Edhekiɛl 42:13 - JAM DE NHIALIC 2011

¹³ Go raan lɛ̈k ɛn an, “Ku ɣööt kaarou ɣeer yiic nu ë baŋ lɔ rut ku baŋ lɔ wöuwic, ee të ye bäny ke kake Nhialic miɔ̈c ɣeriic lɔ cam thïn ë Bɛ̈nydït nɔm. Ku në biäk ɣeer ë ɣööt yiic bäny ke kake Nhialic ayek miɔ̈c ɣer yiic aläl tɔ̈ɔ̈u ëtɛ̈ɛ̈n: miɔ̈c ë rap, ku miɔ̈c de kërac ku miɔ̈c de awäc de tëɣeric.

Edhekiɛl 42:13 ပူးပေါင်းရင်းမြစ်များ

Neɣe 13:5

Ago Tobia päl ɣön dïït ë ye miɔ̈c ë rap, ku wal ŋïr, ku kakë luɔi ë Luaŋdït tɔ̈ɔ̈u thïn, ku miɔ̈c ke bäny ke kake Nhialic, ku miɔ̈c de töŋ ë thiëër ke rap, ku mɔ̈u, ku miök de olip ye gäm Lebai ku kɔc ee ket Luaŋdït ku kɔc ee Luaŋdït tiit thok.

Bɛ̈n 29:31

Nöm rïŋ de nyɔɔŋ cï nɔ̈k tɔ Aron ee bäny ke kake Nhialic kekë wɛ̈ɛ̈tke, ku thal tëɣeric.

Edhekiɛl 40:38

Në kal baŋ biic, ade gɔ̈ɔ̈l cï nuat ë kal thoŋ biäk thïn të lɔ rut. Ee rɔt liɛp ɣön wel yethok kal yic, ku ayek wai ke läi bï gam ke ke ye miɔ̈c ye nyop ëbɛ̈n waak ëtɛ̈ɛ̈n.

Edhekiɛl 40:46

ku ɣön wel yethok të lɔ rut, ee këde bäny ke kake Nhialic ee lui në yïk kɔ̈u. Bäny ke kake Nhialic kedhie ayek kuat de Dhadok, ee kek kɔc ke dhiën de Lebai cï päl luɔi bï kek aa lɔ në Bɛ̈nydït nɔm kapäc, bïk lɔ luööi.

Edhekiɛl 41:12

Në biäk mec tɔ̈u të lɔ aköl athɛ̈i de Luaŋdït, ade ɣön ye bɛ̈ɛ̈rde mitïïr kathiërŋuan ku dhïc ku ye dïtde mitïïr kathiërdiäk ku dhïc, ku ye dhïl de pɛ̈ɛ̈nyke mitïïr kaarou ku biäk në biäk kedhie.

Edhekiɛl 42:1

Go raan yɛn lɛɛr biic në kal yic, ku leer yɛn të lɔ rut de Luaŋdït, acïï mec ke ɣön nu ë biäk të lɔ aköl athɛ̈i de Luaŋdït.

Edhekiɛl 42:10

Në biäk lɔ aköl amiäk de Luaŋdït, aa de ɣööt cï röt rɛk piny cït acuek, acïkï mec në ɣön tɔ̈u në biäk të lɔ aköl athɛ̈i de Luaŋdït.

Lebai 10:17

Ago keek thiëëc an, “Eeŋö cä wek miɔ̈c de kërac cam në tëɣeric yic? Ee kë ɣeric aläl, aa gëmë week, në biäk bä wek karɛc ke akutnɔm nyaai, në luöi bä wek keek teem gup në Bɛ̈nydït nɔm.

Lebai 10:3

Na wën ke Mothe ë yöök Aron an, “Kënë ee kë wään bïï Bɛ̈nydït jam në biäkde, Ago Aron nɔm ciën këdɛn lueel në biäk de thon ë wɛ̈ɛ̈tke.

Lebai 14:13

Ku abï nyɔk teem röl tëɣeric, të ye miɔ̈c de kërac kekë miɔ̈c ye nyop ëbɛ̈n teem röl thïn. Miɔ̈c de awäc acït miɔ̈c de kërac, ee këde bɛ̈ny de kake Nhialic, ka aɣeric aläldïïtë.

Lebai 2:10

Ku biäk cï döŋ në miɔ̈c ë rapic ee këde Aron kekë wɛ̈ɛ̈tke, ee biäk ɣeric aläl në miɔ̈c ee luöi Bɛ̈nydït në mac.

Lebai 2:3

Biäk de miɔ̈c ë rap bï döŋ ee këde Aron kekë wɛ̈ɛ̈tke, ee yen aye biäk ɣeric aläl cï luöi Bɛ̈nydït në mac.

Lebai 21:22

Aduëër cam tei në kuïn ɣeric aläl de Nhialicde ayï këcam ɣeric ayadäŋ.

Lebai 24:9

Ku kuïn cï pam ee këde Aron kekë kuatde. Ku abïk dhil cam tëɣeric në biäk ee yen baŋ de kuïn ɣeric aläl, kuïn cï gäm Bɛ̈nydït këde bäny ke kake Nhialic.

Lebai 6:19

Go Bɛ̈nydït Mothe yɔ̈ɔ̈k.

Lebai 6:29

Ku mïth wɛ̈t nu paan de bɛ̈ny de kake Nhialic kedhie, aduëërkï cam në yen, ee kë ɣeric aläl.

Lebai 7:1

Kakë ee lööŋ në biäk de miɔ̈c de awäc, yen kë ɣeric aläl.

Lebai 7:6

Ku mïthwät nu paan de bɛ̈ny de kake Nhialic kedhie, aduëërkï cam në yen. Ku abï dhil aa cam tëɣeric. Ee kë ɣeric aläl.

Kuɛ̈n 16:40

Yen ee kënë, aaye jäny jiëënyë kɔc ke Yithriɛl, nɔn cïn en raan däŋ pei bï wɛ̈ɛ̈l ŋïïr ye nyop bï ya gam në yïk nɔm, të cïn kuat de Aron. Na lɔ raan däŋ ye gam, ka abï riɔ̈ɔ̈k cït man ë Kɔra kekë kɔcke. Go Eleyadhar këriëëc cïï Bɛ̈nydït lɛ̈k Mothe looi.

Kuɛ̈n 16:5

Ku lëk Kɔra kekë kɔc cath në yen an, “Miäk aduduur, Bɛ̈nydït abï wo nyuöth raan ee raande, ku raan ɣeric, ku abï tɔ ɣëët në yelɔ̈ɔ̈m.

Kuɛ̈n 18:7

Ee yïn wekë wɛ̈ɛ̈tku wapäc, wek abï luɔi de kake Nhialic aa looi në Yïk nɔm, ku luɔikï këriëëc ë gëlgëlic aläl. Yen luɔidu ka ëbɛ̈n, në biäk cän yï gäm luɔi de kake Nhialic ke ye miɔ̈c. Raan ëbɛ̈n, raan cïï rɔ̈ŋ ke luɔi, ku le bɛ̈n në ka ɣeriic lɔ̈m, abï thou.

Nyöŋ 21:5

Ku bäny ke kake Nhialic de Lebai abïk lɔ ëtɛ̈ɛ̈n ayadäŋ, në biäk bïï kek löŋ teem, löŋ de yic tɔŋ. Acïï Bɛ̈nydït Nhialicdun keek lɔc, bïk Yen luöi ku bïk athiɛɛi aa lueel në rinke.