Edhekiɛl 42:14 - JAM DE NHIALIC 2011

¹⁴ Na cï bäny ke kake Nhialic bɛ̈n tëɣeric, ku kɔɔrkï luɔi bï kek lɔ në kal yic biic, abïk lupɔɔ ɣeriic wën ceŋkï të wën luui kek dhil nyääŋ piny ee ɣöötkë yiic. Abïk lupɔɔ kɔ̈k dhïl tääu në kekɔ̈ɔ̈th, ke ke kën kɔn lɔ biic të cï kɔc kenïïm mat thïn.”

Edhekiɛl 42:14 ပူးပေါင်းရင်းမြစ်များ

Yith 61:10

Jeruthalem amit piɔ̈u në biäk de kë cïï Bɛ̈nydït looi. Cït man ye monythiëk lupɔ dik cieŋ, ku thiäŋ nyan thiak rɔt në adhɛ̈p ke thiëëk. Acïï Nhialic kum kɔ̈u në lupɔɔ ke piathëpiɔ̈u ku tiëm.

Edhekiɛl 44:1

Go raan ɛn lɛɛr në kal thok ë biäk biic të lɔ aköl amiäk de tëɣeric. Kal aa thiɔ̈ɔ̈k thok,

Edhekiɛl 44:19

Të ŋoot kek ke ke kën kɔn lɔ në kalic biic, të nu ë kɔc ëbɛ̈n, abïk lupɔɔ ke luɔi de Luaŋdït kɔn bɛ̈ɛ̈i bei në kekɔ̈ɔ̈th, ku nyiëëŋkï keek piny në ɣööt ɣeriic yiic. Abïk lupɔɔkɛn kɔ̈k tääu ë kekɔ̈ɔ̈th, ke ke cïï kɔc bï tɔ yök ë kërac, në biäk de lupɔɔ ɣer yiic.

Lebai 16:23

Ku jɔ Aron lɔ në paany de mätic, ku bïï lupɔ ke linɔn bei, lupɔ wën bï tääu ke kën kɔn lɔ Tëɣeric aläl. Ku abï keek jɔ nyääŋ piny ëtɛ̈ɛ̈n.

Lebai 16:24

Abï rɔt dhil waak në pïïu tëɣeric, ku jɔ lupɔɔkɛn ye ke ceŋ tääu në yekɔ̈u, ku jɔ bɛ̈n ku nɛ̈k miɔ̈c ye nyop ëbɛ̈n në biäk de yen guöp, ku miɔ̈c ye nyop ëbɛ̈n në biäk de kɔc, ku jɔ rɔt teem kekë kɔc ayadäŋ.

Lebai 8:13

Na wën, go Mothe wɛ̈ɛ̈t ke Aron bɛ̈ɛ̈i tueŋ, ku tɛ̈ɛ̈u aluluut në kekɔ̈ɔ̈th ku duut thiöth ë keyiic, ku tɛ̈ɛ̈u akuup në kenïïm, cït man cïï Bɛ̈nydït ye lueel.

Lebai 8:7

Ku tɛ̈ɛ̈u alanh thith në Aron kɔ̈u, ku duut thiönh de lupɔ në yekɔ̈u, go Mothe alanh biic tääu në yekɔ̈u, ku yïk kɔ̈u lupɔ de ajïpɔ. Na wën ke duut thiönh cï guel në yekɔ̈u, ago lupɔ de ajïpɔ jɔ duööt në Aron kɔ̈u.

Luk 9:62

Go Yecu yɔ̈ɔ̈k an, “Raan ë puur dɔm ë yeciin, ku be ciëën lieec, acïï röŋ ke ciɛɛŋ de Nhialic.”

Romai 13:14

Jakkï Bɛ̈nydït Yecu Kërtho cieŋ cït lupɔ, ku duökï ee diɛɛr në karɛc kɔɔr guöp.

Romai 3:22

Yen aye piathëpiɔ̈u bɔ̈ tëde Nhialic në gäm de Yecu Kërtho, bï tëde kɔc kedhie, ku bï ë kɔc gup kedhie, kɔc gäm, ku acïn puny ee kɔc pɔ̈ɔ̈c yiic:

Galatai 3:27

We wedhie, we kɔc cï baptith ë Kërtho yic, we cï Kërtho tääu ë wekɔ̈ɔ̈th.

1 Pet 5:5

Ku week aya, wek kɔc kor, yak ka ke röördït piŋ. Yeka, week wedhie, yak wethook piëëŋ abäk kuur aa wek röt kuɔɔr piny cieŋ cït man ë lupɔ: Nhialic ee kɔc ee röt tɔ dït ŋɛ̈ny, ku ye kɔc ee röt kuɔɔr piny gäm dhuëëŋdepiɔ̈u.