëtɛ̈ɛ̈n bɛ̈ny de kake Nhialic, abï riɛm biäk nööm në yeriöp ku tɛ̈ɛ̈u në yïk tuŋ. Yïïŋ de miɔ̈c ye nyop ëbɛ̈n, ku wɛ̈l riɛm biäk në aduŋ de yïkic.

Lebai 4:34

Ku ëtɛ̈ɛ̈n bɛ̈ny de kake Nhialic, abï riɛm biäk nööm në miɔ̈c de kërac yic në yeriöp, ku tɛ̈ɛ̈u në yïk tuŋ, yïïŋ de miɔ̈c ye nyop ëbɛ̈n. Ku wɛ̈l riɛm biäk në aduŋ de yïkic.

Lebai 8:14

Na wën, ke Mothe ë bïï miɔɔr atiëëk, ke ye miɔ̈c de kërac, go Aron kekë wɛ̈ɛ̈tke kecin tääu ë yenɔm.

Lebai 8:15

Ago Mothe miɔɔr nɔ̈k ku nööm riɛm biäk në yeriöp, ku tɛ̈ɛ̈u në yïk tuŋ, në biäk bïï yen en tɔ piɛth, ku jɔ riɛm biäk wäl ë yïk thar, ku jɔ tɔ ɣeric, ke bï atɛɛm looi ë biäkde.

Lebai 9:9

Go wɛ̈ɛ̈tke riɛm yiɛ̈n en, go yeriöp luöt në riɛmic, ku tɛ̈ɛ̈u në yïk tuŋ, ku wɛ̈l riɛm biäk në yïk thar.