Edhekiɛl 40:5 - JAM DE NHIALIC 2011

⁵ Kë cä tïŋ ee Luaŋdït, ku aade päny cï ye gɛɛu cil. Go raan thienydɛn de thëm nööm, bɛ̈ɛ̈r de yenkɔ̈u aaye mitïïr kadiäk, ku them päny. Go aa mitïïr kadiäk ke lɔ nhial ku ye dhïlde mitïïr kadiäk.

Edhekiɛl 40:5 ပူးပေါင်းရင်းမြစ်များ

Diɛt 125:2

Cït man cïï Jeruthalem gɛɛu cil ë kur, yen acï Bɛ̈nydï kɔcke gɛɛu cil ënɔɔnë aɣet athɛɛr.

Yith 26:1

Ade kööl bɔ̈, kööl bï kɔc dinë kiit piny ë Juda: Pänydïïtda aril! Nhialic guöpde Yen agël kɛ̈lke!

Yith 60:18

Awuɔɔu ë tɔŋ acïï bï bɛ piŋ, riääk acïï bï bɛ bɛ̈n pinydun, wek bä gël ku kuɔny week cït päny, wek bï ya leec në biäk cän week kony.

Edhekiɛl 41:8

Ade të ye kɔc kɔ̈ɔ̈c në këërkëër de luaŋdït kɔ̈u ëbɛ̈n, ku päny de ɣööt në biäk biic aye dhïlde mitïïr kaarou ku biäk,

Edhekiɛl 42:15

Na wën cï raan thëm de biäk thïn de Luaŋdït thöl, go ya lɛɛr biic në thoŋ nu të lɔ aköl amiäk, ku them biäk biic.

Edhekiɛl 42:20

go them në biäk kaŋuan kedhie, go yök ye mitïïr bot kaarou ku thiërdhïc, në biäk kedhie. Päny acï rɔt looi ke ye gëlgël në kaam de kë ɣeric kekë kë cïï yic ɣer.

Edhekiɛl 43:13

Kakë ee thëm de yïk, ku kek ee kak ë them kek Luaŋdït. Në yïk kɔ̈u ëbɛ̈n ade awuöl ye thuthde thɛntimitïïr kathiërdhïc, ku dïtde ee thɛntimitïïr kathiërdhïc, ku ye dhïl de yethok biic ke bäär ke lɔ nhial thɛntimitïïr kathiërrou ku dhïc.

Dhek 2:5

Ku yɛn guöpdï, yɛn abï ya kal ë mac, kë bï ye gël. Ku ee yɛn abï ya dhuëëŋdɛn tɔ̈u yeyic thïn. Yen kë cï Bɛ̈nydït lueel ka.

Nyöŋ 3:11

(Og melik de Bacan, ee yen ee raan töŋ ë dɔ̈ŋ ë kɔc ke Repaimiic, acï looi ë kuur, Ku raŋde acï looi në kuur ye bɛ̈ɛ̈rde yen kɔ̈u mitïïr kaŋuan, ku päu de yenyic ee mitïïr kaarou, cït tɔ̈u de athëm cï gam. Ku aŋoot ke täu ë Rabba pänydïït de kɔc ke Ammon ënɔɔnë.)

Nyuuth 21:12

Ku acï geeu ë gök de kal bäär, ku ade thook kathiëër ku rou, ku kääc tuucnhial kathiëër ku rou ë thook ke kal, ku thook ke kal acï ke gäär kɔ̈ɔ̈th rin, rin ke dhiëën ke wɛ̈ɛ̈t ke Yithriɛl kathiëër ku rou.